अफगानिस्तानमा विमान चढ्न जाँदै गर्दा दोभाषेको गोली हानी हत्या

काठमाडौं, ३ भदौं । अफगानिस्तानमा अस्ट्रेलियन सेनाका लागि दोभाषे काम गर्ने एक अफगान नागरिकको गोली हानी हत्या गरिएको छ ।
अस्ट्रेलियन सञ्चारमाध्यमका अनुसार अफगानिस्तानबाट बाहिरिन राजधानी काबुलस्थित विमानस्थलमा जाने क्रममा उनको हत्या गरिएको हो । अफगानिस्तानबाट बाहिरी मुलुक जान मंगलबार राति विमान चढ्न गइरहेका बेला विमानस्थल बाहिर उनलाई गोली हानिएको समाचारमा जनाइएको छ ।

‘एसबीएस’ र ‘द गार्डियन अस्ट्रेलिया’ मा प्रकाशित तस्बिरमा एक डाक्टर खुट्टामा गोली लागेका व्यक्तिको उपचार गरिरहेको देखिन्छ । यो काबुल विमानस्थलमा जारी भागदौड र हिंसाअन्तर्गतको एक घटना हो ।

अफगानिस्तानको सत्ता तालिबानले कब्जा गरेपछि अहिले त्यहाँबाट दैनिक ठूलो संख्यामा अफगानी तथा त्यहाँ रहेका बाहिरी मुलुकका मानिस धमाधम अफगानिस्तान छाडिरहेका छन् ।
तालिबानले बन्द गरायो अफगानिस्तान–भारत सीमापार व्यापार
अफगानिस्तान तालिबानले कब्जा गरेपछि त्यसको असर छिमेकी मुलुकमा पनि पर्न थालेको छ । यसै क्रममा तालिबानले आफूसँग सीमापार व्यापार बन्द गरेको भारतले जनाएको छ । सामान्यतया दुई मुलुक (भारत र अफगानिस्तान) का मालवाहक गाडी पाकिस्तानको बाटो भएर ओहोरदोहोर गर्थे ।

फेडेरसन अफ इन्डियन एक्सपर्ट अर्गनाइजेसन (एफआईईओ) का अनुसार अब त्यस्तो गाडी आवतजावतमा रोक लगाइएको हो । योसँगै लाखौं डलरका सामान आयात–निर्यात रोकिएका छन् । व्यापारका लागि अफगानिस्तान भारतको ठूलो सहयोगी मुलुक थियो । भारतले अफगानिस्तानमा बाँध, विद्यालय र सडक निर्माणका लागि करोडौं डलर लगानी गरेको छ । एजेन्सी

प्रतिक्रिया :

भर्खरै प्रकाशित

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…

पछिल्लो २४ घण्टामा २१३ मा कोरोना संक्रमण, ३१५ जना निको,…

काठमाडौं, ११ मंसिर । नेपालमा पछिल्लो २४ घण्टामा २१३ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभर ६,६३२ नमुना परीक्षण…

प्रदेशहरूले विकास खर्च गर्न सकेनन्

काठमाडौं, ७ मंसिर । संघीय सरकारको विकास खर्च ५ प्रतिशतको हाराहारीमा रहेका बेला प्रदेश सरकारहरूको पूँजीगत खर्च पनि पहिलो त्रैमासमा कमजोर देखिएको छ । सिंहदरबारको अधिकार…

एमसीसी संशोधनपछि मात्र पास हुन्छ : गिरिराजमणि

सिरहा, ७ मंसिर । नेकपा (माओवादी केन्द्र) का स्थायी समिति सदस्य गिरिराजमणि पोखरेलले अमेरिकी सहयोग अन्तर्गतको मिलेनियम च्यालेन्ज कर्पोरेशन (एमसीसी) संशोधनपछि मात्र पास गर्ने बताएका छन्…