एमसीसी संशोधनपछि मात्र पास हुन्छ : गिरिराजमणि

सिरहा, ७ मंसिर । नेकपा (माओवादी केन्द्र) का स्थायी समिति सदस्य गिरिराजमणि पोखरेलले अमेरिकी सहयोग अन्तर्गतको मिलेनियम च्यालेन्ज कर्पोरेशन (एमसीसी) संशोधनपछि मात्र पास गर्ने बताएका छन् ।

पूर्वमन्त्री समेत रहेका पोखरेलले सोमबार सिरहाको गोलबजारमा माओवादी केन्द्रको वडा अधिवेशन उद्घाटन गर्दै नेपालको हितमा हुनेगरी संशोधन नभएसम्म एमसीसी पास नहुने बताए । ‘नेपालको अहितमा रहेका कतिपय बुँदा परिमार्जन भएपछि मात्रै एमसीसी पारित गर्ने माओवादी केन्द्रको स्पष्ट नीति छ,’ उनले भने ।

केपी शर्मा ओलीले मुलुकलाई निरंकुशतातर्फ लैजान खोजेपछि उनलाई सत्ताच्युत गरिएको पोखरेलले बताए । ‘केपी ओलीलाई निरन्तर पाँच वर्ष सत्तामा रहन दिएको अवस्थामा निरंकुशता लाद्ने निश्चित थियो,’ पोखरेलले भने, ‘तीन वर्ष सत्तामा रहँदा ओलीले देखाएका व्यवहारले नै यसको पुष्टि हुन्छ ।’

केपी ओलीले विघटन गरेको प्रतिनिधिसभा पुनर्स्थापनापछि राजनीति फेरि लिकमा आएको उनले बताए । ओलीको बोली र व्यवहारमा धेरै भिन्नता रहेको जिकिर गर्दै पोखरेलले भने, ‘जनता सामु एउटा कुरा गर्ने, बालुवाटारमा ‘रअ’ का प्रमुखसँग बसेर अरुनै काम गरे। जुन मुलुकको हितमा थिएन ।’ कार्यक्रममा विभिन्न दलबाट ४५० भन्दा बढी नेता, कार्यकर्ता आफ्नो पार्टीमा प्रवेश गरेका माओवादी केन्द्रले जनाएको छ । नव प्रवेशीहरुलाई नेता पोखरेलले अबिर र माला लगाएर स्वागत गरेका थिए ।

प्रतिक्रिया :

भर्खरै प्रकाशित

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…

पछिल्लो २४ घण्टामा २१३ मा कोरोना संक्रमण, ३१५ जना निको,…

काठमाडौं, ११ मंसिर । नेपालमा पछिल्लो २४ घण्टामा २१३ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभर ६,६३२ नमुना परीक्षण…

प्रदेशहरूले विकास खर्च गर्न सकेनन्

काठमाडौं, ७ मंसिर । संघीय सरकारको विकास खर्च ५ प्रतिशतको हाराहारीमा रहेका बेला प्रदेश सरकारहरूको पूँजीगत खर्च पनि पहिलो त्रैमासमा कमजोर देखिएको छ । सिंहदरबारको अधिकार…

एमसीसी संशोधनपछि मात्र पास हुन्छ : गिरिराजमणि

सिरहा, ७ मंसिर । नेकपा (माओवादी केन्द्र) का स्थायी समिति सदस्य गिरिराजमणि पोखरेलले अमेरिकी सहयोग अन्तर्गतको मिलेनियम च्यालेन्ज कर्पोरेशन (एमसीसी) संशोधनपछि मात्र पास गर्ने बताएका छन्…