कोभिड–१९ विरुद्धको फाइजर खोपलाई पूर्ण स्वीकृति

काठमाडौं, ८ भदौं । अमेरिकाले कोभिड–१९ विरुद्धको फाइजर खोपलाई पूर्ण स्वीकृति दिएको छ । अमेरिकाको खाद्य तथा औषधि नियामक निकाय फुड एन्ड ड्रग एडमिनिस्ट्रेसन (एफडीए) ले मान्यता दिएको हो ।

दुई डोज लगाउनुपर्ने फाइजर खोपलाई एफडीएले गएको डिसेम्बरमा आपत्कालीन प्रयोगका लागि स्वीकृति दिएको थियो । यो खोप १६ वर्षभन्दा माथिकालाई लगाउन सकिने छ । अमेरिकी जनस्वास्थ्य अधिकारीहरूले फाइजर खोप प्रभावकारी रहेको र यस कार्यले कोरोनाविरुद्धको खोपसम्बन्धी रहेका आशंकाहरू चिर्न मद्दत पुग्ने अपेक्षा गरेका छन् । विशेषगरी रूढिवादी अमेरिकीहरूले कोभिड–१९ विरुद्धको खोपलाई लिएर आशंका गर्ने गरेका छन् ।

दशौं लाख अमेरिकीहरूले पूर्ण स्वीकृति नभएसम्म खोप नलगाउने बताउँदै आएका थिए । अब उनीहरूलाई पनि खोप अभियानमा सहभागी गराउन सकिने अमेरिकी अधिकारीहरूले अपेक्षा गरेका छन् ।

अमेरिकी राष्ट्रपति जो बाइडनले एफडीएको स्वीकृति ‘महामारीविरुद्धको लडाइँमा एउटा महत्वपूर्ण क्षण’ भएको भन्दै सबैले खोप लगाउनुपर्नेमा जोड दिएका छन् । राष्ट्रपति बाइडनले भनेका छन्, ‘यदि, तपाईं एफडीएले पूर्ण स्वीकृति दिएपछि खोप लगाउने भनेर बस्नुभएका दशौं लाखमध्ये हुनुहुन्छ भने यो अहिले पूरा भएको छ । यो तपाईंको खोप लगाउने समय हो । आजै लगाउनुहोस् । खेर फाल्ने समय छैन ।’ एजेन्सी ।

प्रतिक्रिया :

भर्खरै प्रकाशित

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…

पछिल्लो २४ घण्टामा २१३ मा कोरोना संक्रमण, ३१५ जना निको,…

काठमाडौं, ११ मंसिर । नेपालमा पछिल्लो २४ घण्टामा २१३ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभर ६,६३२ नमुना परीक्षण…

प्रदेशहरूले विकास खर्च गर्न सकेनन्

काठमाडौं, ७ मंसिर । संघीय सरकारको विकास खर्च ५ प्रतिशतको हाराहारीमा रहेका बेला प्रदेश सरकारहरूको पूँजीगत खर्च पनि पहिलो त्रैमासमा कमजोर देखिएको छ । सिंहदरबारको अधिकार…

एमसीसी संशोधनपछि मात्र पास हुन्छ : गिरिराजमणि

सिरहा, ७ मंसिर । नेकपा (माओवादी केन्द्र) का स्थायी समिति सदस्य गिरिराजमणि पोखरेलले अमेरिकी सहयोग अन्तर्गतको मिलेनियम च्यालेन्ज कर्पोरेशन (एमसीसी) संशोधनपछि मात्र पास गर्ने बताएका छन्…