उपत्यकामा आजदेखि मेलम्चीको पानी दुई महिना नआउने

१ असार, काठमाडौं । काठमाडौं उपत्यकाबासीलाई राहत दिइरहेको मेलम्ची खानेपानी आयोजनाको पानी आजदेखि दुई महिना बन्द हुने भएको छ ।

काठमाडौं उपत्यका खानेपानी लिमिटेड केयूकेएलका कार्यकारी निर्देशक मिलन शाक्यका अनुसार पानी आउने सुरुङ परीक्षण गरिने भएकाले पानी वितरण नगरिने भएको हो । उनका अनुसार केयूकेएल अन्तर्गतका दुईलाख ३० हजार उपभोक्ता भने जति पानी उपभोग गर्नबाट बञ्चित हुने जनाइएको छ ।

मेलम्ची खानेपानी आयोजनाका प्रवक्ता राजेन्द्र पन्त पानी वितरण भएकै अवस्थामा सुरुङको मर्मत सम्भार गर्न सकिँदैन । ‘पानी पठाएको केही दिनमै वा केही महिना मै परीक्षण गरिनुपर्ने थियो । तर, पानी पठाएको तीन महिनासम्म पनि सुरुङ परीक्षण गरिएन’, प्रवक्ता पन्तले भने ।

प्रधानमन्त्री केपी शर्मा ओलीले उद्घाटन गर्न हतार गर्दा यस्तो अवस्था आएको हो । चैत १५ गते केयुकेएलले एकसाथ चुच्चेपाटीको महाँकालको पानी ट्यांकीबाट उपत्यकामा पानी वितरण थालेको थियो । फेरि पछि केयूकेएलले गरेको उद्घाटनको आपत्ति जनाउँदै राष्ट्रपतिद्वारा उद्घाटन गरियो । परीक्षणकै समयमा मेलम्चीको पानी उद्घाटन गर्न नहुने गुनासो उतिखेरै आएको थियो ।

अब दुई महिनाजति उपत्यकाबासीले मेलम्चीको पानी उपभोग गर्न पाउने छैनन् । प्रवक्ता पन्तका अनुसार सुरुङ खालि गर्न करिब १५ दिन लाग्छ । ‘त्यसपछि विज्ञहरुको टोलीद्वारा अनुसन्धान थालिनेछ । अनुसन्धानपछि आएका समस्याहरुलाई समाधान गरिनेछ । सुरुङको परीक्षण सकिएपछि सुरुङमा पानी भर्न उत्तिकै समय लाग्छ’, प्रवक्ता पन्तले भने ।

पानी वितरण गर्ने क्रममा उपत्यकाका सडकमा पानी चुहावट भएको थियो । ठूलो परिमाणमा मेलम्चीको पानी सडकमा चुहावट हुँदा सडक विभागले समेत आपत्ति जनाएको थियो । चरणबद्ध रुपमा पानी बढाउँदै दैनिक १७ करोड लिटर पानी उपत्यकाबासीले उपभोग गर्दै आएका थिए । काठमाडौं उपत्यका खानेपानी लिमिटेड केयूकेएलले खानेपानी वितरणको तालिका परिवर्तन गरेको छ । मेलम्ची खानेपानी आयोजनाको सुरुङ मर्मत गर्नुपर्ने भएकाले पानी आउने तालिका परिवर्तन गरिएको केयूकेएलले जनाएको छ ।

उपत्यकामा मेलम्चीको दैनिक १७ करोड लिटर पानी उपलब्ध हुँदै आएको थियो । मेलम्ची खानेपानी आयोजनाका अनुसार सुरुङ सफा र आयोजना मर्मत सम्भार गर्न करिब दुई महिना लाग्नेछ । केयूकेएलले सोमबार सार्वजनिक गरेको तालिका अनुसार ४ दिनदेखि १२ दिन बिराएर पानी वितरण गरिनेछ । महांकाल, मीनभवन, ठिमी स्टेसनबाट वितरण हुने पानी ७ दिन बिराएर वितरण हुनेछ । भक्तपुरबाट वितरण हुने पानी ४ दिन बिराएर वितरण गरिनेछ ।

बालाजुबाट वितरण हुने पानी ९ दिन बिराएर आउनेछ भने ललितपुरबाट वितरण हुने पानी १२ दिन बिराएर वितरण गरिने छ । कार्यकारी निर्देशक शाक्यका अनुसार केयूकेएलले परिवर्तन गरेकोे पानी आउने तालिका मेलम्ची खानेपानी आयोजना मर्मत सम्भार नसकिएसम्म रहने छ ।

प्रतिक्रिया :

भर्खरै प्रकाशित

२० देशमा भेटियो कोरोनाको नयाँ भेरियन्ट ‘ओमिक्रोन’, नेपालमा पनि थालियो…

काठमाडौं, १५ मंसिर । कोरोना भाइरसको नयाँ भेरियन्ट विश्वका विभिन्न २० देशमा देखिएको रिपोर्ट बाहिर आएको छ । दक्षिण अफ्रिकामा सबैभन्दा पहिला रिपोर्ट भएको यो भेरियन्टका…

सर्वोच्चमा आजदेखि गोलाप्रथा

काठमाडौं, १५ मंसिर । सर्वोच्च अदालतमा आज (बुधबार) देखि गोलाप्रथा प्रणाली कार्यान्वयन हुँदैछ । प्रधानन्यायाधीशको विशेषाधिकार अन्त्य गर्दै न्यायाधीशले नै गोला तानेर इजलास र पेसी तोक्ने अभ्यास…

प्रहरी नियमावली संशोधन : एकै पटक साढे १७ हजार प्रहरीको…

काठमाडौं, १५ मंसिर । प्रहरी नियमावली संशोधन गरेर सिर्जना गरिएका वरिष्ठ सइ, वरिष्ठ हवल्दार र सहायक हवल्दार पदमा एकैपटक १७ हजार पाँच सय १७ प्रहरी बढुवा…

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…