कहाँ–कहाँ छ आज बाढीको जोखिम ?

काठमाडौं, ३ भदौं । देशभर फेरि मनसुन सक्रिय भएको छ । आज (बिहीबार) देशका पाँच प्रदेशमा मेघगर्जन र चट्याङसहित भारी वर्षाको सम्भावना रहेको मौसमविदले जानकारी दिएका छन् ।

जल तथा मौसम विज्ञान विभागका अनुसार आज कोशी, नारायणी, कर्णाली र महाकालीका सहायक नदीहरूमा बहाव केही बढ्ने छ । मझौला नदीहरु कन्काई, कमला, तिनाउ, पश्चिम राप्ती, बबईलगायतमा बहाव बढ्ने तथा सतर्कता तहभन्दा तलै रहने पूर्वानुमान छ ।

यसैबीच, दोर्दी, न्यादी, चेपेलगायत नदीहरूमा आकस्मिक बाढी आउन सक्ने भएकाले यसका तटीय तथा डुबान भइरहने क्षेत्रमा बसोबास गर्नेहरुलाई सतर्क हुन आग्रह गरिएको छ । लमजुङको खुदीबजार, बेशीसहर र आसपासका क्षेत्रमा पछिल्लो तीन घण्टामा भारी वर्षा भएका कारण नदीमा आकस्मिक बाढी आउन सक्ने र डुबान तथा कटान हुन सक्ने सम्भावना रहेकाले दिउँसोसम्म उच्च सतर्कता अपनाउन विभागले आग्रह गरेको छ ।

प्रदेश–१ को इलाम, झापा, पाँचथर, मोरङ, सुनसरी, उदयपुर, ओखलढुङगा, खोटाङ, भोजपुर तथा वाग्मती प्रदेशको दोलखा, रामेछाप, काभ्रेपलाञ्चोक, सिन्धुली, सिन्धुपाल्चोक, धादिङ, नुवाकोट भएर बग्ने नदी खोलामा पानीको बहाव बढ्ने छ । गण्डकी प्रदेशको गोरखा, लमजुङ, तनहुँ, स्याङ्जा, पर्वत, नवलपुर, बाग्लुङ तथा लुम्बिनी प्रदेशका पाल्पा, गुल्मी, रुपन्देही, कपिलवस्तु, दाङ, रुकुम, रोल्पा भएर बग्ने नदी तथा खोलामा आज पानीको बहाव बढ्ने छ ।

कर्णाली प्रदेशको सुर्खेत, कालिकोट, जाजरकोट, दैलेख, सल्यान, जुम्ला, रुकुम पश्चिम तथा सुदूरपश्चिम प्रदेशको कैलाली, कञ्चनपुर, डडेल्धुरा, बैतडी, अछाम, डोटी, बझाङ, दार्चुला, बाजुरा र आसपासका जिल्ला भएर बहने नदी तथा खोलामा बहाव बढ्ने र केहीमा आकस्मिक बहाव हुन सक्ने विभागको पूर्वानुमान छ ।

प्रतिक्रिया :

भर्खरै प्रकाशित

२० देशमा भेटियो कोरोनाको नयाँ भेरियन्ट ‘ओमिक्रोन’, नेपालमा पनि थालियो…

काठमाडौं, १५ मंसिर । कोरोना भाइरसको नयाँ भेरियन्ट विश्वका विभिन्न २० देशमा देखिएको रिपोर्ट बाहिर आएको छ । दक्षिण अफ्रिकामा सबैभन्दा पहिला रिपोर्ट भएको यो भेरियन्टका…

सर्वोच्चमा आजदेखि गोलाप्रथा

काठमाडौं, १५ मंसिर । सर्वोच्च अदालतमा आज (बुधबार) देखि गोलाप्रथा प्रणाली कार्यान्वयन हुँदैछ । प्रधानन्यायाधीशको विशेषाधिकार अन्त्य गर्दै न्यायाधीशले नै गोला तानेर इजलास र पेसी तोक्ने अभ्यास…

प्रहरी नियमावली संशोधन : एकै पटक साढे १७ हजार प्रहरीको…

काठमाडौं, १५ मंसिर । प्रहरी नियमावली संशोधन गरेर सिर्जना गरिएका वरिष्ठ सइ, वरिष्ठ हवल्दार र सहायक हवल्दार पदमा एकैपटक १७ हजार पाँच सय १७ प्रहरी बढुवा…

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…