हङकङमा ‘स्वार्थी’ डिजाइनको मास्कको कारण फैलियो कोरोना संक्रमण

काठमाडौं, ७ मंसिर । हङकङको रिगल एयरपोर्ट होटलमा बसेका दुईजनामा कोरोना संक्रमण पुष्टि भएको छ । हङकङका अधिकारीहरुका अनुसार एउटै तलामा बसेका उनीहरुले प्रयोग गरेको मास्कको कारण संक्रमण एकअर्कामा फैलिएको हो ।

साउथ चाइना मर्निङ पोस्टका अनुसार उनीहरुले पुनः प्रयोग गर्न सकिने भल्भ भएको मास्क लगाएका थिए । जीवविज्ञानका विशेषज्ञहरु यस्तो मास्कलाई ‘स्वार्थी’ डिजाइन भएको बताउँछन् । हङकङले कोरोना संक्रमण नियन्त्रणको लागि बाहिरबाट आउने सबैलाई होटल क्वारेन्टिनमा राख्दै आएको छ । साथै उसले होटल क्वारेन्टिनमा पनि संक्रमण नफैलियोस् भन्नका लागि विभिन्न मापदण्डहरु लगाइएको छ । यद्यपि संक्रमण भने रोकिन सकेको छैन ।

सीसीटीभीका अनुसार गत शनिबार होटलमा बसेका ३६ वर्षीय एक व्यक्तिमा गत साताको सोमबार कोरोना संक्रमण देखिएको थियो । उनले होटल क्वारेन्टिनमा बस्दा भल्भ भएको मास्क लगाउँथे । सोही मास्क लगाएर उनले खाना लिन र फोहोर फ्याँक्न बाहिर जान्थे । धेरै पटक त उनी ढोका खुलै राखेर मास्क नलगाई बस्ने गरेका थिए ।

सोही क्रममा विपरीततर्फको कोठामा बस्ने ६२ वर्षीय एक व्यक्तिमा संक्रमण सरेको अधिकारीहरुले बताएका छन् । उनलाई शनिबार परीक्षण गराउँदा संक्रमण पुष्टि भएको हो । हङकङकको सूक्ष्म जीव विज्ञानकी प्राध्याक युएन क्वोक युङले भनिन्, ‘यस्ता मास्क स्वार्थी मास्क हुन् । यस्ता मास्कले सास लिँदा चाहिँ भाइरसलाई रोक्न सक्छ तर सास फेर्दा फिल्टर गर्दैैन, जुन राम्रो होइन ।’

अधिकारीहरुले एयरपोर्ट र होटलका कर्मचारीहरुले अगन्तुकलाई भल्भको सट्टामा सर्जिकल मास्क प्रयोग गर्न सुझाव दिनुपर्ने बताएका छन् । संक्रमण नियन्त्रणको लागि सर्जिकल मास्क निकै प्रभावकारी हुने गरेको विभिन्न अध्ययनले देखाएका छन् । हङकङ कारोना संक्रमण शून्यमा झार्ने लक्ष्यमा अघि बढिरहेको छ ।

प्रतिक्रिया :

भर्खरै प्रकाशित

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…

पछिल्लो २४ घण्टामा २१३ मा कोरोना संक्रमण, ३१५ जना निको,…

काठमाडौं, ११ मंसिर । नेपालमा पछिल्लो २४ घण्टामा २१३ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभर ६,६३२ नमुना परीक्षण…

प्रदेशहरूले विकास खर्च गर्न सकेनन्

काठमाडौं, ७ मंसिर । संघीय सरकारको विकास खर्च ५ प्रतिशतको हाराहारीमा रहेका बेला प्रदेश सरकारहरूको पूँजीगत खर्च पनि पहिलो त्रैमासमा कमजोर देखिएको छ । सिंहदरबारको अधिकार…

एमसीसी संशोधनपछि मात्र पास हुन्छ : गिरिराजमणि

सिरहा, ७ मंसिर । नेकपा (माओवादी केन्द्र) का स्थायी समिति सदस्य गिरिराजमणि पोखरेलले अमेरिकी सहयोग अन्तर्गतको मिलेनियम च्यालेन्ज कर्पोरेशन (एमसीसी) संशोधनपछि मात्र पास गर्ने बताएका छन्…