ट्वान्टी-२० विश्वकप :बंगलादेशले ओमानलाई २६ रनले हरायो

सुपर १२ मा पुग्ने बंगलादेशको सम्भावना जीवितै

कार्तिक ३, काठमाडौँ । बंगलादेशले मंगलबार आयोजक ओमानलाई २६ रनले पराजित गर्दै ट्वान्टी–२० विश्वकपको सुपर १२ मा पुग्ने आशा जीवितै राखेको छ । विजय हात पार्न नसके बाहिरिने अवस्थामा पुगेको बंगलादेशले प्रतियोगितामा पहिलो विजय हात पारेको हो ।

बंगलादेश पहिलो चरणको पहिलो दिनको खेलमा स्कटल्यान्डसँग पराजित भएपछि दबाबमा पर्दै आएको थियो ।

१ सय ५४ रनको लक्ष्य लिएर आएको ओमानले ९ विकेट गुमाई १ सय २७ रनमात्र बनाउन सक्यो । मुस्ताफिजुर रहमानले ४ विकेट लिँदै बंगलादेशका उद्दार गरेका थिए । उनले ४ ओभरमा ३६ रन खर्चे । प्लेयर अफ द म्याच सकिब अल हसनले ४ ओभरमा २८ रन खर्चेर ३ विकेट लिए । ओमानबाट ओपनर जतिन्दर सिंहले सर्वाधिक ४० रन बनाए । उनले ३३ बल खेल्दै ४ चौका र १ छक्का प्रहार गरे । कश्यप प्रजापतिले १८ बलमा २१, कप्तान जिशान मक्सुदले १२ र मोहम्मद नदिमले अविजित १४ रन बनाए ।

यसअघि टस जितेर ब्याटिङमा आएको बंगलादेश पूरा २० ओभर खेलेर १ सय ५३ रनमा अलआउट भएको थियो । ओपनर मोहम्मद नइमले ५० बलमा ६४ र सकिबले २९ बलमा ४२ रन बनाए । १७ औं ओभरमा छैटौं खेलाडीका रूपमा आउट भएका नइमले ३ चौका र ६ छक्का तथा सकिबले ६ चौका प्रहार गरे । बंगलादेशले सुरुआतमै २ विकेट गुमाएपछि उनीहरूले ८० रनको साझेदारी गरेका थिए । अकिब इल्याजले सिधा थ्रोमा सकिबलाई रनआउट गरे । कप्तान महमदुल्लाह १० बलमा १ चौका र १ छक्का प्रहार गरी १७ रन बनाएर आउट भए । ओमानका बिलाल खान र फायज बटले ३–३ विकेट लिए । खानले ४ ओभरमा १८ र २०१९ मा पाकिस्तानबाट यू–१९ विश्वकप खेलेका फायजले ३० रन खर्चेका थिए । कलिमुल्लाहले २ तथा मक्सुदले १ विकेट लिए ।

स्कटल्यान्डको बलियो सम्भावना

रिची बेरिङटनले ७० रन बनाएपछि स्कटल्यान्डले मंगलबार पहिलो खेलमा पपुवा न्युगिनी (पीएनजी) लाई १७ रनले पराजित गरी लगातार दोस्रो जित हात पारेको थियो । स्कटल्यान्डले आफ्नो पहिलो खेलमा आइतबार बंगलादेशलाई स्तब्ध पारेको थियो ।

बेरिङ्टन र म्याथ्यु क्रसले तेस्रो विकेटमा ९२ रनको साझेदारी गरेपछि टस जितेर ब्याटिङ गरेको स्कटल्यान्डले ९ विकेट गुमाई १ सय ६५ रनको योगफल बनायो । क्रसले ४५ रन बनाए । तीव्र गतिका बलर जोस डेभीले आफ्नो खेलजीवनकै उत्कृष्ट प्रदर्शन गर्नेक्रममा १८ रन खर्चेर ४ विकेट लिएपछि पीएनजी १९.३ ओभरमा १ सय ४८ रनमा अलआउट भयो । नोर्भन भानुआले ३७ बलमा ४७ रन बनाए पनि पीएनजीलाई जित दिलाउन सकेनन् ।

