देउवाको नेतृत्वमा नयाँ सरकार बनाउने सहयोगी डा. भट्टराईले असहमति जनाउने संकेत

काठमाडौं, वैशाख २९ ।नेपाली कांग्रेसका सभापति शेरबहादुर देउवाको नेतृत्वमा नयाँ सरकार बनाउने कसरत भइरहेका बेला सहयोगी मानिएको जनता समाजवादी पार्टीकै संघीय परिषद् अध्यक्ष डा. बाबुराम भट्टराईले यसमा असहमति जनाउने संकेत गरेका छन्।

जसपामा अध्यक्ष महन्थ ठाकुर पक्ष नयाँ सरकार बनाउने पक्षमा नरहे पनि डा. भट्टराई र अर्का अध्यक्ष उपेन्द्र यादव पक्ष ओलीको विकल्प खोज्नुपर्ने विषयमा जोडदार रूपमा लागिपरेको छ।

तर यहीबीच बुधबार बिहान सामाजिक सञ्जालमार्फत डा. भट्टराईले देउवाको नेतृत्वमा सरकार बनाउन नमान्ने संकेत गरेका हुन्।

aawash steels

पूर्वप्रधानमन्त्री डा. भट्टराईले वर्तमान र पूर्वप्रधानमन्त्री बाहेककाको नेतृत्वमा राष्ट्रिय सरकार बनाउन प्रस्ताव गरेका हुन्।

उनले देशको संकट समाधानका लागि ४ उपाय प्रस्तुत गर्दै संविधानको धारा ७६ (२) बमोजिम सबै दलको सहभागिता र वर्तमान/पूर्वप्रम बाहेककाको नेतृत्वमा राष्ट्रिय सरकार बनाई एक वर्षभित्र चुनाव गर्नुपर्ने धारणा अघि सारेका छन्।

डा. भट्टराईले लेखेका छन्, ‘देशको संकट हल गर्न यसो गरौं : १. धारा ७६ (२) बमोजिम सबै दलको सहभागिता र वर्तमान/पूर्वप्रम बाहेककाको नेतृत्वमा राष्ट्रिय सरकार बनाऔं २. दलका प्रमुख/पूर्वप्रम रहेको निर्देशक समिति, ३. साझा न्यूनतम कार्यक्रम/कोभिड नियन्त्रण, टीआरसी/मुद्दा, संविधान संशोधन, आर्थिक राहत इ. लागू ४. एक वर्षभित्र चुनाव।’

गत सोमबार संसदमा प्रधानमन्त्री केपी शर्मा ओलीले विश्वासको मत हासिल गर्न नसकेपछि राष्ट्रपति विद्यादेवी भण्डारीले संविधानको धारा ७६ (२) अनुसार दुई वा दुईभन्दा बढी दलको समर्थनमा बहुमत पुर्‍याई नयाँ सरकार गठनका लागि दिएको ३ दिनको समय भोलि वैशाख ३० गते सकिँदैछ।

नेपाली कांग्रेस, माओवादी केन्द्र र जसपा मिलेर नयाँ सरकार गठन गर्ने भनिए पनि जसपाकै महन्थ ठाकुर पक्षले साथ नदिने भएपछि कसरी बहुमत पुर्याउने भन्ने विषयमा तीव्र छलफल चलिरहेका बेला साथ दिने भनिएकै पक्षका नेता डा. भट्टराईको फरक अभिव्यक्ति आएको हो।

प्रतिक्रिया :

भर्खरै प्रकाशित

जातका आधारमा कोठा नदिएर पक्राउ घरबेटीको आज रिहा

असार ९, काठमाडौँ। जातका कारणले कोठा नदिएको आरोपमा पक्राउ परेकी घरबेटी बुधबार रिहा भएकी छन् । टेलिभिजन कार्यक्रम प्रस्तोता रूपा सुनारलाई जातका कारण आफ्नो घरको…

युट्युबमा भाइरल सन्तोषी सुब्बाको हत्या

काठमाडौं, ९ असार । काठमाडौंको दक्षिणकाली मन्दिरस्थित पार्किङसँगैको शौचालयमा हत्या गरेर फालिएकी महिलाको शवको पहिचान भएको छ । विभिन्न पशुपंक्षीको आवाज निकालेर युट्युबमा भाइरल बनेकी महिला…

संवैधानिक इजलासमा संसद विघटनको मुद्दाको सुनुवाइ शुरु

९ असार, काठमाडौं । संवैधानिक इजलासमा संसद विघटनविरुद्धका मुद्दाको सुनुवाइ शुरु भएको छ । मुद्दामा आजबाट निरन्तर सुनुवाइ हुने सर्वोच्च अदालत प्रशासनले जनाएको छ । प्रधानन्यायाधीश…

नेपाल टेलिकमको मोबाइल नेटवर्कमा बिहानैदेखि समस्या

नेपाल टेलिकमको मोबाइल नेटवर्कमा आज बिहानैदेखि समस्या आएको छ। बुधबार बिहानैदेखि फोन नलाग्नेजस्ता गुनासा आएका छन्। सम्पर्क नहुने समस्या आएपछि देशभरका सेवाग्राही मर्कामा परेका छन्…

संसद विघटन बदर र देउवालाई प्रधानमन्त्री बनाउनु पर्ने मुद्दामा आजबाट…

९ असार, काठमाडौं । संसद विघटनविरुद्धका रिटमाथि सर्वोच्च अदालतको संवैधानिक इजलासमा आज (बुधबार) बाट नियमित सुनुवाई हुँदैछ । प्रतिनिधिसभा विघटन बदर गरी नेपाली कांग्रेसका सभापति…