सीता भण्डारी मृत्यु प्रकरण : तीन जना पुर्पक्षका लागि कारागार चलान

रुपन्देही, २१ असोज । रुपन्देहीको तिलोत्तमा नगरपालिका–५ की सीता भण्डारी पौडेलको आत्महत्या दुरुत्साहनको मुद्दामा तीन जना पुर्पक्षका लागि कारागार चलान भएका छन् ।

जिल्ला अदालत रुपन्देहीमा मंगलबार र बुधबार भएको थुनछेकको बहसपछि थुनामा राख्न आदेश भएकाले कारागार चलान गरिएको जिल्ला प्रहरी कार्यालय रुपन्देहीका प्रवक्ता डिएसपी सत्यनारायण थापाले जानकारी दिए ।

आत्महत्या दुरुत्साहनको मुद्दामा मृतकका श्रीमान टीका पौडेल, आमाजू बिष्णु पौडेल, जेठाजु हरिप्रसाद पौडेललाई प्रहरीले हिरासतमा राखेकोमा हिजो (बुधबार) कारागार चलान भएका हुन् । एक महिना महिना अघि भदौ २० गते विहान साढे ४ बजे सीता भण्डारी आफ्नै घरमा मृत फेला परेकी थिइन् । उनको माइती पक्षले हत्या भएको दाबी गर्दै आएको थियो । पोष्टमार्टम रिपोर्टमा झुण्डिएरै मृत्यु भएको उल्लेख छ ।

माइती पक्षको दबाब पछि प्रहरीले ३ जनालाई नियन्त्रणमा लिएर आत्महत्या दुरुत्साहनमा मुद्दा चलाएको थियो । सीताको मृत्युको सत्य तथ्य बाहिर ल्याउनुपर्ने माग गर्दै आफन्तले सडकमा विरोध जनाउँदै आएका छन् । अहिलेसम्म पनि माइती पक्षले सव उठाउन दिएका छैनन् ।

केही दिनअघि मृतक भण्डारीको सुसाइट नोट फेला परेको प्रहरीले बताएको थियो । मृतक सीता र उनका श्रीमान टीका पौडेलको मोबाइल प्राविधिक परीक्षणको लागि डिजिटल फोरेन्सिक ल्याबमा पठाइएको र ल्याबको प्रतिवेदन अनुसार मृतक सीताले भदौ २० गते राति १२ बजेर १७ मिनेटमा सुसाइड नोट लेखेको पाइएको प्रहरीले बताएको छ ।

सो नोटमा ‘…मलाई माफ गरिदिनुहोला, मेरो अर्को जुनी भयो भने म हजुरहरुकै काखबाट जन्मिन चाहान्छु, मलाई यो जिन्दगीबाट पुग्यो म सकिन बाँच्न’ भनि लेखिएको प्रहरीले बताएको छ ।

प्रतिक्रिया :

भर्खरै प्रकाशित

२० देशमा भेटियो कोरोनाको नयाँ भेरियन्ट ‘ओमिक्रोन’, नेपालमा पनि थालियो…

काठमाडौं, १५ मंसिर । कोरोना भाइरसको नयाँ भेरियन्ट विश्वका विभिन्न २० देशमा देखिएको रिपोर्ट बाहिर आएको छ । दक्षिण अफ्रिकामा सबैभन्दा पहिला रिपोर्ट भएको यो भेरियन्टका…

सर्वोच्चमा आजदेखि गोलाप्रथा

काठमाडौं, १५ मंसिर । सर्वोच्च अदालतमा आज (बुधबार) देखि गोलाप्रथा प्रणाली कार्यान्वयन हुँदैछ । प्रधानन्यायाधीशको विशेषाधिकार अन्त्य गर्दै न्यायाधीशले नै गोला तानेर इजलास र पेसी तोक्ने अभ्यास…

प्रहरी नियमावली संशोधन : एकै पटक साढे १७ हजार प्रहरीको…

काठमाडौं, १५ मंसिर । प्रहरी नियमावली संशोधन गरेर सिर्जना गरिएका वरिष्ठ सइ, वरिष्ठ हवल्दार र सहायक हवल्दार पदमा एकैपटक १७ हजार पाँच सय १७ प्रहरी बढुवा…

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…