‘एक वा दुई राम्रो साझेदारीले ट्वान्टी–२० मा राम्रो योगफल बनाउँछ । बेरिङ्टन र क्रसले आज असाधारण खेले,’ स्कटल्यान्डका कप्तान केयल कोएट्जरले भने, ‘बेरिङ्टन निश्चय पनि खेलका नायक थिए । उनले पछिल्लो महिनादेखि नै एकरुपको प्रदर्शन देखाउँदै आएका छन् ।’

भानुआ र किप्लिन डोरिगाले सातौं विकेटमा २९ बलमा ५३ रन जोड्दै स्कटल्यान्डलाई डर नदेखाएका होइनन् । डेभीले भानुआलाई आउट गरेपछि पीएनजीको सम्भावना सकिएको थियो । डोरिगाले १८ रन बनाए ।

बेरिङ्टनले आक्रामक ब्याटिङ गर्दै स्कटल्यान्डको २६–२ को स्थिति सुधारेका थिए भने डेभीको बलमा उत्कृष्ट क्याच लिँदै सिमाने अटाईलाई २ रनमा पेभेलियन पठाएका थिए । बेरिङ्टनले ४९ बलको इनिङ्समा ३ छक्का र ६ चौका प्रहार गरे । चौका प्रहार गर्दै उनले ट्वान्टी–२० मा आफ्नो छैटौं अर्धशतक पूरा गरेका थिए ।

पीएनजीले अन्तिम दुई ओभरमा १५ रन खर्चेर ६ विकेट लिएको थियो, त्यसमा बेरिङ्टनको महत्त्वपूर्ण विकेट पनि थियो । तर स्कटल्यान्डले ट्वान्टी–२० विश्वकपमा आफ्नो उच्च स्कोर बनाएको थियो । २०१६ मा अफगानिस्तानविरुद्ध १ सय ५६ रन बनाउनु टोलीको यसअघिको उच्च स्कोर थियो ।

देव्रेहाते तीव्र गतिका बलर काबुआ मोरआले ४ ओभरमा ३१ रन खर्चेर ४ विकेट लिए, त्यसमध्ये तीन विकेट उनले अन्तिम ओभरमा लिए । अर्का सिमर चाड सोपरले ४ ओभरमा २४ रन खर्चेर ३ विकेट लिए ।

प्रतिक्रिया :

भर्खरै प्रकाशित

२० देशमा भेटियो कोरोनाको नयाँ भेरियन्ट ‘ओमिक्रोन’, नेपालमा पनि थालियो…

काठमाडौं, १५ मंसिर । कोरोना भाइरसको नयाँ भेरियन्ट विश्वका विभिन्न २० देशमा देखिएको रिपोर्ट बाहिर आएको छ । दक्षिण अफ्रिकामा सबैभन्दा पहिला रिपोर्ट भएको यो भेरियन्टका…

सर्वोच्चमा आजदेखि गोलाप्रथा

काठमाडौं, १५ मंसिर । सर्वोच्च अदालतमा आज (बुधबार) देखि गोलाप्रथा प्रणाली कार्यान्वयन हुँदैछ । प्रधानन्यायाधीशको विशेषाधिकार अन्त्य गर्दै न्यायाधीशले नै गोला तानेर इजलास र पेसी तोक्ने अभ्यास…

प्रहरी नियमावली संशोधन : एकै पटक साढे १७ हजार प्रहरीको…

काठमाडौं, १५ मंसिर । प्रहरी नियमावली संशोधन गरेर सिर्जना गरिएका वरिष्ठ सइ, वरिष्ठ हवल्दार र सहायक हवल्दार पदमा एकैपटक १७ हजार पाँच सय १७ प्रहरी बढुवा…

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…