कोरोना संक्रमण दर तीनदेखि ६ प्रतिशतको हाराहारीमा

काठमाडौं, २२ कात्तिक । ३९ प्रतिशतसम्म पुगेको नेपालको कोरोना संक्रमणदर पछिल्ला दिनमा तीन प्रतिशतसम्म झरेको छ । असोजयता संक्रमित क्रमशः घट्न थालेकामा शनिबार महामारी सुरु भएयताकै सबैभन्दा कम ३.५३ प्रतिशतमा कायम भएको हो । आइतबार भने यो दर फेरि ६.१२ प्रतिशतमा उक्लिएको छ । शनिबार तीन हजार नौ सय ३२ नमुना परीक्षण भएकामा एक सय ३९ संक्रमित थपिएका हुन् ।

त्यसअघि शुक्रबार चार हजार आठ सय ४४ नमुना परीक्षण हुँदा एक सय ८३ जनामा पजिटिभ देखिएको थियो । यो संक्रमणदर ३.७७ प्रतिशत हो । स्वास्थ्य मन्त्रालयले सार्वजनिक गरेको पछिल्लो एक साताको तथ्यांकअनुसार संक्रमणदर तीनदेखि ६ प्रतिशतमा छ ।

अघिल्ला दिनका तुलनामा संक्रमणदर आइतबार केही बढेर ६.१२ प्रतिशत पुगेको छ । दसैँपछि कोभिड परीक्षणको दरमा समेत कमी आएका कारण संक्रमणदर न्यून देखिएको हुन सक्ने विज्ञहरू बताउँछन् । संख्यामा संक्रमित कम देखिए पनि चाडपर्वको समयमा भिडभाड बढेकाले संक्रमण बढ्न सक्ने भएकाले ढुक्क हुने अवस्था अझै नभएको उनीहरूको चेतावनी छ ।

भाइरोलोजिस्ट डा. जनक कोइराला भन्छन्, ‘संक्रमणदर हेर्दा महामारी लगभग नियन्त्रणमा आएको देखिन्छ । खोपको प्रयोग सहज बन्दै जानुले समेत संक्रमण कम गर्न ठूलो सहयोग गरिरहेको छ । तर, विश्वका अन्य भागमा भ्याक्सिनपश्चात् नियन्त्रणमा आइसकेको कोभिड संक्रमण फेरि बढ्न थालेको देखिन्छ । त्यसैले अहिले नै महामारी नियन्त्रणमा आएको भनेर ढुक्क हुने अवस्था छैन ।’ सरकारले भने खोपको सहज पहुँच र एन्टिबडी निर्माणका कारण वास्तविक रूपमै संक्रमण घटेको बताएको छ ।

काठमाडौं र भक्तपुरमा पाँच सयभन्दा बढी सक्रिय संक्रमित
विश्व स्वास्थ्य संगठनका अनुसार सक्रिय संक्रमितको संख्या पाँच सयभन्दा कम भएमा महामारी नियन्त्रणमा आएको संकेत हुन्छ । तर, स्वास्थ्य तथा जनसंख्या मन्त्रालयको तथ्यांकले उपत्यकामा जोखिम कायम रहेको बताउँछ । दसैँपछि उपत्यकाबाहिरका सबै जिल्लामा सक्रिय संक्रमित पाँच सयभन्दा कम भए पनि काठमाडौं र ललितपुरमा बढी छन् । आइतबार मात्रै पनि काठमाडौंमा पाँच सय ६७ र ललितपुरमा पाँच सय एक सक्रिय संक्रमित छन् ।

त्यस्तै, भक्तपुर, मोरङ, सुनसरी, झापा, कास्की, नवलपरासी पूर्व, रुपन्देही, बाँके र कैलाली गरी नौ जिल्लामा दुई सयभन्दा कम संक्रमित छन् । सामान्यतया, दुई सयभन्दा कम संक्रमित हुनुलाई सिडिसीले सामान्य अवस्था मान्ने गर्छ । आइतबारको तथ्यांकअनुसार मुगु र हुम्ला मात्रै संक्रमित नभएका जिल्ला हुन् ।

देशभर सात हजार ७१३ सक्रिय संक्रमित
हाल देशभर सात हजार सात सय १३ सक्रिय संक्रमित छन् । यीमध्ये सात हजार एक सय २४ जना होम आइसोलेसन र पाँच सय ८९ जना अस्पतालमा उपचाररत छन् । स्वास्थ्य मन्त्रालयको तथ्यांकअनुसार संस्थागत आइसोलेसनमा रहेकामध्ये एक सय ९६ जना आइसियू र ४९ जना भेन्टिलेटरमा उपचाररत छन् । नयाँ पत्रिका दैनिकबाट

प्रतिक्रिया :

भर्खरै प्रकाशित

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…

पछिल्लो २४ घण्टामा २१३ मा कोरोना संक्रमण, ३१५ जना निको,…

काठमाडौं, ११ मंसिर । नेपालमा पछिल्लो २४ घण्टामा २१३ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभर ६,६३२ नमुना परीक्षण…

प्रदेशहरूले विकास खर्च गर्न सकेनन्

काठमाडौं, ७ मंसिर । संघीय सरकारको विकास खर्च ५ प्रतिशतको हाराहारीमा रहेका बेला प्रदेश सरकारहरूको पूँजीगत खर्च पनि पहिलो त्रैमासमा कमजोर देखिएको छ । सिंहदरबारको अधिकार…

एमसीसी संशोधनपछि मात्र पास हुन्छ : गिरिराजमणि

सिरहा, ७ मंसिर । नेकपा (माओवादी केन्द्र) का स्थायी समिति सदस्य गिरिराजमणि पोखरेलले अमेरिकी सहयोग अन्तर्गतको मिलेनियम च्यालेन्ज कर्पोरेशन (एमसीसी) संशोधनपछि मात्र पास गर्ने बताएका छन्…