एसईई परीक्षा नहुने, आन्तरिक मूल्यांकनबाटै नतिजा सार्वजनिक गरिने

काठमाडौँ , जेठ १८ |  कोरोना संक्रमणका कारण यसपटकको माध्यमिक शिक्षा परीक्षा (एसईई) आन्तरिक मूल्याङ्कन विधिअनुसार हुने भएको छ ।गत वर्ष पनि कोरोना संक्रमणका कारण एसईई परीक्षा हुन नसकेपछि आन्तरिक मूल्याङ्कनका आधारमा परीक्षाको नतिजा सार्वजनिक गरिएको थियो ।

शिक्षा, विज्ञान तथा प्रविधि मन्त्रालयको सोमबार बसेको बैठकले आन्तरिक मूल्याङ्कनको विधिअनुसार गराउने प्रस्ताव मन्त्रिपरिषद्मा लैजाने निर्णय गरेको मन्त्रालयले जानकारी दिएको छ । सोमबार बस्ने मन्त्रिपरिषद्को बैठकले उक्त निर्णय गर्न नसकेको तथा अर्को बैठकले निर्णय गर्ने बताइएको छ ।मन्त्रालयले हरेक विद्यालयले पहिलो त्रैमासिक, दोस्रो त्रैमासिक र तेस्रो त्रैमासिकमा लिएको परीक्षालाई आधार मानेर मूल्याङ्कन गर्न निर्देशन दिने भएको छ । गत वर्ष पनि सोही मूल्याङ्कनलाई आधार मानेर परीक्षा सार्वजनिक गरिएको थियो ।

राष्ट्रिय परीक्षा बोर्डले एसईई परीक्षा वैकल्पिक विधिबाट सञ्चालन गर्न शिक्षा मन्त्रालयसँग अनुमति मागेको थियो ।गत वर्ष विद्यालयको प्रधानाध्यापक, कक्षाशिक्षक र अनुभवी शिक्षक गरी तीन सदस्यीय मूल्याङ्कन समिति गठन गरी पहिलो त्रैमासिक अवधिको मूल्याङ्कन १० प्रतिशत, दोस्रो त्रैमासिकको ३० प्रतिशत र शैक्षिक सत्रको अन्त्यसम्ममा निर्धारित सबै विषयवस्तु मूल्याङ्कन भएको थियो ।

कतिपय स्कुलले अहिले प्रि–एसईई भनेर परीक्षा सञ्चालन गरिरहेको भए पनि त्यसलाई भने आधार मान्न नपाइने राष्ट्रिय परीक्षा बोर्डले जनाएको छ । यसपटक पनि आन्तरिक मूल्याङ्कन गर्दा गत वर्षको जस्तै बेथिति दोहोरिनेमा शिक्षाविद्हरूले चिन्ता व्यक्त गरेका छन् ।

प्रतिक्रिया :

भर्खरै प्रकाशित

२० देशमा भेटियो कोरोनाको नयाँ भेरियन्ट ‘ओमिक्रोन’, नेपालमा पनि थालियो…

काठमाडौं, १५ मंसिर । कोरोना भाइरसको नयाँ भेरियन्ट विश्वका विभिन्न २० देशमा देखिएको रिपोर्ट बाहिर आएको छ । दक्षिण अफ्रिकामा सबैभन्दा पहिला रिपोर्ट भएको यो भेरियन्टका…

सर्वोच्चमा आजदेखि गोलाप्रथा

काठमाडौं, १५ मंसिर । सर्वोच्च अदालतमा आज (बुधबार) देखि गोलाप्रथा प्रणाली कार्यान्वयन हुँदैछ । प्रधानन्यायाधीशको विशेषाधिकार अन्त्य गर्दै न्यायाधीशले नै गोला तानेर इजलास र पेसी तोक्ने अभ्यास…

प्रहरी नियमावली संशोधन : एकै पटक साढे १७ हजार प्रहरीको…

काठमाडौं, १५ मंसिर । प्रहरी नियमावली संशोधन गरेर सिर्जना गरिएका वरिष्ठ सइ, वरिष्ठ हवल्दार र सहायक हवल्दार पदमा एकैपटक १७ हजार पाँच सय १७ प्रहरी बढुवा…

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…