प्रेमी लगाएर श्रीमानको हत्या, समूहबाट ऋण काढेर खर्चिइन् ६० हजार

सिरहा, ५ असोज । सिरहा गोलबजार नगरपालिका–४ निपनिया कुटी टोलकी हरिहरदेवी महराले प्रेमीलाई ऋण काढेर ६० हजार रुपैयाँ दिएर आफ्नै श्रीमान दुखरन मोचीको हत्या गराएको खुलासा भएको छ । गत भदौ १८ गते निपनियाका ३९ वर्षीय मोचीको शव भारतको बिहार राज्य जयनगरस्थित वरही गाउँको नहरमा धारिलो हतियार प्रयोग गरी हत्या गरेको अवस्थामा भेटिएको थियो ।

उक्त हत्या नीजकै श्रीमती ३८ वर्षीया हरिहरदेवीको योजनामा भएको प्रहरीले अनुसन्धानबाट पत्ता लगाएको हो । हत्या आरोपमा हरिहरदेवीलाई घरबाटै प्रहरीले आइतबार पक्राउ गरी सोमबार साँझ सार्वजनिक गरेको छ । भारतीय प्रहरीले नेपाल प्रहरीलाई घटनास्थलको सम्पूर्ण विवरण पठाएको थियो ।

घटनामा संलग्नमध्येका हरिहरदेवीको प्रेमी २६ वर्षीय मुकेश यादवलाई भारतीय प्रहरीले पक्राउ गरी भारतकै जयनगर थानाबाट थप अनुसन्धान गरिरहेको जिल्ला प्रहरी कार्यालय सिरहाका प्रवक्ता तथा डीएसपी सुवास बुढाथोकीले बताए । पक्राउ परेका आरोपित यादव भारतको जिल्ला मधुबनी देउधा गाउँका हुन् ।
हत्याको कारण अवैध प्रेम सम्बन्ध र घरेलु हिंसा

हत्याको कारणमा अवैध प्रेम सम्बन्ध र घरेलु हिंसा रहेको प्रहरीको अनुसन्धानमा देखिएको प्रहरीले जनाएको छ । मृतक मोचीको श्रीमती र ४ छोराछोरी छन् । उनी १० वर्ष पहिला वैदेशिक रोजगारीको सिलसिलामा कतारबाट फर्केर गाउँमा फर्निचर र किराना पसल सञ्चालन गरेर बस्दै आएका थिए ।
मृतक मोचीले विदेशमा रहँदा कमाएर घरमा पठाएको रुपैयाँको हिसाब श्रीमतीसँग बारम्बार मागे । खर्चको हिसाब माग्दा खटपट हुँदा मापसे गरेर आफूलाई मृतक मोचीले पटक–पटक कुटपिट गर्दै आइरहेको प्रहरीलाई हरिहरदेवीले सुनाएकी छिन् । झगडा हुँदा घरमा रहेको किराना पसलको सामान फालिदिने, पैसा चोरी गर्ने तथा पसलमा आगो समेत लगाई दिने मृतक मोचीले गर्दै आइरहेको हरिहरदेवीले प्रहरीलाई बताएकी छन् ।

प्रहरीका अनुसार श्रीमानले दिँदै आएको बारम्बारको यातनाको कारण उनी दुई पटक आत्महत्या गर्ने प्रयास गरेकी थिइन् । तर, छोराछोरीको भविष्य सम्झेर आत्महत्या नगरेको हरिहरदेवीको भनाई छ । आफु मर्नुभन्दा श्रीमानलाई नै मारेर समस्या समाधान हुने सोच बनाइन् ।
यसरी बनाइन् योजना
दुई वर्ष अगाडि हरिहरदेवी पाठेघरको अप्रेसन गराउन श्रीमानसँगै भारतीय बजार जयनगर पुगिन् । त्यहाँ उनको उपचारको क्रममा अस्पतालमा बस्दा भारतीय नागरिक एम्बुलेन्स चालक मुकेश यादवसँग चिनजान भयो । चिनजानपछि उनीहरुको सम्बन्ध प्रेममा परिणत भयो ।

