साउन १५ सम्ममा ३२ लाख डोज खोप आउँछ : स्वास्थ्य मन्त्रालय

काठमाडौं, २ साउन । स्वास्थ्य तथा जनसंख्या मन्त्रालयले आउँदो साउन १५ गतेसम्ममा ३२ लाख डोज भेरोसेल खोप नेपाल आइसक्ने जनाएको छ ।

अबको दुई सातासम्ममा चीनबाट ३२ लाख डोज खोप नेपाल आउने जानकारी दिँदै खोप अभियान निरन्तर अघि बढाइने मन्त्रालयका सहप्रवक्ता डा.समीरकुमार अधिकारीले बताएका छन् । ‘१८ वर्षमाथिका सबै नागरिकलाई कोरोनाविरुद्धको खोप दिने योजना सरकारको छ । त्यसका लागि खोप व्यवस्थापनको काम भइरहेको छ । यही साउन १५ गतेसम्म ३२ लाख भेरोसेल खोप नेपाल आइसक्नेछ,’ डा.अधिकारीले सार्वजनिक सूचना जारी गर्दै भनेका छन् ।

सरकारले चिनियाँ कम्पनी सिनोफार्मसँग ४० लाख डोज खोपका लागि नन डिस्क्लोजेबल एग्रिमेन्ट गरेको छ । त्यसअनुसार ८ लाख डोज खोप आइसकेको र साउन ६ गतेदेखि थप खोप आपूर्ति हुने अधिकारीले जानकारी दिए । चीनले नेपाललाई थप १६ लाख डोज खोप अनुदानमा दिने जानकारी गराइसकेको छ । यसअघि चीनले नेपाललाई १८ लाख डोड भेरोसेल खोप अनुदानमा दिएको थियो ।

त्यस्तै कोभिसिल्ड खोपको पहिलो डोज लगाएका ६५ वर्षभन्दा माथिका नागरिकका लागि छिट्टै दोस्रो डोज दिने योजना समेत सरकारले बनाएको अधिकारीले बताएका छन् । ‘चरणबद्ध तरिकाले प्राथमिकता प्राप्त वर्गहरुलाई खोप लगाइने छ,’ स्वास्थ्य मन्त्रालयले जारी गरेको सूचनामा भनिएको छ, ‘कोभिसिल्ड खोपको पहिलो मात्रा लगाएका ६५ वर्ष माथिका सबै नागरिकलाई दोस्रो मात्रा खोपको व्यवस्था भइसकेको छ । केही दिनमै ती खोपहरु प्राप्त हुनेछन् ।’

जोन्सन एण्ड जोन्सनको खोप अभियान नरोकिने, ढुक्क भएर लगाउन आग्रह
अमेरिकी कम्पनी जोन्सन एण्ड जोन्सनको कोरोनाविरुद्धको खोप लगाएकामध्ये केही अमेरिकीमा स्नायु प्रणालीसम्बन्धी समस्या देखिएको बताइएपछि यसलाई लिएर विभिन्न आशंकाहरु उत्पन्न भइरहेका छन् ।

अमेरिकामा १ करोड २८ लाख जनाले कोरोनाविरुद्धको जोन्सन एण्ड जोन्सनको खोप लगाएका छन् । जसमध्ये कम्तिमा १०० जनालाई यस्तो दुर्लभ साइड इफेक्ट देखिएको सेन्टर फर डिजिज कन्ट्रोल एन्ड प्रिभेन्सन (सीडीसी) ले जनाएको छ । यसमध्ये ९५ प्रतिशतमा गम्भीर समस्या देखिएको र अस्पताल भर्ना भएका थिए ।

यद्यपी अमेरिकीकाको फुड एन्ड ड्रग एड्मिनिस्ट्रेशन (एफडीए) ले अहिलेसम्म उपलब्ध प्रमाणले जोन्सन एण्ड जोन्सनको खोप र गीयाङबारे सिन्ड्रोम (स्नायु प्रणालीसम्बन्धी समस्या) को जोखिमबीच सम्बन्ध रहेको देखाए पनि प्रत्यक्ष सम्बन्ध रहेको स्थापित गर्ने आधार भने स्पष्ट नभएको बताएको छ ।

सोही खोप नेपाललाई अमेरिकाले १५ लाख बढी डोज उपलब्ध गराएको र साउन ४ गतेदेखि लगाउने तयारी भइरहँदा केही अलमल देखिएको छ । तर, स्वास्थ्य तथा जनसंख्या मन्त्रालयका सहप्रवक्ता समिरकुमार अधिकारीले एउटा मात्रा मात्रै लगाए पुग्ने जोन्सन खोपलाई विश्व स्वास्थ्य संगठनले नै ५५ देशमा आपत्कालीन प्रयोगको अनुमति दिएकाले ढुक्क भएर खोप लगाउन आग्रह गरेका छन् ।

बाहिर हल्ला भए जस्तो यो खोप लगाउँदा ठूलो जोखिम नभएको सहप्रवक्ता डा. अधिकारी बताउँछन् । ‘सबै खोपका केही न केही जोखिमहरु सार्वजनिक हुन्छन् तर, जोखिमभन्दा लाभ कयौं गुणा बढी हुने भएकाले ढुक भएर खोप लगाउँदा हुन्छ’, उनले भने ।

प्रतिक्रिया :

भर्खरै प्रकाशित

टी–२० विश्वकपको सातौँ संस्करण आजदेखि सुरु हुदै

काठमाडौँ, अशोज ३१ । सातौँ आईसीसी टी–२० विश्वकप आज देखि सुरु हुँदैछ । क्वालिफायर राउन्ड अन्तरगत आज दुई खेल हुनेछन् । समूह बी अन्तरगत ओमान…

चाडबाडले आउजाउ बढ्यो, गाउँमा संक्रमण फैलिने जोखिम

काठमाडौं, २७ असोज । चाडपर्वसँगै कोरोना भाइरस सङ्क्रमणको जोखिम पनि गाउँघरमा हुने भएको छ । चाडपर्व मनाउनमा गाउँघर र बजारमा मानिसको बढ्दो भीडसँगै कोरोना सङ्क्रमणको जोखिम…

कोरोना भाइरसको उत्पत्तिबारे अनुसन्धान गर्न डब्लूएचओद्वारा कार्यदल गठन

काठमाडौं, २८ असोज । विश्व स्वास्थ्य संगठन(डब्लूएचओ)ले कोभिड–१९ को उत्पत्ति पत्ता लगाउन कार्यदल गठन गरेको छ । साइन्टिफिक एड्भाइजरी ग्रुप अफ द ओरिजिन्स अफ नोभल पाथोजेन्स…

फाइनल नेपालका लागि मेरो अन्तिम खेल हुनेछ : अल्मुताइरी

काठमाडौं, २८ असोज । नेपाली फुटबल टोलीका मुख्य प्रशिक्षक अब्दुल्लाह अल्मुताइरीले साफ च्याम्पियनसीपको फाइनलपछि नेपाल नफर्किने बताएका छन् । आफूले यस अघि नै राजीनामा दिइसकेको बताउँदै…

उत्तर कोरियाका बालबालिका र ज्येष्ठ नागरिकहरू ‘भोकमरीको जोखिममा’

काठमाडौं, २८ असोज । संयुक्त राष्ट्रसंघका एक विज्ञले उत्तर कोरियाका कमजोर बालबालिका र ज्येष्ठ नागरिकहरू भोकमरीको जोखिममा रहेका बताएका छन् । उत्तर कोरियाको लागि मानव अधिकार…