मोतीपुरमा प्रहरीको गोली लागेर चार जनाकाे मृत्यु, ४९ सुरक्षाकर्मी घाइते

बुटवल, २५ असोज । रुपन्देहीको निर्माणाधीन मोतीपुर औधोगिक क्षेत्रमा आइतबार प्रहरी र स्थानीयबीच भएको झडपमा परेर ४९ जना प्रहरी घाइते भएका छन् ।

उद्योगको जग्गा कब्जा गरी बसेका स्थानीय र सुरक्षाकर्मीबीच झडप हुँदा चार जना सर्वसाधारणले ज्यान गुमाएको घटनामा ४९ जना सुरक्षाकर्मी घाइते भएका हुन् । घटनामा कयौं सर्वसाधारण पनि घाइते भएका छन् ।

झडपमा नेपाल प्रहरी र सशस्त्र प्रहरीका गरी ४९ जना घाइते भएका जिल्ला प्रहरी कार्यालय रुपन्देहीले जानकारी दिएको छ । घटनामा नेपाल प्रहरीका ३० र सशस्त्र प्रहरीका १९ जना घाइते भएका रुपन्देहीका प्रमुख जिल्ला अधिकारी ऋषिराम तिवारीले जानकारी दिए ।

सर्वसाधारणको ढुंगामुढा प्रहारबाट सशस्त्र प्रहरीका एसपीसहित १९ जना सशस्त्र प्रहरी घाइते भएका छन् । सशस्त्र प्रहरी उपरीक्षक राजेश उप्रेती, हवल्दार डिलबहादुर घर्ती, दिपेन्द्र केसी, खुसीराम चौधरी, तिलबहादुर धामी, रुद्रबहादुर शाही, जनकराज जोशी, रबिन्द्र कुमार गौड र चुमानसिंह थापा जवानहरु सन्तोष बस्नेत, इन्द्रजित चौधरी, शम्भु कार्की, मनोज रावत, बसन्त जिसी, लोकनाथ खनाल, गणेश रावत, प्रेम बिक, सुरज दयाल र कृष्णबहादुर थापा घाइते छन् ।

सुरक्षाकर्मीमाथि प्रदर्शनकारीले ढुंगामुढा प्रहार गर्नुका साथै पेट्रोल बम समेत प्रहार गरेका थिए । झडपका क्रममा प्रदर्शनकारीले असई विमला विश्वकर्मालाई केही घण्टा नियन्त्रणमा लिएर छाडेका प्रहरीले जनाएको छ ।

रुपन्देहीको बुटवल उपमहानगरपालिका–१७ र १८ स्थित मोतिपुर औद्योगिक क्षेत्रमा जग्गा कब्जा गर्ने समूह र प्रहरीबीच आइतवार अपरान्ह झडप भएको थियो । झडपपछि त्यस क्षेत्रमा स्थानीय प्रशासनले अनिश्चितकालीन कफ्र्यु आदेश जारी गरेको छ ।

प्रहरीको गोली लागेर ज्यान गुमाउनेमध्ये कपिलवस्तुको वाणगङ्गा नगरपालिका–४ का करिब ४८ वर्षीय रमेश परियारको मात्रै सनाखत भएको छ । बाँकी मृतकको अझै सनाखत हुन नसकेको प्रहरीले जनाएको छ ।

प्रतिक्रिया :

भर्खरै प्रकाशित

२० देशमा भेटियो कोरोनाको नयाँ भेरियन्ट ‘ओमिक्रोन’, नेपालमा पनि थालियो…

काठमाडौं, १५ मंसिर । कोरोना भाइरसको नयाँ भेरियन्ट विश्वका विभिन्न २० देशमा देखिएको रिपोर्ट बाहिर आएको छ । दक्षिण अफ्रिकामा सबैभन्दा पहिला रिपोर्ट भएको यो भेरियन्टका…

सर्वोच्चमा आजदेखि गोलाप्रथा

काठमाडौं, १५ मंसिर । सर्वोच्च अदालतमा आज (बुधबार) देखि गोलाप्रथा प्रणाली कार्यान्वयन हुँदैछ । प्रधानन्यायाधीशको विशेषाधिकार अन्त्य गर्दै न्यायाधीशले नै गोला तानेर इजलास र पेसी तोक्ने अभ्यास…

प्रहरी नियमावली संशोधन : एकै पटक साढे १७ हजार प्रहरीको…

काठमाडौं, १५ मंसिर । प्रहरी नियमावली संशोधन गरेर सिर्जना गरिएका वरिष्ठ सइ, वरिष्ठ हवल्दार र सहायक हवल्दार पदमा एकैपटक १७ हजार पाँच सय १७ प्रहरी बढुवा…

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…