लक्षण नदेखिएका व्यक्तिमा पनि कोरोना संक्रमण पुष्टी

काठमाडौं, चैत्र २१ ।अहिले भारतमा फैलिएको कोरोना संक्रमण अधिकांश लक्षणविहीन पाइएको छ।

एउटा अध्ययनअनुसार गत फेब्रुअरी १० देखि मार्च २० सम्म मुम्बईमा देखिएका ८५ हजार संक्रमितमध्ये ६९ हजार ५ सय जना लक्षणविहीन  अर्थात् एसिम्प्टोमाटिक भएको तथा अस्पतालमा गएकामध्ये ८ हजार व्यक्तिमा हल्का लक्षण मात्र देखिएका थिए।

भारतमा देखिएको कोरोना दोस्रो लहरको मृत्युदर ०.६ प्रतिशत मात्र छ।

हाल नेपालमा पनि अन्य रिपोर्टका लागि तथा सर्जरी वा ब्लड ट्रान्सफ्युजन गर्दा लक्षण नदेखिएका व्यक्तिमा पीसीआर पोजिटिभ देखिएको छ।

अहिले मौसम परिवर्तन तथा प्रदूषणका कारण रुघाखोकी, ज्वरोलगायतका बिरामी बढेका छन्। व्यक्तिगत तवरमा तथा सरकारले पीसीआर परीक्षण बढाउने हो भने संक्रमितको संख्या बढ्ने देखिन्छ।

लक्षणविहीन संक्रमणले संक्रमितलाई कम असर गर्ने तथा अर्को व्यक्तिमा सर्ने दर कम हुने भए पनि जोखिम वर्गमा संक्रमण प्रवेश गर्यो भने खतरा बढ्ने देखिन्छ।

भारतमा संक्रमण भयावह रूपमा बढ्ने आँकडासँगै नेपाल आउनेको संख्या बढिरहेको छ।

तसर्थ सरकारले सीमानाकामा कडाइ गर्ने, परीक्षण अनिवार्य गर्ने, संक्रमितलाई आइसोलेसनमा राखेर उपचार गर्ने, लक्षण देखिएका तथा पीसीआर नेगेटिभ भएका व्यक्तिलाई क्वारेन्टिनमा राख्ने, समुदायमा परीक्षण गर्ने, कन्ट्याक्ट ट्रेसिङ प्रभावकारी बनाउने, उपचारको तयारी गर्ने, जनस्वास्थ्यका मापदण्ड कडाइका साथ पालना गराउने तथा खोप आयातलाई प्राथमिकता दिन जरुरी छ।

प्रतिक्रिया :

भर्खरै प्रकाशित

टी–२० विश्वकपको सातौँ संस्करण आजदेखि सुरु हुदै

काठमाडौँ, अशोज ३१ । सातौँ आईसीसी टी–२० विश्वकप आज देखि सुरु हुँदैछ । क्वालिफायर राउन्ड अन्तरगत आज दुई खेल हुनेछन् । समूह बी अन्तरगत ओमान…

चाडबाडले आउजाउ बढ्यो, गाउँमा संक्रमण फैलिने जोखिम

काठमाडौं, २७ असोज । चाडपर्वसँगै कोरोना भाइरस सङ्क्रमणको जोखिम पनि गाउँघरमा हुने भएको छ । चाडपर्व मनाउनमा गाउँघर र बजारमा मानिसको बढ्दो भीडसँगै कोरोना सङ्क्रमणको जोखिम…

कोरोना भाइरसको उत्पत्तिबारे अनुसन्धान गर्न डब्लूएचओद्वारा कार्यदल गठन

काठमाडौं, २८ असोज । विश्व स्वास्थ्य संगठन(डब्लूएचओ)ले कोभिड–१९ को उत्पत्ति पत्ता लगाउन कार्यदल गठन गरेको छ । साइन्टिफिक एड्भाइजरी ग्रुप अफ द ओरिजिन्स अफ नोभल पाथोजेन्स…

फाइनल नेपालका लागि मेरो अन्तिम खेल हुनेछ : अल्मुताइरी

काठमाडौं, २८ असोज । नेपाली फुटबल टोलीका मुख्य प्रशिक्षक अब्दुल्लाह अल्मुताइरीले साफ च्याम्पियनसीपको फाइनलपछि नेपाल नफर्किने बताएका छन् । आफूले यस अघि नै राजीनामा दिइसकेको बताउँदै…

उत्तर कोरियाका बालबालिका र ज्येष्ठ नागरिकहरू ‘भोकमरीको जोखिममा’

काठमाडौं, २८ असोज । संयुक्त राष्ट्रसंघका एक विज्ञले उत्तर कोरियाका कमजोर बालबालिका र ज्येष्ठ नागरिकहरू भोकमरीको जोखिममा रहेका बताएका छन् । उत्तर कोरियाको लागि मानव अधिकार…