उत्तर कोरियाका बालबालिका र ज्येष्ठ नागरिकहरू ‘भोकमरीको जोखिममा’

काठमाडौं, २८ असोज । संयुक्त राष्ट्रसंघका एक विज्ञले उत्तर कोरियाका कमजोर बालबालिका र ज्येष्ठ नागरिकहरू भोकमरीको जोखिममा रहेका बताएका छन् ।

उत्तर कोरियाको लागि मानव अधिकार सम्बन्धी विशेष दूत टमस ओजा क्वीन्टानले खाद्यान्न अभावका लागि अन्तर्राष्ट्रिय प्रतिबन्धहरू र कोभिड ब्लकेड (नाकाबन्दी) जिम्मेवार रहेको बताएका हुन् । परिणामस्वरूप उत्तर कोरियालीहरूले ‘मर्यादित जीवन जिउन’ दैनिक संघर्ष गरिरहेका क्वीन्टानले बताए । संकटबाट जोगिन उत्तर कोरियाको परमाणु कार्यक्रममाथि लगाइएको प्रतिबन्धहरू हटाउनुपर्ने उनको भनाइ छ ।

उत्तर कोरिया गम्भीर आर्थिक संकटमा रहेको ठानिएको छ । उसले कोभिड–१९ फैलन नदिन आफ्ना सीमाहरू बन्द गरेको छ । फलस्वरूप चीनसँगको व्यापारमा गिरावट आएको छ । उत्तर कोरिया खाद्यान्न, मल र इन्धनमा चीनमाथि निर्भर छ ।
यसै हप्ता नेता किम जोङ उनले देशले एक गम्भीर स्थितिको सामना गरिरहेको स्वीकार गरेको त्यहाँको सरकारी सञ्चार माध्यमले जनाएको थियो । उत्तर कोरियामा मूल्यवृद्धि भएको खबरहरू आएका थिए । एनके न्यूजले गत जुनमा एक किलोग्राम केराको मूल्य ४५ डलर पुगेको जनाएको थियो ।

पछिल्लो प्रतिवेदनमा विशेष दूत क्वीन्टानले सुरक्षा परिषद्को अन्तर्राष्ट्रिय प्रतिबन्धहरू खुकुलो पार्नुपर्ने र मानवीय एवम् जीवन रक्षक सहायतालाई अनुमति दिनुपर्ने बताएका छन् । राष्ट्रपति जो बाइडनको नेतृत्वमा अमेरिकाले उत्तर कोरियासँग वार्ता गर्न तयार रहेको बारम्बार बताउँदै आएको छ । तर प्रतिबन्ध खुकुलो पार्नुअघि प्योङयाङले परमाणु हतियार त्याग गर्नुपर्ने माग राखेको छ । उत्तर कोरियाले अहिलेसम्म त्यसलाई अस्वीकार गरेको छ ।

यसै हप्ताको सुरुतिर नेता किमले अमेरिकाको नियतमाथि प्रश्न गर्दै आत्मरक्षाका लागि हतियार निर्माण जारी राख्नु जरुरी रहेको बताएका थिए । आर्थिक संकटको बाबजुद उत्तर कोरियाले हतियार र क्षेप्यास्त्र निर्माण जारी राखेको छ । उसले हालै परीक्षण गरेको हतियार एक नयाँ हाइपरसोनिक र एन्टी एयर क्राफ्ट क्षेप्यास्त्र भएको दाबी गरेको छ ।

प्रतिक्रिया :

भर्खरै प्रकाशित

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…

पछिल्लो २४ घण्टामा २१३ मा कोरोना संक्रमण, ३१५ जना निको,…

काठमाडौं, ११ मंसिर । नेपालमा पछिल्लो २४ घण्टामा २१३ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभर ६,६३२ नमुना परीक्षण…

प्रदेशहरूले विकास खर्च गर्न सकेनन्

काठमाडौं, ७ मंसिर । संघीय सरकारको विकास खर्च ५ प्रतिशतको हाराहारीमा रहेका बेला प्रदेश सरकारहरूको पूँजीगत खर्च पनि पहिलो त्रैमासमा कमजोर देखिएको छ । सिंहदरबारको अधिकार…

एमसीसी संशोधनपछि मात्र पास हुन्छ : गिरिराजमणि

सिरहा, ७ मंसिर । नेकपा (माओवादी केन्द्र) का स्थायी समिति सदस्य गिरिराजमणि पोखरेलले अमेरिकी सहयोग अन्तर्गतको मिलेनियम च्यालेन्ज कर्पोरेशन (एमसीसी) संशोधनपछि मात्र पास गर्ने बताएका छन्…