अमेरिका र चीनबीच जलवायु परिवर्तन समस्याको विषयमा एक भएर काम गर्ने सहमति

काठमाडौं, वैशाख ५ ।विभिन्न विषयको विवादमा होमिएका अमेरिका र चीनबीच जलवायु परिवर्तन समस्याको विषयमा भने एक भएर काम गर्ने सहमति भएको छ।

गतहप्ता कयौंपटक चिनियाँ जलवायु दूत सी जेनहुवा र उनका समकक्षी जोन केरीबीच सांघाइमा छलफल भएको थियो।

सो क्रममा जलवायु परिवर्तनको समस्यालाई रोक्न अमेरिका र चीन सहमत भएको आइतबार संयुक्त वक्तव्य जारी गर्दै जानकारी दिइएको हो।

aawash steels

वक्तव्यका अनुसार जेनहुवा र केरीबीच उत्सर्जन घटाउने थप विशेष कार्यहरूमा पनि सहमति भएको छ।

बीबीसीका अनुसार यसैहप्ता अमेरिकी राष्ट्रपति जो बाइडेनले भिडिओ कन्फ्रेन्समार्फत् जलवायु सम्मेलन आयोजना गर्दैछन्। विश्वका कयौं देशसँगै चीनपनि यसमा सहभागी हुनेछ।

यद्यपी चिनियाँ राष्ट्रपति सी चिनफिङ नै सम्मेलनमा उपस्थित हुने या नहुने भनेर केही जानकारी दिइएको छैन।

‘संयुक्त राज्य अमेरिका र चीन एकअर्कासँग साथै अन्य देशहरूसँग मिलेर जलवायु संकटलाई सम्बोधन गर्न प्रतिबद्ध छ, यो सम्स्यालाई गम्भीरता र जरुरीताका साथ सम्बोधन गर्नुपर्दछ’ विज्ञप्तीमा भनिएको छ।

जलवायु संकटसँगै सम्बन्धित सन् २०१६ को पेरिस सम्झौता बमोजिम अमेरिका र चीनबीच विश्व तापमान तथा उत्सर्जन घटाउने विषयमा लगातार छलफल जारी राखिने पनि सम्झौता भएको छ।

यसअघि अमेरिकाका पूर्व राष्ट्रपति डोनाल्ड ट्रम्पले अमेरिकालाई पेरिस सम्झौताबाट अलग्याएका थिए। बाइडेन राष्ट्रपति बनेसँगै उनले ट्रम्पका हरेक नीति उल्ट्याएका छन्।

पेरिस सम्झौतामा फेरि आवद्ध हुनेमा पनि बाइडेन सकरात्मक छन्। अमेरिका र चीनबीच जलवायु परिवर्नत समस्यालाई सुल्झाउने विषयमा एक हुने सहमति भएपछि यसलाई विज्ञहरुले सकारात्मक सन्देशको रुपमा लिएका छन्।

बाइडेन अमेरिकी राष्ट्रपति बनेपछि पहिलोपटक अमेरिका र चीनबीच लाभदायी छलफल र सम्झौता भएको हो।

यद्यपी अमेरिका र चीनबीच प्रविधि, व्यापार, मानवअधिकार, दक्षिण चीन सागर लगायतका विभिन्न मुद्दामा गहिरो मतभेद रहँदै आएको छ।

प्रतिक्रिया :

भर्खरै प्रकाशित

एक करोड ५७ लाख डोज खोप भित्रियो, ५५ लाख ९०…

काठमाडौं, ५ असोज । कोभिड–१९ विरुद्धको खोप लगाउन शुरु भएको आठ महिनामा ५५ लाख ९० हजार बढी (नेपालको कूल जनसंख्याको १८.६) प्रतिशत व्यक्तिले पूर्ण खोप लगाएका…

रासायनिक मललाई पाँच अर्ब अपुग

काठमाडौं, ६ असोज । रासायनिक मल किन्न अझै करिब पाँच अर्ब रूपैयाँ अपुग हुने भएको छ । कृषि तथा पशुपंक्षी मन्त्रालयले २० अर्ब रूपैयाँ बजेट छुट्ट्याउन…

घोप्टेभिरमा पहिरो : नारायणगढ–मुग्लिन सडक बन्द, खुलाउने प्रयास हुँदै

चितवन, ६ असोज । नारायणगढ–मुग्लिन सडकअन्तर्गत चितवनको इच्छाकामना गाउँपालिका–४ घोप्टेभिरमा मंगलबार मध्यराति पहिरो खस्दा यातायात अवरुद्ध भएको छ । पहिरोले बाटो दुईतर्फी नै बन्द भएको चितवन…

बजेट खर्चको मोडालिटी बदल्दै सरकार

काठमाडौं, ६ असोज । खर्च प्रणालीमा समस्या देखिएपछि सरकारले बजेट खर्चको मोडालिटी नै बदल्ने भएको छ । समयमै बजेट खर्च गर्न भन्दै नयाँ संविधानपछि बजेट घोषणाको…

कुलमानको नियुक्तिलाई निरन्तरता

काठमाडौं, ६ असोज । सर्वोच्च अदालतले नेपाल विद्युत् प्राधिकरणका कार्यकारी निर्देशक कुलमान घिसिङविरुद्ध परेको रिट निवेदनमा अन्तरिम आदेश दिन अस्वीकार गरेको छ । प्रधानन्यायाधीश चोलेन्द्रशमशेर जबराको…