१० बुँदे सहमतिप्रति नेपाल पक्षमा असन्तुष्टि

काठमाडौं, २८ असार । नेकपा एमालेको विवाद समाधानका लागि गठित कार्यदलले आइतबार राति गरेको १० बुँदे सहमतिमा वरिष्ठ नेता माधवकुमार नेपाल पक्षका नेताहरुले असन्तुष्टि जनाएका छन् ।

नेता नेपालले संसद् विघटनविरुद्धको रिटमा सर्वोच्च अदालतको फैसलाअघि कुनै सहमति नहुने बताउँदै आएका थिए । तर, कार्यदलको सहमतिप्रति नेपाल स्वयम् असन्तुष्ट रहेको उनी पक्षीय नेताहरु बताउँछन् । यो सहमतिले २८ फागुनमा अध्यक्ष केपी शर्मा ओली समूहले गरेको निर्णयलाई स्वीकार गरे सरह भएको उनीहरुको तर्क छ ।

नेता नेपालले आज बिहान मात्रै अदालतमा विचाराधीन मुद्दालाई प्रभावित पार्ने वा अदालतको मानहानी गर्ने व्याख्या मञ्जुर नभएको बताएका छन् । एमालेका वरिष्ठ नेता झलनाथ खनाल–माधवकुमार नेपाल समूह प्रधानमन्त्री एवं पार्टी अध्यक्ष केपी शर्मा ओलीका पछिल्ला कदमप्रति आन्दोलनमा छ ।

प्रधानमन्त्री ओलीको सिफारिसमा प्रतिनिधिसभा विघटनविरुद्ध उक्त समूह प्रतिपक्षी गठबन्धनमा सामेल हुँदै आएको छ । संसद् विघटनविरुद्ध र नेपाली कांग्रेसका सभापति शेरबहादुर देउवालाई प्रधानमन्त्री बनाउनुपर्ने माग गरिएको रिटमा उक्त पक्षका २३ सांसदले हस्ताक्षर गरेका थिए । उक्त हस्ताक्षर फिर्ता नहुने अडानमा नेता नेपाल कायम नै छन् ।

संसद् विघटनविरुद्धको रिटमा आज फैसला आउने सम्भावना छ । उक्त फैसलाअघि नै पार्टी एकताको सहमतिका लागि हतार गरिएको भन्दै नेताहरुले असन्तुष्टि व्यक्त गरेका छन् । कार्यदलको सहमतिमा प्रतिनिधिसभा विघटनबारेको विषयमा बुँदा नम्बर ६ मा भनिएको छ, ‘प्रतिनिधिसभाको विघटनसम्बन्धी सर्वोच्च अदालतमा विचाराधीन मुद्दा र सरकारका सम्बन्धमा पार्टी एकताको मर्म र भावनाका आधारमा विधिसम्मत एवम् संस्थागत निर्णयअनुरूप अगाडि बढ्ने ।’

खनाल–नेपाल समूहका एक केन्द्रीय सदस्यले ओलीका कदमलाई प्रतिगामी भनिँदै आएकाले सहमतिमा उनको कदमबारे कुनै कुरा नसमेटिएको भन्दै आक्रोश पोखे । उक्त समूहले प्रधानमन्त्री ओलीले संसद् विघटनबारे आत्मआलोचना गर्नुपर्ने माग राख्दै आएको थियो ।

‘उहाँहरुले सहमति त गर्नुभयो, तर त्यसमा सहमत हुन सकिँदैन । हामीले संसद् विघटन प्रतिगामी कदम भन्यौं । त्यो विषय कहाँँ पुग्यो ? त्यसबारे सहमतिमा केही छैन’, ती सदस्यले भने ।

त्यस्तै, उक्त समूहले पार्टीका कमिटीलाई २०७५ जेठ २ गतेको कमिटी संरचनामा फर्काउनुपर्ने माग राख्दै आएको थियो । तर, सहमतिको बुँदाले जेठ ३ को कमिटीलाई कायम राखेको भन्दै त्यसमा सहमत हुन नसकिने ती नेताको भनाइ छ ।

‘जेठ २ मा जाने कुरा बालुवाटारमा गरिएको निर्णयकै अनुमोदन गरिएको जस्तै भयो नि’, उनले भने । उस्तै वरिष्ठ नेता नेपाल पक्षकी नेत्री रामकुमारी झाँक्रीले १० बुँदे सहमतिको चार बुँदामा टिप्पणी गरेकी छिन् । उनले यहि अवस्थामा एकता हुन नसक्ने बताउँदै आफू पक्षका केन्द्रीय कमिटीमा छलफल हुनुपर्ने बताएकी छिन् । कार्यदलको सहमतिप्रति असन्तुष्टि रहेको भन्दै खनाल–नेपाल पक्षका केन्द्रीय सदस्यहरुले अहिले बैठक राख्न माग गरेका छन् । आज भर्चुअल छलफलको तयारी भइरहेको केन्द्रीय सदस्य राजेन्द्र राईले जानकारी दिए ।

भर्खरै प्रकाशित

Dealing With Direct Lenders For Payday Loans – The Thing…

Another big pull which keeps new borrowers coming to payday loan online applications each day is the access. Are you ashamed of one’s debt and…

List Of Good Causal Evaluation Essay Topics And The Most…

As simple as it’s, the aim of the descriptive essay is to explain or portray its subject. It can concentrate on any topic or issue…

Tips On How To Write A Conclusion For A Evaluate…

Before you start writing your compare and contrast essay, you should compare and distinction essay ideas that may showcase your writing and analytical abilities. Therefore,…

100+ Rhetorical Analysis Essay Subjects For Students In 2022

For a overwhelming majority of scholars, that is, arguably, the toughest a half of writing an analytical essay. This is some extent the place you…

Persuasive Essay

Topnotch writers use the gun management essay titles to have an audience for his or her piece. We shall explore some of these nice subjects…

How to Find a Reputable Custom College Essay Writing Service

If you’re in the process of becoming a student, chances are you’ve been thinking about the advantages of using a custom university essay service. In…