पाँच जना कर्मचारीको मृत्यु भएपछि जिल्ला प्रशासन कार्यालय गुल्मी पाँच दिनका लागि बन्द

काठमाडौं, वैशाख ३ । पाँच जना कर्मचारीको मृत्यु भएपछि जिल्ला प्रशासन कार्यालय गुल्मी पाँच दिनका लागि बन्द भएको छ।

बुधबार प्युठानमा जीप दुर्घटना हुँदा कार्यालयका पाँच जना कर्मचारीको मृत्यु भएको थियो। कर्मचारीको मृत्युको शोकमा बिहिबार कार्यालयका सबै सेवा बन्द गरिएको थियो। आजदेखि वैशाख ६ गते सम्म कार्यालयका मुद्धा र शान्ति सुरक्षाबाहेकका सबै सेवा बन्द गर्ने निर्णय गरिएको कार्यालयका प्रशासकीय अधिकृत एवम् सूचना अधिकारी उद्धव पन्थीले जानकारी दिए।

नयाँ वर्षको अवसरमा वैशाख १ गते प्युठानको स्वर्गद्वारी भ्रमणमा जाँदै गर्दा जिल्ला प्रशासन कार्यालय गुल्मीका कर्मचारीसहित १७ जना सबार लु १ ज १६६५ नम्बरको जीप दर्घटनामा परेको थियो। सो दुर्घटनामा परी कार्यालयका प्रशासकीय अधिकृत श्याम न्यौपाने, कम्युटर अपरेटर सुर्य पन्थी, खरिदार इश्वरी भण्डारी, यमलाल पन्थी र सवारी चालक केशव कार्कीको मृत्यु भएको थियो।

aawash steels

दुर्घटनामा सन्दिप परियार, सार्थक ज्ञवाली, कमला पन्थी, गीता मुखिया, अनिस मुखिया, मुना पाण्डे र सुनिता कडेँल घाइते भएका छन्। उनीहरुलाई उपचारको लागि काठमाडौं लगिएको छ।

दुर्घटनामा ज्यान गुमाउने कर्मचारीको शव बिहीबार दिउँसो जिल्ला प्रशासन कार्यालयमा अन्तिम श्रद्धाञ्जलीपछि आफन्तको जिम्मा लगाइएको छ। दुर्घटनामा एउटै कार्यालयका पाँच जना कर्मचारीको मृत्यु भएपछि कार्यालयको काममा समेत समस्या सिर्जना भएको सूचना अधिकारी पन्थीले बताए।

प्रतिक्रिया :

भर्खरै प्रकाशित

१,०६६ मा कोरोना संक्रमण, १,२३४ जना निको, १६ को मृत्यु

काठमाडौं, २ असोज । नेपालमा पछिल्लो २४ घण्टामा थप १,०६६ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ८,५४० पीसीआर परीक्षणमा…

काठमाडौंमा १५४ केन्द्रबाट सोमबारदेखि भेरोसेलको दोस्रो मात्रा खोप

काठमाडौं, २ असोज । स्वास्थ्य तथा जनसंख्या मन्त्रालयले यही असोज ४ गते (सोमबार) देखि कोरोना भाइरसविरुद्धको खोप भेरोसेलको दोस्रो मात्रा लगाउने भएको छ । जिल्ला स्वास्थ्य…

संविधान दिवसको अवसरमा आठलाई माफी, ५३१ जनाको कैद कट्टा

काठमाडौं, २ असोज । राष्ट्रपति विद्यादेवी भण्डारीले संविधान दिवसको अवसरमा ५३१ कैदीहरूलाई माफी मिनाहा दिएकी छन् । राष्ट्रपतिको कार्यालयका अनुसार राष्ट्रपति भण्डारीले ५२३ जना कैदीहरुको भुक्तान…

मलेशियाबाट एकै ६ शव र १५ अस्तु नेपाल आइपुग्यो

काठमाडौं, २ असोज । मलेशियाबाट एकै दिन ६ शव नेपाल ल्याइएको छ । वैदेशिक रोजगारीका लागि मलेशिया पुगि विभिन्न कारण मृत्यु भएका ६ नेपालीको शव (शनिबार)…

अनेरास्ववियु अध्यक्षमा सुनिता बराल

काठमाडौं, २ असोज । प्रमुख प्रतिपक्षी नेकपा एमालेको विद्यार्थी संगठन अनेरास्ववियुको अध्यक्षमा सुनिता बराल चयन भएकी छिन् । एमाले अध्यक्ष केपी शर्मा ओलीको समेत उपस्थितिमा काठमाडौंमा…