अन्तरजातीय विहे गरेका जोडी एक महिनादेखि जंगलमा, भन्छन्–हामीलाई बचाउनुस् (भिडियो)

कैलाली, २५ असार । अन्तरजातीय विवाह गरेका कैलालीका एक जोडी परिवार र आफन्तको डरले एक महिनादेखि जङ्गलमा लुकेर बस्दै आएको घटना बाहिरिएको छ ।

उनीहरुले एक भिडियो सार्वजनिक गर्दै आफूहरुलाई बचाउन आग्रह गरेका छन् । ट्वीटरमार्फत सार्वजनिक सो भिडियो कैलालीको जङ्गलबाट पोस्ट गरेको दाबी गरिएको छ । कैलाली भजनी नगरपालिका–४ झलझलियाका प्रकाश विश्वकर्मा र मालती रावलले ४ असारमा विवाह गरेका थिए । भिडियोमा उनीहरुले विवाहपछि आफूहरु परिवार र आफन्तको डरले करिब एक महिनादेखि जंगलमा लुकेर बसिरहेको जानकारी गराएका छन् ।

विवाहपछि परिवार र समाजले मार्ने धम्की दिएपछि ज्यान जोगाउन जङ्गलमा लुकेको उनीहरूले भिडियोमा बताएका छन् । भिडियोमार्फत उनीहरूले आफूहरूलाई सहयोग गर्न आग्रह गरेका छन् । भिडियोमा युवतीले भनेकी छिन्, ‘जबरजस्ती विवाह भनेर मुद्दा हालिरहेका छन् । हामी जबरजस्ती भनेर आ’को होइन, आफ्नै मनले विवाह गरेर आएको तैपनि घरकाले मानिरहेका छैनन् । हामी दुई माया गरेर आ’को मेरो पेटमा नि बच्चा छ ।’

युवतीका परिवारले उनीहरूलाई धम्की दिएको म्यासेज पनि उनीहरूले भिडियोमा देखाएका छन् । युवकका आफन्तले बताए अनुसार युवतीका आफन्तले मार्ने धम्की दिएपछि उनीहरू जङ्गलमा लुक्न बाध्य भएका हुन् । रुकुम हत्याकाण्ड जस्तै गर्ने धम्की दिएपछि विवाहित जोडी जङ्गलमा लुक्न गएको उनले बताएका छन् ।

भिडियोमा युवकले भनेका छन्, ‘रुकुमकाण्ड दोहोरिनसक्छ, याद छ कि छैन भनेर पनि धम्काइरहेका छन् ।’ यही विषय बुझ्न सुदूरपश्चिमका दलित अभियन्ता विजय विश्वकर्मा अहिले युवकको घरतर्फ गइरहेको बताइएको छ । उनले भने, ‘युवती पक्षबाट युवक र उनको परिवारलाई मार्ने, काट्ने रुकुमकाण्ड दोहोर्‍याउने धम्की आएको पाइएको छ । यसलाई बुझ्ने कोशिस गरिरहेको छु ।’

अन्तरजातीय विवाहकै कारण भएको झडपमा रुकुम पश्चिममा जाजरकोटका २१ वर्षीय नवराज विकसहित ६ जनाको ज्यान गएको थियो । घटनाबारे आफूलाई अहिलेसम्म जानकारी नभएको कैलालीका एसपी विश्व अधिकारीले बताएका छन् । उनले भने, ‘अहिलेसम्म घटना जानकारीमा थिएन, यसबारे बुझेर अनुसन्धान अगाडि बढाउँछु ।’
हेर्नुस् भिडियो

प्रतिक्रिया :

भर्खरै प्रकाशित

संक्रमितमध्ये ८६ प्रतिशत खोप नलगाएका

काठमाडौं, १० असोज । कोभिड–१९ का नयाँ संक्रमितमध्ये करिब १४ प्रतिशतले खोपको डोज लगाएको पाइएको छ । अर्थात्, नयाँ संक्रमितमध्ये करिब ८६ प्रतिशतले खोप लगाएका छैनन् । स्वास्थ्य…

अक्सिजन र भेन्टिलेटर किन्न छुट्याइएको सवा ३ अर्ब फ्रिज

काठमाडौं, १० असोज । कोरोना महामारीको दोस्रो लहरमा आईसीयू र अक्सिजनको चरम अभाव भएपछि सरकारले देशभरका १०३ अस्पतालका लागि छुट्याइएको आधा बजेट फ्रिज भएको छ ।…

विदेशी लगानी ६५ प्रतिशत घट्यो

काठमाडौं, १० असोज । चालु आर्थिक वर्षको पहिलो महिना (गत साउन) मै प्रत्यक्ष विदेशी लगानी (एफडीआई) साढे ६५ प्रतिशत घटेको राष्ट्र बैंकको मासिक प्रतिवेदनले देखाएको छ ।…

खासा क्षेत्रमा नै रोकिए दशैंका सामान

काठमाडौं, १० असोज । दशैंका लागि नेपाली व्यापारीले ल्याउन लागेका सामान चीनको स्वाशासित क्षेत्र तिब्बतको खासा क्षेत्रमा नै रोकिएका छन् । खासा क्षेत्रमा एक हजारभन्दा बढी…

सापुसँग सचेत रहौं, गुम्न सक्छ आँखाको ज्योति

काठमाडौं, १० असोज । फुर्रफुर्र नाच्दै फूलमा पुतली बसेपछि बालबालिका रमाउँछन् । ‘कति राम्री पुतली’ भन्दै पुतली भएतिर बालबालिका दौडिँदा अभिभावक पनि खुशी हुन्छन् । यद्यपि,…