करेक्सनपछि सेयर बजार उकालो लाग्दै, नेप्से परिसूचक ३ हजार नाघ्यो

जेठ ३१, काठमाडौँ | करेक्सनपछि सेयर बजार पुुनः पुुरानै लयमा फर्किएको छ । अघिल्लो साताको अन्तिम दुई दिन बजार करेक्सन हुुँदै ओरालोतर्फ लागे तापनि आइतबार सेयरमा चमक थपिँदै नयाँ रेकर्डमा प्रवेश गरेको हो । नेप्से परिसूूचक ३८ दशमलव ३२ अंकले बढेर २ हजार ९ सय ८३ दशमलव ११ बिन्दुुमा पुगेर बन्द भएको छ । यसअघि २ हजार ९ सय ५७ बिन्दुु पुुगेर बन्द भएको थियो । त्यस्तै, ‘क’ वर्गको कम्पनीमापक सेन्सेटिभ इन्डेक्स ११ दशमलव ५४ अंकले बढेर ५ सय ३९ दशमलव ४१ बिन्दुमा पुुगेर बन्द भएको छ ।

कारोबार रकम हालसम्मकै उच्च
कारोबार रकम हालसम्मकै उच्च हुन पुुगेको छ । यसअघि १७ अर्बमाथिको कारोबार भएकोमा सो दिन रेकर्ड ब्रेक गर्दै उच्च रेकर्ड बनेको हो । धितोपत्र र ऋणपत्र गरी कारोबारमा आएका २ सय २० कम्पनीको  ३ करोड ७० लाख कित्ता–इकाइ सेयर किनबेच हुँदा १९ अर्ब ५५ करोड रुपैयाँको कारोबार भएको छ । आइतबार सबैभन्दा धेरै कारोबार हुने कम्पनीमा अरुण भ्याली हाइड्रोपावर रहेको छ । कम्पनीको ७२ करोड २९ लाख रुपैयाँको सेयर खरिद–बिक्री भएको हो । दोस्रोमा लुम्बिनी विकास बैंकको ५८ करोड ८३ लाख रुपैयाँको कारोबार भएको छ । त्यस्तै, नेसनल हाइड्रोपावरको ५४ करोड ४० लाख रुपैयाँको कारोबार भएको छ ।

कारोबारमा आएका १३ समूहमध्ये ७ समूहको सूचक सकारात्मक रहेको छ । विकास बैंक, फाइनान्स कम्पनी र जलविद्युुत् कम्पनीका लगानीकर्ताले उच्च नाफा आर्जन गरेका छन् । विकास बैंक समूहको ८ दशमलव २४ प्रतिशतले बढेको छ । फाइनान्स समूहको ७ दशमलव १४ प्रतिशतले बढेको छ भने जलविद्युुत् कम्पनीको सेयर मूल्य ६ प्रतिशतले बढेको छ । होटेल तथा पर्यटन, लगानीगत समूहको सूचक यस दिन सकारात्मक हुुँदा जीवन बिमा, निर्जीवन बिमा, माइक्रो फाइनान्सका लगानीकर्ता भने निराश बनेका छन् ।

 दुई दर्जनभन्दा बढी कम्पनीका सेयर मूूल्यमा सर्किट 
आइतबार दुुई दर्जनभन्दा बढी कम्पनीको सेयर सकारात्मक सर्किट लेभलको मूल्यमा कारोबार भएको छ । सर्किट मूल्यमा कारोबार हुने कम्पनीमा फाइनान्स, विकास बैंक र जलविद्युुत् कम्पनीहरू रहेका छन् । श्री इन्भेस्टमेन्ट फाइनान्स, समृद्धि फाइनान्स, आइसिएफसी फाइनान्स, रिलायन्स फाइनान्स, प्रोगेसिभ फाइनान्समा १० प्रतिशतको सर्किट सेयर मूल्यमा कारोबार भएको छ । यस दिन फाइनान्सतर्फ सबैभन्दा धेरै बढ््ने कम्पनीमा आएसिएफसीको ६२ रुपैयाँले बढेर प्रतिसेयर ६ सय ८२ रुपैयाँ कायम भएको छ ।

त्यस्तै, कर्णाली डेभलपमेन्ट बैंक, सिन्धुु विकास बैंक, मितेरी डेभलपमेन्ट बैंक, लुुम्बिनी विकास बैंकको १० प्रतिशते सर्किट लेभलमा कारोबार भएको छ भने हाइड्रोतर्फ हिमालयन पावर पार्टनर, पञ्चकन्या माई हाइड्रोपावर, घलेम्दी हाइड्रो, जोशी हाइड्रोपावर, शिवश्री हाइड्रोपावरलगायतका कम्पनीका लगानीकर्ताले उच्च नाफा आर्जन गरेका छन् । नेपाल इस्योरेन्स, साधना लघुुवित्त वित्तीय संस्था, सुमित लघुवित्तका लगानीकर्ता भने निराश बनेका छन् ।

प्रतिक्रिया :

भर्खरै प्रकाशित

चाडबाडले आउजाउ बढ्यो, गाउँमा संक्रमण फैलिने जोखिम

काठमाडौं, २७ असोज । चाडपर्वसँगै कोरोना भाइरस सङ्क्रमणको जोखिम पनि गाउँघरमा हुने भएको छ । चाडपर्व मनाउनमा गाउँघर र बजारमा मानिसको बढ्दो भीडसँगै कोरोना सङ्क्रमणको जोखिम…

कोरोना भाइरसको उत्पत्तिबारे अनुसन्धान गर्न डब्लूएचओद्वारा कार्यदल गठन

काठमाडौं, २८ असोज । विश्व स्वास्थ्य संगठन(डब्लूएचओ)ले कोभिड–१९ को उत्पत्ति पत्ता लगाउन कार्यदल गठन गरेको छ । साइन्टिफिक एड्भाइजरी ग्रुप अफ द ओरिजिन्स अफ नोभल पाथोजेन्स…

फाइनल नेपालका लागि मेरो अन्तिम खेल हुनेछ : अल्मुताइरी

काठमाडौं, २८ असोज । नेपाली फुटबल टोलीका मुख्य प्रशिक्षक अब्दुल्लाह अल्मुताइरीले साफ च्याम्पियनसीपको फाइनलपछि नेपाल नफर्किने बताएका छन् । आफूले यस अघि नै राजीनामा दिइसकेको बताउँदै…

उत्तर कोरियाका बालबालिका र ज्येष्ठ नागरिकहरू ‘भोकमरीको जोखिममा’

काठमाडौं, २८ असोज । संयुक्त राष्ट्रसंघका एक विज्ञले उत्तर कोरियाका कमजोर बालबालिका र ज्येष्ठ नागरिकहरू भोकमरीको जोखिममा रहेका बताएका छन् । उत्तर कोरियाको लागि मानव अधिकार…

नक्कली नोटको कारोबार : दुई जना पक्राउ परेपछि थप पाँच…

धनकुट्टा, २८ असोज । जिल्ला प्रहरी कार्यालय धनकुटाले नक्कली नोटको कारोबारमा संलग्न सात जनाको समूहलाई पक्राउ गरेको छ । असोज ११ गते धनकुटाकै मूलघाटबाट २८ हजार…