बुटवलका विद्यालयमा असार २० गतेदेखि वैकल्पिक विधीबाट कक्षा सञ्चालन हुने

८ असार, बुटवल |  उपमहानगरपालिकाले असार ११ गते भित्र २०७७ सालको बार्षिक परिक्षाको नतिजा प्रकाशन गर्न विद्यालयहरुलाई अनुरोध गरेको छ। उपमहानगरमा बसेको सरोकारवालाहरुको बैठकले सामुदायिक तथा संस्थागत विद्यालयहरुले लिएको कक्षा १ देखि ९ को वार्षिक नतिजा ११ गतेभित्र प्रकाशन गर्न भनेको हो ।

नतिजा प्रकाशन लगत्तै भर्ना सुरु गर्न र असार २० गतेबाट कक्षा सञ्चालन गर्न पनि उपमहानगरले आग्रह गरेको छ । तर कक्षा सञ्चालन भौतिक उपस्थितीमा नभई वैकल्पिक विधीबाट हुनुपर्ने उपमहानगरका शिक्षा तथा जनस्वास्थ्य महाशाखा प्रमुख मित्रमणि खनालद्वारा जारी पत्रमा उल्लेख छ । ‘असार २० गतेदेखी कोभिड – १९ को विषम परिस्थितिलाई मध्यनजर गरि वैकल्पिक विधिबाट शिक्षण सिकाइ क्रियाकलाप सञ्चालन गर्ने ।’ विद्यालयहरुलाई पठाइएको पत्रमा भनिएको छ ।

सामुदायिक विद्यालयहरुले भर्नासँगै विद्यार्थीहरुलाई पाठ्यपुस्तक उपलब्ध गराउनुपर्ने र निजी विद्यालयले पाठ्यपुस्तकको सूची उपलब्ध गराउनुपर्ने छ । यसै शैक्षिक सत्रदेखी कक्षा ६ देखी ८ सम्म विद्यालयहरुमा स्थानिय पाठ्यक्रम हाम्रो बुटवल पनि समावेश गर्न भनिएको छ ।

कक्षा १ देखी ५ सम्म भने यो विषय गत शैक्षिक सत्रबाटै सुरु भएको थियो । ‘कक्षा (१–५) को पाठ्यपुस्तक छपाई भइसकेकाले बजारबाट उपलब्ध गराउने कक्षा (६–८) को सन्दर्भमा हाल छपाइको प्रक्रियामा रहेकाले तत्कालको लागि बुटवल उपमहानगरपालिकाबाट उपलब्ध गराइएको स्थानिय पाठ्यक्रमको हार्ड र सफ्ट कपीका आधारमा शिक्षण सिकाइ क्रियाकलाप सञ्चालन गर्ने ।’ उपमहानगरको पत्रमा भनिएको छ ।

प्रतिक्रिया :

भर्खरै प्रकाशित

२० देशमा भेटियो कोरोनाको नयाँ भेरियन्ट ‘ओमिक्रोन’, नेपालमा पनि थालियो…

काठमाडौं, १५ मंसिर । कोरोना भाइरसको नयाँ भेरियन्ट विश्वका विभिन्न २० देशमा देखिएको रिपोर्ट बाहिर आएको छ । दक्षिण अफ्रिकामा सबैभन्दा पहिला रिपोर्ट भएको यो भेरियन्टका…

सर्वोच्चमा आजदेखि गोलाप्रथा

काठमाडौं, १५ मंसिर । सर्वोच्च अदालतमा आज (बुधबार) देखि गोलाप्रथा प्रणाली कार्यान्वयन हुँदैछ । प्रधानन्यायाधीशको विशेषाधिकार अन्त्य गर्दै न्यायाधीशले नै गोला तानेर इजलास र पेसी तोक्ने अभ्यास…

प्रहरी नियमावली संशोधन : एकै पटक साढे १७ हजार प्रहरीको…

काठमाडौं, १५ मंसिर । प्रहरी नियमावली संशोधन गरेर सिर्जना गरिएका वरिष्ठ सइ, वरिष्ठ हवल्दार र सहायक हवल्दार पदमा एकैपटक १७ हजार पाँच सय १७ प्रहरी बढुवा…

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…