माओवादी केन्द्रको स्थायी बैठक आज पनि जारी रहने

काठमाडौं, वैशाख ८ ।मंगलबार सुरु नेकपा माओवादी केन्द्रको स्थायी कमिटी बैठक आज (बुधबार) पनि जारी रहने भएको छ।

बैठक पार्टीको केन्द्रीय कार्यालय (पेरिसडाँडा) मा हिजैको समय दिउँसो १ बजे बस्ने माओवादी केन्द्रका स्थायी कमिटी सदस्य लीलामणि पोखरेलले जानकारी दिए।

माओवादी केन्द्रले सरकारलाई दिएको समर्थन फिर्ता लिने निश्चित भए पनि निर्णय भने अझै गरेको छैन। आजको बैठकमा पनि त्यो निर्णय हुन्छ भनेर अहिले भन्न नसकिने स्थायी कमिटी सदस्य पोखरेलले बैठक बस्नुअघि बुधबार बिहान  बताए।

aawash steels

‘सरकारलाई हाम्रो समर्थन नै कहाँ छ र ,’ उनले भने, ‘लिखित औपचारिकता पूरा गर्न मात्र बाँकी हो, त्यो कुरा आज बैठकमा बसेर छलफल गरेपछि थाहा हुन्छ।’

हिजो मंगलबार पहिलो दिनको बैठकपछि माओवादी केन्द्रका प्रवक्ता नारायणकाजी श्रेष्ठले पनि सरकारलाई दिएको समर्थन फिर्ता लिनेमा कुनै द्विविधा नरहेको खालि औपचारिक रूपमा लेखेर दिन बाँकी रहेको बताएका थिए। त्यो औपचारिकता सम्बन्धमा पनि चाँडै निर्णय हुने उनले बताएका थिए।

यस पटकको स्थायी कमिटी बैठकबाट माओवादी केन्द्रले सरकारलाई दिएको समर्थन फिर्ताको निर्णय गर्छ भन्ने व्यापक अपेक्षा गरिएको छ।

तर तुरुन्तै समर्थन फिर्ताको निर्णय गर्दा प्रधानमन्त्री केपी शर्मा ओलीले फेरि प्रतिनिधि सभा विघटन गरेर मध्यावधि चुनावतर्फ देशलाई धकेल्ने आशंका माओवादी केन्द्रलाई छ। यसैकारण प्रधानमन्त्रीविरुद्ध अविश्वासको प्रस्ताव दर्ता र समर्थन फिर्ता सँगसँगै गरिनुपर्ने विश्लेषण माओवादी केन्द्रको स्थायी कमिटीमा भइरहेको एक नेताले बताएका छन्।

यसबाहेक बैठकमा पार्टीको विधान, संसदीय दलको विधानबारे छलफल भइरहेको छ। यस्तै प्रदेश इन्चार्जहरूको रिपोर्टिङ तथा नयाँ सत्ता समीकरणबारे पनि छलफल भइरहेको नेताहरूले बताएका छन्।

प्रतिक्रिया :

भर्खरै प्रकाशित

१,०६६ मा कोरोना संक्रमण, १,२३४ जना निको, १६ को मृत्यु

काठमाडौं, २ असोज । नेपालमा पछिल्लो २४ घण्टामा थप १,०६६ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ८,५४० पीसीआर परीक्षणमा…

काठमाडौंमा १५४ केन्द्रबाट सोमबारदेखि भेरोसेलको दोस्रो मात्रा खोप

काठमाडौं, २ असोज । स्वास्थ्य तथा जनसंख्या मन्त्रालयले यही असोज ४ गते (सोमबार) देखि कोरोना भाइरसविरुद्धको खोप भेरोसेलको दोस्रो मात्रा लगाउने भएको छ । जिल्ला स्वास्थ्य…

संविधान दिवसको अवसरमा आठलाई माफी, ५३१ जनाको कैद कट्टा

काठमाडौं, २ असोज । राष्ट्रपति विद्यादेवी भण्डारीले संविधान दिवसको अवसरमा ५३१ कैदीहरूलाई माफी मिनाहा दिएकी छन् । राष्ट्रपतिको कार्यालयका अनुसार राष्ट्रपति भण्डारीले ५२३ जना कैदीहरुको भुक्तान…

मलेशियाबाट एकै ६ शव र १५ अस्तु नेपाल आइपुग्यो

काठमाडौं, २ असोज । मलेशियाबाट एकै दिन ६ शव नेपाल ल्याइएको छ । वैदेशिक रोजगारीका लागि मलेशिया पुगि विभिन्न कारण मृत्यु भएका ६ नेपालीको शव (शनिबार)…

अनेरास्ववियु अध्यक्षमा सुनिता बराल

काठमाडौं, २ असोज । प्रमुख प्रतिपक्षी नेकपा एमालेको विद्यार्थी संगठन अनेरास्ववियुको अध्यक्षमा सुनिता बराल चयन भएकी छिन् । एमाले अध्यक्ष केपी शर्मा ओलीको समेत उपस्थितिमा काठमाडौंमा…