पढाउन छाडेर शिक्षकहरू राजनीतिमा सक्रिय, कारबाही गर्ने सरकारको चेतावनी

काठमाडौं, ८ असोज । सामुदायिक विद्यालयका शिक्षकहरू राजनीतिक दलमा सक्रिय हुँदा पठनपाठन नै प्रभावित भएको भन्दै व्यापक जनगुनासो आएपछि सरकारले त्यस्ता शिक्षकलाई कारबाही गर्ने चेतावनी दिएको छ ।

सामुदायिक विद्यलायमा कार्यरत शिक्षक विभिन्न राजनीतिक पार्टीका कार्यकारी पदमा रही काम गरेको तथा अधिवेशनमा सहभागी भइरहेको उजुरी प्राप्त भएको शिक्षा विकास तथा समन्वय एकाइले जनाएको छ । यसर्थ राजनीतिमा भाग लिन नपाउने कानुनी व्यवस्थाविपरीत राजनीतिक दलमा सक्रिय शिक्षकलाई कारबाही हुने चेतावनी शिक्षा एकाइले दिएको हो ।

शिक्षा एकाइद्वारा बिहीबार जारी विज्ञप्तिमा भनिएको छ, ‘ऐन तथा नियमावलीमा भएको व्यवस्था पालना नगर्ने शिक्षकहरुलाई शिक्षा नियमावली २०५९ (संशोधनसहित) को परिच्छेद २३, नियम १३८ को उपनियम (१) बमोजिम कारबाही हुने बेहोरो सचेत गराइन्छ ।’

शिक्षा ऐन २०२८ (संशोधनसहित) को दफा १६ उपदफा ५ को ‘छ’ मा शिक्षक वा कर्मचारी राजनीतिक दलको कार्यकारिणी समितिको सदस्य रहेको पाइएमा शिक्षकलाई नोकरीबाट हटाइने प्रावधान छ । यस्तै शिक्षा नियमावलीमा पनि ऐनमा व्यवस्था भएबमोजिम कारबाही हुने लेखिएको छ ।
हेर्नुहोस् विज्ञप्ति

प्रतिक्रिया :

भर्खरै प्रकाशित

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…

पछिल्लो २४ घण्टामा २१३ मा कोरोना संक्रमण, ३१५ जना निको,…

काठमाडौं, ११ मंसिर । नेपालमा पछिल्लो २४ घण्टामा २१३ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभर ६,६३२ नमुना परीक्षण…

प्रदेशहरूले विकास खर्च गर्न सकेनन्

काठमाडौं, ७ मंसिर । संघीय सरकारको विकास खर्च ५ प्रतिशतको हाराहारीमा रहेका बेला प्रदेश सरकारहरूको पूँजीगत खर्च पनि पहिलो त्रैमासमा कमजोर देखिएको छ । सिंहदरबारको अधिकार…

एमसीसी संशोधनपछि मात्र पास हुन्छ : गिरिराजमणि

सिरहा, ७ मंसिर । नेकपा (माओवादी केन्द्र) का स्थायी समिति सदस्य गिरिराजमणि पोखरेलले अमेरिकी सहयोग अन्तर्गतको मिलेनियम च्यालेन्ज कर्पोरेशन (एमसीसी) संशोधनपछि मात्र पास गर्ने बताएका छन्…