सुदूरपश्चिमका १७ सांसदलाई ओली पक्षले सोध्यो २४ घण्टे स्पष्टीकरण

२७ जेठ, धनगढी । सुदूरपश्चिम प्रदेश सभामा नेकपा एमालेका १७ सांसदलाई अध्यक्ष एवं प्रधानमन्त्री केपी शर्मा ओली पक्षले २४ घण्टे स्पष्टीकरण सोधेको छ ।

एमाले प्रदेश कमिटीका अध्यक्ष कर्णबहादुर थापा र सचिव राजेन्द्रसिंह रावलले प्रदेश सभामा संसदीय दलका नेता प्रकाशबहादुर सिंहसहित १७ सांसदलाई स्पष्टीकरण सोधेका हुन् । उनीहरूलाई २४ घण्टाभित्र स्पष्टीकरण बुझाउन पत्र पठाएको सचिव रावलले जानकारी दिएका छन् ।
हिजो (बुधबार) सुदूरपश्चिम प्रदेश सभामा मुख्यमन्त्री त्रिलोचन भट्टले विश्वासको मत लिएका थिए । माधवकुमार नेपाल पक्षका १७ सांसदले मुख्यमन्त्री भट्टलाई विश्वासको मत दिएका थिए । ओली पक्षले भने विपक्षमा मतदान गरेको थियो ।

एमाले स्थायी समिति र प्रदेश कमिटीले नेकपा (माओवादी केन्द्र) को नेतृतवमा रहेको सुदूरपश्चिम सरकारलाई दिएको समर्थन फिर्ता लिन निर्देशन दिएको थियो। त्यस्तै, प्रदेश कमिटीले मुख्यमन्त्री भट्टलाई विश्वासको मत नदिन निर्देशन दिएको थियो ।

तर, नेपाल पक्षको बहुमत रहेको प्रदेश संसदीय दलले मुख्मयन्त्री भट्टलाई विश्वासको मत दिने निर्णय गरेको थियो । त्यहि अनुसार नेपाल पक्षका १७ सांसदले विश्वासको मतको पक्षमा मतदान गरेका थिए ।

पार्टी नीति र निर्देशन विपरीत मुख्यमन्त्री भट्टलाई सघाएकाले स्पष्टीकरण सोधिएको एमाले प्रदेश कमिटी सचिव रावलले बताएका छन । उनीहरूले समयमै चित्तबुझ्दो स्पष्टीकरण नबुझाएमा पार्टीको साधारण सदस्य समेत नरहने गरी कारबाही गरिने उनको भनाइ छ ।

प्रतिक्रिया :

भर्खरै प्रकाशित

टी–२० विश्वकपको सातौँ संस्करण आजदेखि सुरु हुदै

काठमाडौँ, अशोज ३१ । सातौँ आईसीसी टी–२० विश्वकप आज देखि सुरु हुँदैछ । क्वालिफायर राउन्ड अन्तरगत आज दुई खेल हुनेछन् । समूह बी अन्तरगत ओमान…

चाडबाडले आउजाउ बढ्यो, गाउँमा संक्रमण फैलिने जोखिम

काठमाडौं, २७ असोज । चाडपर्वसँगै कोरोना भाइरस सङ्क्रमणको जोखिम पनि गाउँघरमा हुने भएको छ । चाडपर्व मनाउनमा गाउँघर र बजारमा मानिसको बढ्दो भीडसँगै कोरोना सङ्क्रमणको जोखिम…

कोरोना भाइरसको उत्पत्तिबारे अनुसन्धान गर्न डब्लूएचओद्वारा कार्यदल गठन

काठमाडौं, २८ असोज । विश्व स्वास्थ्य संगठन(डब्लूएचओ)ले कोभिड–१९ को उत्पत्ति पत्ता लगाउन कार्यदल गठन गरेको छ । साइन्टिफिक एड्भाइजरी ग्रुप अफ द ओरिजिन्स अफ नोभल पाथोजेन्स…

फाइनल नेपालका लागि मेरो अन्तिम खेल हुनेछ : अल्मुताइरी

काठमाडौं, २८ असोज । नेपाली फुटबल टोलीका मुख्य प्रशिक्षक अब्दुल्लाह अल्मुताइरीले साफ च्याम्पियनसीपको फाइनलपछि नेपाल नफर्किने बताएका छन् । आफूले यस अघि नै राजीनामा दिइसकेको बताउँदै…

उत्तर कोरियाका बालबालिका र ज्येष्ठ नागरिकहरू ‘भोकमरीको जोखिममा’

काठमाडौं, २८ असोज । संयुक्त राष्ट्रसंघका एक विज्ञले उत्तर कोरियाका कमजोर बालबालिका र ज्येष्ठ नागरिकहरू भोकमरीको जोखिममा रहेका बताएका छन् । उत्तर कोरियाको लागि मानव अधिकार…