गण्डकी प्रदेश सरकारको बजेट खर्च ७३ प्रतिशत

पोखरा, ३ साउन । गण्डकी प्रदेश सरकारले हालसम्मकै सबैभन्दा धेरै बजेट खर्च गर्न सफल भएको छ । प्रदेश सरकारले आर्थिक वर्ष २०७७/०७८ मा हालसम्मकै धेरै ७३ प्रतिशत बजेट खर्च गर्न सफल भएको गण्डकी प्रदेश लेखा नियन्त्रक कार्यालयले जनाएको छ ।

यस वर्ष भौतिक पूर्वाधार मन्त्रालयबाट करिब ८२ प्रतिशत बजेट खर्च गर्न सफल हुँदा प्रदेशको बजेट खर्च विगतका वर्षको तुलानमा बढी भएको प्रदेश लेखा नियन्त्रक कार्यालयलका प्रमुख इन्द्रप्रसाद पौडेलले बताए । उनका अनुसार आर्थिक वर्ष २०७७/०७८ मा २५ अर्ब ७४ करोड १४ लाखले ७३ प्रतिशत खर्च भएको हो ।

५ अर्ब ४२ करोड ४९ लाखको बजेटमध्ये सामाजिक विकास मन्त्रालयले आर्थिक वर्ष २०७७/०७८ मा ६३.८२ प्रतिशत अर्थात ३ अर्ब ४६ करोड २० लाख रुपैयाँ खर्च गरेको प्रदेश लेखा नियन्त्रक कार्यालयल पोखराले जनाएको छ । मुख्यमन्त्री तथा मन्त्रिपरिषदको कार्यालयबाट ४६.५४ प्रतिशत मात्र बजेट खर्च भएको छ ।

२ अर्ब ५० करोड ७२ लाखको बजेट भएपनि उक्त कार्यालयबाट असार मसान्तरसम्म १ अर्ब १६ करोड ६९ लाख रुपैयाँ खर्च भएको प्रमुख पौडेलले जनाए । उद्योग पर्यटन वन तथा वातावरण मन्त्रालयबाट आर्थिक वर्ष २०७७/०७८ को असार मसान्तरसम्म ७५.९५ प्रतिशत अर्थात १ अर्ब ४३ करोड २७ लाख खर्च भएको छ भने उक्त मन्त्रालयमा १ अर्ब ८८ करोड ६४ लाखको बजेट रहेको थियो ।

आर्थिक वर्ष २०७७/०७८ मा ३४ अर्ब ८४ करोड २१ लाख रुपैयाँको प्रदेशको बजेट रहेको थियो भने कोरोनाले गर्दा पनि २७ प्रतिशत अर्थात ९ अर्ब १० करोड ७ लाख रुपैयाँ खर्च हुन नसकेको पौडेलले जनाए । आर्थिक वर्ष २०७७/०७८ मा पुँजीगततर्फ १७ अर्ब ६१ करोड ४४ लाख अर्थात ६९ प्रतिशत खर्च भएको प्रमुख पौडेलले जनाए ।

त्यस्तै चालुतर्फ भने ६०.५ प्रतिशतले ८ अर्ब १२ करोड ६९ लाख खर्च भएको छ । प्रदेशको आर्थिक वर्ष २०७७/०७८ मा चालुतर्फ १४ अर्ब ३४ करोड २६ लाख ८४ हजार, पुँजीगततर्फ १९ अर्ब ९९ करोड ९४ लाख ७६ हजार र वित्तीय व्यवस्थापनतर्फ ५० करोड रुपैयाँ विनियोजन गरिएको थियो ।

गण्डकी प्रदेश सरकारले आर्थिक वर्ष २०७६/०७७ मा ६३.७१ प्रतिशत बजेट खर्च गरेको थियो । कुल बजेट ३२ अर्ब १३ करोड ४७ लाख ९२ हजारमध्ये प्रदेश सरकारले आर्थिक वर्ष २०७६/०७७ मा २० अर्ब ४७ करोड २७ लाख ८२ हजार ४ सय ६८ अर्थात ६३.७१ प्रतिशत खर्च गर्न सफल भएको प्रदेश लेखा नियन्त्रक कार्यालयले जनाएको छ । आर्थिक वर्ष २०७५/०७६ मा प्रदेश सरकारले करिब ६७ प्रतिशतमात्र बजेट गर्न गर्न सफल भएको थियो ।

चालु आर्थिक वर्ष २०७७/०७८ भन्दा आगामी आर्थिक वर्ष २०७८/०७९ को लागि करिब १३ प्रतिशत कम बजेट ल्याएको छ । प्रदेश सरकारले आगामी वर्षका लागि ३० अर्ब ३ करोड ९४ लाख २७ हजारको बजेट ल्याएको हो । उक्त बजेट चालु आर्थिक वर्ष २०७६/०७७ को भन्दा ४ अर्ब ८१ करोड रुपैयाँ कमको बजेट आएको हो । उक्त बजेट चालुतर्फ ४३.५ प्रतिशतले १३ अर्ब ६ करोड ४७ लाख ९४ हजार र पुँजीगततर्फ भने ५५.७ प्रतिशत अर्थात १६ अर्ब ७३ करोड ४६ लाख ३३ हजार विनियोजन गरिएको प्रदेश सरकारले जनाएको छ । कारोबार दैनिकबाट

प्रतिक्रिया :

भर्खरै प्रकाशित

टी–२० विश्वकपको सातौँ संस्करण आजदेखि सुरु हुदै

काठमाडौँ, अशोज ३१ । सातौँ आईसीसी टी–२० विश्वकप आज देखि सुरु हुँदैछ । क्वालिफायर राउन्ड अन्तरगत आज दुई खेल हुनेछन् । समूह बी अन्तरगत ओमान…

चाडबाडले आउजाउ बढ्यो, गाउँमा संक्रमण फैलिने जोखिम

काठमाडौं, २७ असोज । चाडपर्वसँगै कोरोना भाइरस सङ्क्रमणको जोखिम पनि गाउँघरमा हुने भएको छ । चाडपर्व मनाउनमा गाउँघर र बजारमा मानिसको बढ्दो भीडसँगै कोरोना सङ्क्रमणको जोखिम…

कोरोना भाइरसको उत्पत्तिबारे अनुसन्धान गर्न डब्लूएचओद्वारा कार्यदल गठन

काठमाडौं, २८ असोज । विश्व स्वास्थ्य संगठन(डब्लूएचओ)ले कोभिड–१९ को उत्पत्ति पत्ता लगाउन कार्यदल गठन गरेको छ । साइन्टिफिक एड्भाइजरी ग्रुप अफ द ओरिजिन्स अफ नोभल पाथोजेन्स…

फाइनल नेपालका लागि मेरो अन्तिम खेल हुनेछ : अल्मुताइरी

काठमाडौं, २८ असोज । नेपाली फुटबल टोलीका मुख्य प्रशिक्षक अब्दुल्लाह अल्मुताइरीले साफ च्याम्पियनसीपको फाइनलपछि नेपाल नफर्किने बताएका छन् । आफूले यस अघि नै राजीनामा दिइसकेको बताउँदै…

उत्तर कोरियाका बालबालिका र ज्येष्ठ नागरिकहरू ‘भोकमरीको जोखिममा’

काठमाडौं, २८ असोज । संयुक्त राष्ट्रसंघका एक विज्ञले उत्तर कोरियाका कमजोर बालबालिका र ज्येष्ठ नागरिकहरू भोकमरीको जोखिममा रहेका बताएका छन् । उत्तर कोरियाको लागि मानव अधिकार…