बैठकलगत्तै नेपाललाई भेट्न कोटेश्वर पुगे प्रचण्ड

काठमाडौं, १ चैत । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ एमालेका वरिष्ठ नेता माधवकुमार नेपाललाई भेट्न उनकै निवास कोटेश्वर पुगेका छन् ।
आज (आइतबार) केन्द्रीय कमिटीको बैठक सकिए लगत्तै प्रचण्ड कोटेश्वरस्थित नेपालको निवासमा पुगेका हुन् ।

अहिले अध्यक्ष प्रचण्ड र वरिष्ठ नेता नेपालबीच विभिन्न विषयमा छलफल भइरहेको नेपालको सचिवालयले जनाएको छ । उनीहरुबीच समसामयिक राजनीतिक परिस्थिति र अब कसरी मिलेर अगाडि बढ्न सकिन्छ भन्ने विषयमा छलफल भइरहेको सचिवालयले बतायो ।

‘माओवादी केन्द्रका अध्यक्ष प्रचण्ड र एमाले वरिष्ठ नेता नेपालबीच अहिले कोटेश्वरमा छलफल भइरहेको छ’, सचिवालय स्रोतले भन्यो । नेकपामा रहँदा अध्यक्ष एवं प्रधानमन्त्री केपी शर्मा ओलीविरुद्ध एक ठाउँमा रहेका प्रचण्ड–नेपाल समूहको २४ गते स्थायी कमिटीको बैठक बसेको थियो । सोही बैठकपछि वरिष्ठ नेता नेपालसहितका नेताहरु एमालेतिर फर्किएका थिए ।

हिजो बुटवलमा दलित पत्रकारहरुको कार्यक्रममा माओवादी केन्द्रका अध्यक्ष प्रचण्डले माधवकुमार नेतपाल समूहलाई चित्त दुख्ने कुनै काम नगर्न कार्यकर्तालाई निर्देशन दिएका थिए ।

माधवकुमार नेपाल र झलनाथ खनालसँग आफूहरुको राजनीतिक विचार, भावना र सम्बन्ध नजिक रहेकोले कुनै पनि बेला सहकार्य गरी अगाडि बढ्नु पर्ने समय आउन सक्ने जानकारी दिंदै नेकपा एमालेका विरुद्ध हुने गतिविधिबारे माओवादी केन्द्रको हेर्ड क्वार्टरसँग समन्वय गर्न अध्यक्ष प्रचण्डले कार्यकर्तालाई सुझाव दिएका थिए ।

प्रतिक्रिया :

भर्खरै प्रकाशित

२० देशमा भेटियो कोरोनाको नयाँ भेरियन्ट ‘ओमिक्रोन’, नेपालमा पनि थालियो…

काठमाडौं, १५ मंसिर । कोरोना भाइरसको नयाँ भेरियन्ट विश्वका विभिन्न २० देशमा देखिएको रिपोर्ट बाहिर आएको छ । दक्षिण अफ्रिकामा सबैभन्दा पहिला रिपोर्ट भएको यो भेरियन्टका…

सर्वोच्चमा आजदेखि गोलाप्रथा

काठमाडौं, १५ मंसिर । सर्वोच्च अदालतमा आज (बुधबार) देखि गोलाप्रथा प्रणाली कार्यान्वयन हुँदैछ । प्रधानन्यायाधीशको विशेषाधिकार अन्त्य गर्दै न्यायाधीशले नै गोला तानेर इजलास र पेसी तोक्ने अभ्यास…

प्रहरी नियमावली संशोधन : एकै पटक साढे १७ हजार प्रहरीको…

काठमाडौं, १५ मंसिर । प्रहरी नियमावली संशोधन गरेर सिर्जना गरिएका वरिष्ठ सइ, वरिष्ठ हवल्दार र सहायक हवल्दार पदमा एकैपटक १७ हजार पाँच सय १७ प्रहरी बढुवा…

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…