कोभिडका कारण गन्ध हराउने समस्याको नयाँ उपचार आउँदै

काठमाडौं, १४ असोज । भिटामिन ए युक्त नाकमा हाल्ने ड्रप्सले कोभिडका कारण गन्ध हराउने समस्या समाधान गर्न सक्ने अध्ययनमा देखिएको छ । यससम्बन्धी युनिभर्सिटी अफ इस्ट एन्जिलाले १२ हप्ताको ट्रायल सञ्चालन गरिरहेको छ ।

यसमा सहभागी कोभिडका बिरामीहरुले यो उपचार पाउने छन् । त्यसपछि उनीहरुलाई कुहिएको अण्डा र गुलाबको फूल जस्ता शक्तिशाली गन्ध छाड्ने वस्तुहरु सुँघ्न लगाइनेछ । अनि उनीहरुको मस्तिष्कको स्क्यान गरिनेछ । त्यस भिटमिनले सुँघ्ने क्षमतामा क्षति पुर्‍याएको ओल्फ्याक्टरी नर्भलाई ठीक गर्‍यो कि गरेन भनेर यसबाट पत्ता लगाइनेछ ।

गन्ध हराउनुलाई कोभिडको सबैभन्दा सामान्य लक्षण मानिन्छ । तर कतिपय अवस्थामा अन्य भाइरस जस्तै फ्लुले पनि यस्तो गराउन सक्छ । र प्रायः मानिसहरुले बिस्तारै केही हप्तामा आफै सुँघ्ने क्षमता पुनः प्राप्त गर्दछन् । तर कतिपयलाई चाहिँ लामो समयसम्म गन्ध थाहा नपाउने समस्या रहिरहने गरेको पनि पाइएको छ ।

जस्तै लण्डनकी २९ वर्षीया लिना अल्नादीलाई कोभिड भएपछि उनमा ‘पारोसिमा’ विकसित भयो यसको अर्थ उनका लागि धेरै साधारण कुराहरुको गन्ध पनि पूर्ण रुपमा फेरिएको छ । जस्तै उनलाई धाराको पानी एकदमै नराम्रो गनाउँछ । त्यस्तै धनियाँ चाहिँ उनलाई सेन्ट जस्तो बास्ना आउँछ । उनको सबैभन्दा मनपर्ने खानेकुरा अण्डा उनलाई जलेको रबर जस्तो गनाउने गरेको उनी बताउँछिन् ।

उनले भनिन्, ‘हामीले सुँघ्ने क्षमतालाई कति सामान्य रुपमा लिइरहेका हुन्छौं । तर यो गुमाउनु पर्दाको पीडा अत्यन्तै भयानक छ । यसले विशेषगरी मेरो डायटलाई पूरै बदलिदिएको छ । आफूलाई मन पर्ने र सधैँ खाइरहने धेरै खानेकुरा मैले मुखमा हाल्नै सकिरहेको छैन । यो मेरा लागि अत्यन्तै समस्याजनक बनेको छ ।’

खानेकुरा मात्र नभएर दैनिकीका साधारण गतिविधि जस्तै नुहाउनु अनि दाँत माझ्नुलाई पनि यसले अत्यन्तै नराम्रो अनुभव बनाइदिन्छ । लिनाले चाहिँ केही उपायहरु लगाएर खाने कामलाई सहज बनाएकी छन् । जस्तै खानेकुरामा धेरै कागती अनि पीरो राख्दा खान सकिने उनले बताइन् । यो ट्रायल सफल भएमा लिना जस्ता धेरै कोभिड बिरामीका लागि ठूलो राहत हुनेछ भने अन्य साधारण बिरामीलाई पनि लाभदायक हुनेछ । बीबीसी

प्रतिक्रिया :

भर्खरै प्रकाशित

२० देशमा भेटियो कोरोनाको नयाँ भेरियन्ट ‘ओमिक्रोन’, नेपालमा पनि थालियो…

काठमाडौं, १५ मंसिर । कोरोना भाइरसको नयाँ भेरियन्ट विश्वका विभिन्न २० देशमा देखिएको रिपोर्ट बाहिर आएको छ । दक्षिण अफ्रिकामा सबैभन्दा पहिला रिपोर्ट भएको यो भेरियन्टका…

सर्वोच्चमा आजदेखि गोलाप्रथा

काठमाडौं, १५ मंसिर । सर्वोच्च अदालतमा आज (बुधबार) देखि गोलाप्रथा प्रणाली कार्यान्वयन हुँदैछ । प्रधानन्यायाधीशको विशेषाधिकार अन्त्य गर्दै न्यायाधीशले नै गोला तानेर इजलास र पेसी तोक्ने अभ्यास…

प्रहरी नियमावली संशोधन : एकै पटक साढे १७ हजार प्रहरीको…

काठमाडौं, १५ मंसिर । प्रहरी नियमावली संशोधन गरेर सिर्जना गरिएका वरिष्ठ सइ, वरिष्ठ हवल्दार र सहायक हवल्दार पदमा एकैपटक १७ हजार पाँच सय १७ प्रहरी बढुवा…

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…