प्रधानमन्त्री ओलीले विश्वासको मत लिने घोषणा

काठमाडौं, वैशाख २० ।आफूविरुद्ध अविश्वास प्रस्ताव पेस गर्ने तयारी भइरहेको चर्चाबीच  त्यसअघि नै प्रधानमन्त्री ओलीले विश्वासको मत लिने घोषणा गरेका छन्।

त्यसका लागि उनले मन्त्रिपरिषदमार्फत सिफारिस गरी राष्ट्रपति विद्यादेवी भण्डारीबाट यही वैशाख २७ गते दिउँसो १ बजेका लागि प्रतिनिधि सभाको अधिवेशनसमेत आह्वान गराइसकेका छन्।

यस्तो छ संसदीय अंकगणित
२७५ सदस्यीय प्रतिनिधि सभा भए पनि अहिले २७१ सांसद मात्र छन्। तीमध्ये सबैभन्दा ठूलो दल प्रधानमन्त्रीकै पार्टी एमालेका १२१ जना छन्।

aawash steels

यस्तै नेपाली कांग्रेसका ६३ सांसदमध्ये दुई जना निलम्बनमा परेकाले अहिले ६१, माओवादी केन्द्रका ४९ र जनता समाजवादी पार्टीका ३४ सांसदमध्ये २ जना निलम्बनमा परेकाले ३२ जना छन्। राप्रपा, राष्ट्रिय जनमोर्चा, नेपाल मजदुर किसान पार्टीका एक–एक जना सांसद छन् भने स्वतन्त्रबाट एक सांसद छन्।

यस हिसाबले अहिले प्रतिनिधि सभामा जम्मा सांसदको संख्या २७१ भएको हो। तसर्थ प्रधानमन्त्री ओलीले विश्वासको मत लिँदा उनका पक्षमा बहुमत पुग्न १३६ सांसदको साथ आवश्यक हुन्छ।

ओली पक्षका एक सांसदका अनुसार एमालेसँगै १२१ सांसद रहेकाले जसपाका सांसदले मत दिए पुग्ने विश्वास गरिएको छ।

जसपामा डा. बाबुराम भट्टराई र उपेन्द्र यादवको खेमा ओलीविरुद्ध भए पनि अध्यक्ष महन्थ ठाकुर र नेता राजेन्द्र महतोहरू ओलीका पक्षमा छन्। तसर्थ जसपाका सबै सांसदबाट प्रधानमन्त्रीलाई विश्वासको मत प्राप्त नभए पनि एउटा पक्षले साथ दिनेमा प्रधानमन्त्री ओली ढुक्क छन्।

तर एमालेका १२१ सांसदमध्ये माधव नेपाल पक्षका सांसदले कर्णालीमा जस्तै फ्लोर क्रस गरे भने प्रधानमन्त्रीको ओलीलाई बहुमत नपुग्ने निश्चित छ। उसो त प्रधानमन्त्री ओलीले नेपालसहित उनी पक्षका २७ सांसदलाई स्पष्टीकरण सोधेर राखेका छन्।

कतिपयको अनुमान छ– विश्वासको मत लिनुअघि नै प्रधानमन्त्री ओलीले उनीहरूलाई सांसदबाट निकाल्न सक्छन्।

तर त्यसो गर्दा उनलाई झन् संसदमा बहुमत पुर्याउन कठिन हुन्छ। तर त्यसो गर्दा उनलाई झन् संसदमा बहुमत पुर्याउन कठिन हुन्छ।

यति हुँदाहुँदै पनि ओलीले विपक्षमा पनि बहुमत पुग्न नदिएर अल्पमतको सरकार बनाई चुनाव घोषणा गर्न सक्छन्।

प्रतिक्रिया :

भर्खरै प्रकाशित

१,०६६ मा कोरोना संक्रमण, १,२३४ जना निको, १६ को मृत्यु

काठमाडौं, २ असोज । नेपालमा पछिल्लो २४ घण्टामा थप १,०६६ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ८,५४० पीसीआर परीक्षणमा…

काठमाडौंमा १५४ केन्द्रबाट सोमबारदेखि भेरोसेलको दोस्रो मात्रा खोप

काठमाडौं, २ असोज । स्वास्थ्य तथा जनसंख्या मन्त्रालयले यही असोज ४ गते (सोमबार) देखि कोरोना भाइरसविरुद्धको खोप भेरोसेलको दोस्रो मात्रा लगाउने भएको छ । जिल्ला स्वास्थ्य…

संविधान दिवसको अवसरमा आठलाई माफी, ५३१ जनाको कैद कट्टा

काठमाडौं, २ असोज । राष्ट्रपति विद्यादेवी भण्डारीले संविधान दिवसको अवसरमा ५३१ कैदीहरूलाई माफी मिनाहा दिएकी छन् । राष्ट्रपतिको कार्यालयका अनुसार राष्ट्रपति भण्डारीले ५२३ जना कैदीहरुको भुक्तान…

मलेशियाबाट एकै ६ शव र १५ अस्तु नेपाल आइपुग्यो

काठमाडौं, २ असोज । मलेशियाबाट एकै दिन ६ शव नेपाल ल्याइएको छ । वैदेशिक रोजगारीका लागि मलेशिया पुगि विभिन्न कारण मृत्यु भएका ६ नेपालीको शव (शनिबार)…

अनेरास्ववियु अध्यक्षमा सुनिता बराल

काठमाडौं, २ असोज । प्रमुख प्रतिपक्षी नेकपा एमालेको विद्यार्थी संगठन अनेरास्ववियुको अध्यक्षमा सुनिता बराल चयन भएकी छिन् । एमाले अध्यक्ष केपी शर्मा ओलीको समेत उपस्थितिमा काठमाडौंमा…