वार्ता सकिएको केहि घण्टापछि सामाजिक सञ्जाल फेसबुकमा ‘आफ्नो घर’ शीर्षकको यस्तो कविता पोष्ट गरे ईश्वर पोखरेलले

काठमाडौं, चैत्र ३ ।नेकपा–एमालेका महासचिव ईश्वर पोखरेलले सोमबार वरिष्ठ नेता माधवकुमार नेपाल नेतृत्वको समूहसँग वार्ता गरेलगत्तै एउटा भावूक कविता लेखेर सामाजिक सञ्जालमा सार्वजनिक गरेका छन्।

उनले सोमबार दिउँसो भएको वार्ता सकिएको केहि घण्टापछि सामाजिक सञ्जाल फेसबुकमा ‘आफ्नो घर’ शीर्षकको सो कविता पोष्ट गरेका हुन्।

यस्तो छ उनको कविता:

आफ्नो घर
अग्रजहरूको–
रगत पसिनाले सिंचित जगमा।

मिहिनेतले–
बनाएको आफ्नै घर।

सभ्यता र संस्कृतिको–
प्रतीक बनेको आफ्नै घर।

सौभाग्यको पर्याय रहेको हाम्रो घर!
भाग्य र भविष्यको प्रतीक हाम्रो घर!

बिडम्वना!
कुनैबेला त्यही घरमा
बिरानो जस्तो बन्यौं– हामी,
हराएको जस्तो बन्यौं र बनाइयौं– हामी!

साँच्चै भनौं–
सभ्यता र संस्कृति सुरक्षित रहन्न कि भन्ने लाग्यो
भाग्य र भविष्यलाई कालो बादलले ढाक्छ कि भन्ने लाग्यो!

सौभाग्य लुटिए जस्तो लाग्यो
बाँच्न मुश्किल नै पर्छ कि भन्ने लाग्यो!
आज त्यही घरमा पुगेकाछौं!

मेरो प्रिय घर!
यही घरबाट आफ्नै अर्थी निस्कियोस्– मलाइ मन्जूर छ
तर सौभाग्यलाई चुक्न दिनेछैन
स्वाभिमानलाई झुक्न दिनेछैन!

सभ्यता र संस्कृतिको रक्षाका लागि
झण्झावातसित जुध्न मन्जूर छ
तर , म हराउन सक्तिन– मेरो घर!
म छोड्न सक्तिन मेरो घर !!

प्रतिक्रिया :

भर्खरै प्रकाशित

२० देशमा भेटियो कोरोनाको नयाँ भेरियन्ट ‘ओमिक्रोन’, नेपालमा पनि थालियो…

काठमाडौं, १५ मंसिर । कोरोना भाइरसको नयाँ भेरियन्ट विश्वका विभिन्न २० देशमा देखिएको रिपोर्ट बाहिर आएको छ । दक्षिण अफ्रिकामा सबैभन्दा पहिला रिपोर्ट भएको यो भेरियन्टका…

सर्वोच्चमा आजदेखि गोलाप्रथा

काठमाडौं, १५ मंसिर । सर्वोच्च अदालतमा आज (बुधबार) देखि गोलाप्रथा प्रणाली कार्यान्वयन हुँदैछ । प्रधानन्यायाधीशको विशेषाधिकार अन्त्य गर्दै न्यायाधीशले नै गोला तानेर इजलास र पेसी तोक्ने अभ्यास…

प्रहरी नियमावली संशोधन : एकै पटक साढे १७ हजार प्रहरीको…

काठमाडौं, १५ मंसिर । प्रहरी नियमावली संशोधन गरेर सिर्जना गरिएका वरिष्ठ सइ, वरिष्ठ हवल्दार र सहायक हवल्दार पदमा एकैपटक १७ हजार पाँच सय १७ प्रहरी बढुवा…

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…