नेपाल खुला छ

काठमाडौं, ८ असोज । सरकारले झण्डै १७ महिनापछि विदेशी पर्यटकलाई नेपालको ढोका खुला गरेको छ । कोरोना भाइरस भित्रिएसँगै २०७६ फागुनदेखि पर्यटक भिसा बन्द थियो । महामारीअघि खुला गरिएका सबै मुलुकका नागरिकलाई अनअराइभल भिसा दिने निर्णय भएको पर्यटन मन्त्रालयका प्रवक्ता तारानाथ अधिकारीले बताए ।

यससँगै आगामी सिजनमा पर्यटकको संख्या बढ्ने सरकारको अनुमान छ । जसकारण व्यवसायी उत्साहित बनेका छन् । पर्यटकलाई ससर्त आउन दिने निर्णय कार्यान्वयन गर्न मन्त्रालयले यात्रा व्यवस्थापनसम्बन्धी आदेश जारी गरेको छ । उक्त आदेशले पूरा डोज खोप लगाएकाहरूले क्वारेन्टाइन बस्नु नपर्ने व्यवस्था गरेको छ । व्यवसायीले खोपको मात्रा पूरा गरेकाहरूका हकमा क्वारेन्टाइनको व्यवस्था हटाउन माग गर्दै आएका थिए । खोपको मात्रा पूरा गरेको १४ दिन कटेको प्रमाण र हवाई उडानको चेकइन हुनुभन्दा ७२ घण्टाभित्रको पीसीआर परीक्षणको रिपोर्ट भने अनिवार्य गरिएको छ ।

यी प्रक्रिया पूरा गरी आउनेलाई आगमन बिन्दुमा नै अनअराइभल भिसा दिइने मन्त्रालयले जनाएको छ । खोप नलगाएकाहरू भने आफ्नै खर्चमा १० दिन होटल क्वारेन्टाइन बस्नु पर्नेछ । ११ औं दिनमा कोभिड परीक्षणपछि नेगेटिभ आए गन्तव्यमा जान पाउने छन् । पर्वतारोहण र पदयात्रा तथा अनुमति लिनुपर्ने अन्य विषयको हकमा सोसम्बन्धी अनुमतिसमेत देखाउन ुपर्नेछ ।

पर्यटकले नेपालमा होटल बुक गरेको प्रमाणसमेत साथमा बोक्नु पर्नेछ । सम्बन्धित नियोगबाटै भिसा लिन चाहने पर्यटकले पनि माथिका सर्त नै पालना गर्नुपर्नेछ । खोपको डोज पूरा नगरेकाले भने सम्बन्धित मुलुकमा रहेको नेपाली नियोगबाटै भिसा लिनु पर्नेछ । उनीहरूलाई एजेन्सीमार्फत मात्र नेपाल भ्रमणका लागि अनुमति दिइने मन्त्रालयले जनाएको छ ।

मन्त्रालयका अनुसार सबै विदेशी नागरिकको अध्यागमन प्रवेश बिन्दुमा एन्टिजेन परीक्षण गरिनेछ। स्वास्थ्य तथा जनसंख्या मन्त्रालयसँगको सहकार्यमा त्रिभुवन अन्तर्राष्ट्रिय विमानस्थलनमा परीक्षणको व्यवस्था मिलाइने प्रवक्ता अधिकारीले बताए ।
कोभिडका कारण थला परेको पर्यटन उद्योगले २ खर्ब रुपैयाँभन्दा बढी नोक्सानी बेहोरेको छ । नेपाल पर्यटन बोर्डले प्रतिमहिना १० अर्ब बराबरको नोक्सानी भइरहेको तथ्यांक सार्वजनिक गरेको छ ।

कोभिडअघि २०१९ मा ११ लाख ९७ हजार नेपाल भित्रिएका थिए । तर, २०२० मा पर्यटकको संख्या ह्वात्तै घटेको थियो । यो वर्ष जम्मा २ लाख ३० हजार पर्यटक आएका थिए । सन् २०२१ को ८ महिनामा ६६ हजार मात्र पर्यटक नेपाल भित्रिएका छन् । एक जना पर्यटकले दैनिक औसत ५० अमेरिकी डलर खर्च गर्ने गरेको र औसत बसाइ दर १२ दिनको रहेको छ । होटल संघ नेपालका उपाध्यक्ष विनायक शाहले सरकारको निर्णय स्वागतयोग्य रहेको बताए । अन्नपूर्ण पोष्ट दैनिकबाट

प्रतिक्रिया :

भर्खरै प्रकाशित

२० देशमा भेटियो कोरोनाको नयाँ भेरियन्ट ‘ओमिक्रोन’, नेपालमा पनि थालियो…

काठमाडौं, १५ मंसिर । कोरोना भाइरसको नयाँ भेरियन्ट विश्वका विभिन्न २० देशमा देखिएको रिपोर्ट बाहिर आएको छ । दक्षिण अफ्रिकामा सबैभन्दा पहिला रिपोर्ट भएको यो भेरियन्टका…

सर्वोच्चमा आजदेखि गोलाप्रथा

काठमाडौं, १५ मंसिर । सर्वोच्च अदालतमा आज (बुधबार) देखि गोलाप्रथा प्रणाली कार्यान्वयन हुँदैछ । प्रधानन्यायाधीशको विशेषाधिकार अन्त्य गर्दै न्यायाधीशले नै गोला तानेर इजलास र पेसी तोक्ने अभ्यास…

प्रहरी नियमावली संशोधन : एकै पटक साढे १७ हजार प्रहरीको…

काठमाडौं, १५ मंसिर । प्रहरी नियमावली संशोधन गरेर सिर्जना गरिएका वरिष्ठ सइ, वरिष्ठ हवल्दार र सहायक हवल्दार पदमा एकैपटक १७ हजार पाँच सय १७ प्रहरी बढुवा…

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…