श्रीमानले कुटपिट गरिरहेको र दुःख दिने गरेको कुरा हरिहरदेवीले प्रेमी मुकेशलाई सुनाइन् । प्रेमीलाई आफ्नो श्रीमानलाई हत्या गरिदिनु पर्‍यो भनेर हरिहरदेवीले आग्रह गरिन् । त्यसबापत मुकेशले एक लाख भारतीय रुपैयाँ सुपारीको रुपमा माग गरे । हरिहरदेवीले एक लाख रुपैयाँ नभई ४०-५० हजार दिने कबोल गरिन् ।

हत्या गराउन आवश्यक रकम व्यवस्थापन गर्नको लागि हरिहरदेवीले घर खर्चको अभाव भयो ऋण निकाल्नुप¥यो भनेर श्रीमानसँग सल्लाह गरिन् । भदौ १७ गते गोलबजारस्थित छिमेक लघुवित्तबाट ६० हजार ऋण निकालिन् । ऋण निकालिसकेपछि हरिहरदेवीले बिरामी भएको र उपचारको लागि भारतीय बजार जयनगर जाउ भनेर श्रीमानलाई फकाइन् ।

अवैध प्रेम सम्बन्ध तथा घरेलु हिंसा, उपचार क्रममा भारतीय बजार पुग्दा एम्बुलेन्स चालकसँग प्रेम गरिन्, पछि त्यही प्रेमीबाट श्रीमानलाई हत्या गराएको खुलेको छ । सीमावर्ती बजार माडर पुगेर उनी प्रेमी मुकेशलाई फोनमा आफूहरु आइरहेको जानकारी गराइन् । हत्या योजना मुताबिक चाहिने रकम दुखरनको खल्तीमा रहेको उनले बताइन् । हत्यापछि त्यही रुपैयाँ लिन भनेर उनले सुनाएकी थिइन् ।

करिब साँझ ६ बजे भारतीय बजार जयनगर रेल्बे स्टेशनमा पुगेर श्रीमान–श्रीमती चिया, खाजा खान बसे । त्यहाँ हरिहरदेवीको प्रेमी मुकेश यादव २ जना अन्य साथीहरुसँग आए । मुकेश अन्यत्र ठाउँमा खाजा खान जाउ भन्दै दुखरनलाई बुलेट बाइकमा लगेका थिए । त्यसपछि दुखरनको घाँटी काटेको अवस्थामा शव फेला पर्‍यो । प्रहरीका अनुसार मुकेशले आफ्ना दुई साथी लगाएर हत्या गरी मृतकको साथमा रहेको ६० हजार नगद पनि लगेको देखिएको छ । भारतमा दुखरनको हत्या भएको सुनाउन हरिहरदेवी गाउँ शव भेटेकै दिन आइन् । त्यसपछि प्रहरीले अनुसन्धान गर्दा संलग्नता देखिएको बताइएको छ ।

प्रतिक्रिया :

भर्खरै प्रकाशित

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…

पछिल्लो २४ घण्टामा २१३ मा कोरोना संक्रमण, ३१५ जना निको,…

काठमाडौं, ११ मंसिर । नेपालमा पछिल्लो २४ घण्टामा २१३ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभर ६,६३२ नमुना परीक्षण…

प्रदेशहरूले विकास खर्च गर्न सकेनन्

काठमाडौं, ७ मंसिर । संघीय सरकारको विकास खर्च ५ प्रतिशतको हाराहारीमा रहेका बेला प्रदेश सरकारहरूको पूँजीगत खर्च पनि पहिलो त्रैमासमा कमजोर देखिएको छ । सिंहदरबारको अधिकार…

एमसीसी संशोधनपछि मात्र पास हुन्छ : गिरिराजमणि

सिरहा, ७ मंसिर । नेकपा (माओवादी केन्द्र) का स्थायी समिति सदस्य गिरिराजमणि पोखरेलले अमेरिकी सहयोग अन्तर्गतको मिलेनियम च्यालेन्ज कर्पोरेशन (एमसीसी) संशोधनपछि मात्र पास गर्ने बताएका छन्…