रुसी ‘एके–४७’ बिसाएर अमेरिकी राइफल बोक्दै तालिबान लडाकु

काबुल, १ भदौं । लामो समयदेखि तालिबान लडाकुको रोजाइमा परेको हतियार हो–रुसमा निर्मित कलानिस्कोव एके–४७ । लगभग सबैजसो लडाकुले यही राइफल बोक्छन् ।

तर, सत्ता कब्जा गरिसकेपछि केही तालिबान लडाकुले भने एके–४७ छाडेर अमेरिकामा निर्मित राइफल बोक्न थालेका छन् । सरकार ढलेसँगै अमेरिकाले अर्बौं डलर खर्च गरेर अफगान सेनालाई दिएको सम्पूर्ण हतियार अहिले तालिबानको कब्जामा पुगेको छ । त्यससँगै लडाकुहरुले हतियार साट्न थालेका हुन् ।

तालिबानले ट्वीटर र अन्यत्र प्रकाशित गरेका भिडिओ र तस्बिरहरुमा लडाकुहरुले एम ४ कारबाइन र एम १६ राइफल बोकेको देखिन्छ । अमेरिकामा बनेका एम ४ र एम १६ सटिक निसाना लगाउन र लामो दूरीमा प्रहार गर्न एके–४७ भन्दा प्रभावकारी मानिन्छ । तर, त्यसले मात्रै युद्ध मैदानमा खासै क्षमता नबढाउने विज्ञहरु बताउँछन् ।

तथापि, अमेरिकामा बनेका, उसैले अर्बौ डलर खर्च गरेर अफगान सेनालाई दिएका अत्याधुनिक राइफल लडाकुको हातमा देखिनु तालिबानका लागि प्रचारबाजीको हतियार बनेको छ ।

अफगानिस्तानमा रहेका धेरैजसो एके–४७ नक्कल हुन् । तर, केही भने १९८९ सम्म सोभियत सेना अफगानिस्तानमा रहँदा छोडिएका हुन् । दोस्रो विश्वयुद्ध लगत्तै जर्मन डिजाइनमा बनाइएको यो राइफल तुरुन्तै विश्वभर पुगेको थियो । जुन सरकारी सेना, विद्रोही र आतंकवादी समूहहरुको रोजाइमा पर्ने गरेको छ । तालिबानले कब्जा गरेको अमेरिकी हतियार लामो समय प्रयोग हुनसक्छ । किनभने यसका गोली आपूर्ति गर्न कुनै कठिनाइ छैन । एजेन्सी

प्रतिक्रिया :

भर्खरै प्रकाशित

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…

पछिल्लो २४ घण्टामा २१३ मा कोरोना संक्रमण, ३१५ जना निको,…

काठमाडौं, ११ मंसिर । नेपालमा पछिल्लो २४ घण्टामा २१३ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभर ६,६३२ नमुना परीक्षण…

प्रदेशहरूले विकास खर्च गर्न सकेनन्

काठमाडौं, ७ मंसिर । संघीय सरकारको विकास खर्च ५ प्रतिशतको हाराहारीमा रहेका बेला प्रदेश सरकारहरूको पूँजीगत खर्च पनि पहिलो त्रैमासमा कमजोर देखिएको छ । सिंहदरबारको अधिकार…

एमसीसी संशोधनपछि मात्र पास हुन्छ : गिरिराजमणि

सिरहा, ७ मंसिर । नेकपा (माओवादी केन्द्र) का स्थायी समिति सदस्य गिरिराजमणि पोखरेलले अमेरिकी सहयोग अन्तर्गतको मिलेनियम च्यालेन्ज कर्पोरेशन (एमसीसी) संशोधनपछि मात्र पास गर्ने बताएका छन्…