आज कहाँ–कहाँ छ बाढीको जोखिम ?

काठमाडौं, ५ साउन । केहि दिन अलि मत्थर भएको मनसुन फेरि सक्रिय भएको छ । मनसुन सुक्रिय भएसँगै देशका अधिकांश भू–भागमा बर्षा भइरहेको छ । आज (मंगलबार) पनि देशका चार प्रदेशमा मेघगर्जन र चट्याङसहित भारी बर्षाको सम्भावना रहेको मौसमविदले बताएका छन् ।

मनसुन सक्रिय हुँदा आज देशका विभिन्न नदीमा पानीको बहाव बढ्ने सम्भावना रहेको छ । महाकाली, कर्णाली, नारायणी र कोशी नदीमा आज पानीको बहाव बढ्ने पूर्वानुमान रहेको छ ।

भेरी, मर्स्यााङ्दी, बुढीगण्डकी, त्रिशुली, सुनकोशी, अरूणलगायत नदीहरुमा पनि बहाब बढ्ने र केहीमा सतर्कता तह आसपास पुग्न सक्ने पूर्वानुमान रहेकाले तटीय क्षेत्रहरू तथा डुवान भइरहने क्षेत्रहरूमा सतर्कता अपनाउन जल तथा मौसम विज्ञान विभागले आग्रह गरेको छ ।

प्रदेश–१ को तेहथुम, सोलुखुम्बु, संखुवासभा, ताप्लेजुङ, ओखलढुङ्गा, उदयपुर, प्रदेश २ को सप्तरी, सिराह, धनुषा, बारा, पर्सा, वाग्मती प्रदेशको दोलखा, रामेछाप, सिन्धुली, सिन्धुपाल्चोक, रसुवा, नुवाकोट, धादिङ्गका नदी तथा खोलामा पानीको बहाव बढ्ने विभागले जनाएको छ ।

यस्तै गण्डकी प्रदेशको गोरखा, लमजुङ, मुस्ताङ, तनहुँ, स्याङ्गजा, कास्की, म्याग्दी, पर्वत, बाग्लुङ, नवलपुर, लुम्बिनी प्रदेशको परासी, पाल्पा, अर्घाखाँची, कपिलबस्तु, बाँके, बर्दिया, कर्णाली प्रदेशको सुर्खेत, सल्यान, दैलेख, कालिकोट, जुम्ला तथा सुदूरपश्चिम प्रदेशको कैलाली, कंचनपुर, डडेलधुरा, डोटी, अछाम र आसपास जिल्ला भई बग्ने स–साना नदीहरुमा बहाव बढ्ने र केहीमा आकस्मिक बहाव हुनसक्ने भन्दै सचेत रहन विभागले आग्रह गरेको छ ।

आगामी तीनदिनसम्म मनसुन सक्रिय हुने भएकाले देशका धेरै स्थानमा भारी वर्षाको सम्भावना रहेकाले नदी तटीय क्षेत्रमा बसोबास गनेहरु विशेष सचेत हुनुपर्ने मौसमविद्हरुले बताएका छन् ।

प्रतिक्रिया :

भर्खरै प्रकाशित

टी–२० विश्वकपको सातौँ संस्करण आजदेखि सुरु हुदै

काठमाडौँ, अशोज ३१ । सातौँ आईसीसी टी–२० विश्वकप आज देखि सुरु हुँदैछ । क्वालिफायर राउन्ड अन्तरगत आज दुई खेल हुनेछन् । समूह बी अन्तरगत ओमान…

चाडबाडले आउजाउ बढ्यो, गाउँमा संक्रमण फैलिने जोखिम

काठमाडौं, २७ असोज । चाडपर्वसँगै कोरोना भाइरस सङ्क्रमणको जोखिम पनि गाउँघरमा हुने भएको छ । चाडपर्व मनाउनमा गाउँघर र बजारमा मानिसको बढ्दो भीडसँगै कोरोना सङ्क्रमणको जोखिम…

कोरोना भाइरसको उत्पत्तिबारे अनुसन्धान गर्न डब्लूएचओद्वारा कार्यदल गठन

काठमाडौं, २८ असोज । विश्व स्वास्थ्य संगठन(डब्लूएचओ)ले कोभिड–१९ को उत्पत्ति पत्ता लगाउन कार्यदल गठन गरेको छ । साइन्टिफिक एड्भाइजरी ग्रुप अफ द ओरिजिन्स अफ नोभल पाथोजेन्स…

फाइनल नेपालका लागि मेरो अन्तिम खेल हुनेछ : अल्मुताइरी

काठमाडौं, २८ असोज । नेपाली फुटबल टोलीका मुख्य प्रशिक्षक अब्दुल्लाह अल्मुताइरीले साफ च्याम्पियनसीपको फाइनलपछि नेपाल नफर्किने बताएका छन् । आफूले यस अघि नै राजीनामा दिइसकेको बताउँदै…

उत्तर कोरियाका बालबालिका र ज्येष्ठ नागरिकहरू ‘भोकमरीको जोखिममा’

काठमाडौं, २८ असोज । संयुक्त राष्ट्रसंघका एक विज्ञले उत्तर कोरियाका कमजोर बालबालिका र ज्येष्ठ नागरिकहरू भोकमरीको जोखिममा रहेका बताएका छन् । उत्तर कोरियाको लागि मानव अधिकार…