सूर्यमा पहिलो स्याटलाइट ‘लञ्च’ गर्दै चीन, सर्वसाधारणलाई नामाकरण गर्न जिम्मा

काठमाडौं, १४ असोज । चीनले सूर्यमा आफ्नो पहिलो स्याटलाइट लन्च गर्ने भएको छ र त्यसको नामाकरण गर्न सर्वसाधारणलाई जिम्मा दिएको विज्ञान तथा प्रविधि मन्त्रालायले जनाएको छ ।

सूर्यको अवलोकन गर्ने यो चीनको पहिलो स्याटलाइट हुनेछ । चिनियाँ यान, ‘चाइनिज एच–अल्फा सोलार एक्सप्लोरर (चेस) यसै वर्षको अन्त्यतिर लन्च हुनेछ जसले चीनमा सूर्यको अध्ययन सुरु गराउनेछ ।

यो मिसनमा विभिन्न संघसंस्थाहरु संलग्न भएपनि यसको मुख्य निर्माता चीन सरकारद्वारा सञ्चालित चाइना एरोस्पेस साइन्स एण्ड टेक्नोलोजी (सीएएससी) रहेको छ । यसले नै सर्वसाधारणहरुलाई आगामी अक्टोबर ७ भित्रमा नयाँ नाम दिन आमन्त्रित गरेको हो ।

सीएएससीले यसबारे विज्ञापन प्रकाशित गर्दै सर्वसाधारणले चुनेका दश नाम सूचीकृत गर्ने र विज्ञहरुको प्यानलले लन्चको एक दिन अगाडि विजेताको घोषणा गर्ने बताएको छ । चिनियाँ यान चेसले पहिलोपटक सूर्यको ‘रेड लाइन’ पनि भनिने ‘एच–अल्फा वेभ–ब्यान्ड’ सहितको पूरा तस्बिर प्राप्त गर्ने अपेक्षा गरिएको छ । यसले ‘अडभान्स्ड स्पेस’ मा आधारित सोलार अवलोकनलाई स्याटलाइट मार्फत अझ स्पष्ट बनाइ सुधार ल्याउने छ ।

अनुसन्धानकर्ताहरुको प्रक्षेपण अनुसार यस वर्ष सौर्य गतिविधिमा नयाँ ११ वर्षीय साइकल सुरु हुनेछ जुन २०२४ र २५ का बीच उच्च बिन्दुमा पुग्नेछ । र चिनियाँ मिसनले यसलाई नै विस्तृतमा रेकर्ड गर्ने लक्ष्य राखेको छ ।

चिनियाँ यान चेजलाई तीन वर्ष अगाडि डिजाइन गरिएको थियो र यो आगामी चार वर्षसम्म सञ्चालनमा रहने बताइएको छ । स्याटलाइटको नामाकरण गर्न सर्वसाधारणलाई जिम्मा दिएसँगै चीनमा यो चर्चाको विषय बनेको छ । त्यस्तै यसले अन्तरिक्ष गतिविधिमा पछिल्लो एक दशक चीनको बढ्दो उपलब्धी र चासो पनि प्रस्तुत गर्दछ ।

चीनमा स्याटलाइटहरु प्रायः प्राचीन चिनियाँ पौराणिक पात्रहरुको नाममा आधारित रहेर राख्ने गरिन्छ । जस्तै चन्द्रमा मिसनको नाम ‘चाङ इ’ राखिएको थियो भने चन्द्रमा वरपर घुम्ने यानलाई चाहिँ ‘युटु’ या खरायो नाम दिइएको थियो । चाङ–इ लाई चन्द्रमाकी देवी पनि मानिन्छ र युटु उनीसँगै चन्द्रमामा बस्ने गर्दछन् । यो भन्दा अगाडि मंगल ग्रहको मिसनमा पठाइएको चिनियाँ यानको नाम पनि सर्वसाधारणलाई नै चुन्न लगाइएको थियो । सो यान अन्य ग्रहमा अवतरण गर्न सफल पहिलो चिनियाँ यान हो ।

र सर्वसाधारणले त्यसको नाम चिनियाँ पौराणिक कथा अनुरुप आगोका देवताको नाम दिएका थिए । मानिसहरुले त्यसबेला दुनियाँभरबाट ४० हजार बढी नाम पठाएका थिए । र अनलाइन भोटमार्फत अन्तिम १० छनोट गरिएको थियो । साउथ चाइना मर्निङ पोष्टबाट

प्रतिक्रिया :

भर्खरै प्रकाशित

२० देशमा भेटियो कोरोनाको नयाँ भेरियन्ट ‘ओमिक्रोन’, नेपालमा पनि थालियो…

काठमाडौं, १५ मंसिर । कोरोना भाइरसको नयाँ भेरियन्ट विश्वका विभिन्न २० देशमा देखिएको रिपोर्ट बाहिर आएको छ । दक्षिण अफ्रिकामा सबैभन्दा पहिला रिपोर्ट भएको यो भेरियन्टका…

सर्वोच्चमा आजदेखि गोलाप्रथा

काठमाडौं, १५ मंसिर । सर्वोच्च अदालतमा आज (बुधबार) देखि गोलाप्रथा प्रणाली कार्यान्वयन हुँदैछ । प्रधानन्यायाधीशको विशेषाधिकार अन्त्य गर्दै न्यायाधीशले नै गोला तानेर इजलास र पेसी तोक्ने अभ्यास…

प्रहरी नियमावली संशोधन : एकै पटक साढे १७ हजार प्रहरीको…

काठमाडौं, १५ मंसिर । प्रहरी नियमावली संशोधन गरेर सिर्जना गरिएका वरिष्ठ सइ, वरिष्ठ हवल्दार र सहायक हवल्दार पदमा एकैपटक १७ हजार पाँच सय १७ प्रहरी बढुवा…

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…