प्रचण्ड फैसला पुनरावलोकनमा नजाने

काठमाडौं, २६ फागुन । नेकपा नाम ऋषिराम कट्टेललाई दिंदै एमाले र माओवादी केन्द्र ब्युँताउने सर्वोच्च अदालतको फैसलाविरुद्ध पुष्पकमल दाहाल ‘प्रचण्ड’ पक्ष पुनरावलोकनमा नजाने भएको छ ।

माधवकुमार नेपाल र झलनाथ खनालसहित प्रचण्डसँग निकट समूह एमालेमै फर्किएपछि प्रचण्ड पक्ष पुनरावलोकनमा नजाने निष्कर्षमा पुगेको हो । सर्वोच्चको फैसला आउने वितिक्कै प्रधानमन्त्री केपी ओली समूह हर्षित छ । सो समूहले सर्वोच्चको फैसला कार्यान्वयन गर्दै जाने भन्दै पार्टी कार्यालयमा एमालेको बोर्ड राखिसकेको छ ।

आइतबार सर्वोच्च अदालतले निर्वाचन आयोगको तीन वर्षपहिलेको निर्णय खारेज गर्दै नेकपा नाम कट्टेललाई दिने फैसला गरेको थियो । अदालतको फैसलाविरुद्ध चित्त नबुझेमा रिट निवेदक वा विपक्षी पुनरवलोकनमा जान सक्ने छन् । निवेदकले यो मुद्दामा निर्वाचन आयोग, तत्कालीन एमालेका अध्यक्ष केपी ओली र माओवादी केन्द्रका अध्यक्ष पुष्पकमल दाहाल प्रचण्डलाई विपक्षी बनाएका थिए ।

आयोग र ओली पक्ष फैसला कार्यान्वयनमा जाने भएपछि प्रचण्ड मात्रै पुनरावलोकनमा नजाने भएका हुन् । माओवादी केन्द्रका सांसद समेत रहेका वरिष्ठ अधिवक्ता रामनारायण बिडारीले अब फैसला पुनरावलोकनको महत्व नरहेको बताएका छन् ।

‘माओवादी र एमाले नै एकै ठाउँमा बसिरहेको भए हुन सक्थ्यो होला । दुवैले नेकपा छाडिसके । त्यो मसानघाटमा गइसक्यो । अब पुनरावलोकन गरे पनि नगरे पनि के मतलब भयो र ?’ बिडारीले थपे, ‘पुनरावलोकन गरेर करेक्सन गरौं भन्यो भने हुन सक्छ । तर त्यो बाटो बन्द हुँदै गयो ।’

माओवादी निकट मानिने अर्का वरिष्ठ अधिवक्ता मुक्ति प्रधानले पनि पुनरावलोकनको प्रक्रिया अगाडि नबढेको जानकारी दिएका छन् । नाम खारेज भइसकेपछि पेरिसडाँडास्थित केन्द्रीय कार्यालयमा बसेको प्रचण्ड–नेपाल पक्षको स्थायी कमिटी बैठकले एकीकरणअघिकै दलमा फर्किने निर्णय गरेको थियो ।

आयोगको उक्त निर्णयसँगै मंगलबारदेखि नेकपा एमाले र माओवादी केन्द्र वैधानिक रुपमा रुपमा विभाजित भएका छन् । आयोगले दुवै पार्टीका अध्यक्षलाई नयाँ नाम र चुनाव चिन्ह १५ दिनभित्रमा प्रस्ताव गर्न पनि समय दिएको छ । तीन वर्ष एकता गरेर आयोगकै त्रुटिका कारण छुट्टिन पुगेका एमाले र माओवादीलाई पनि फेरि एकीकरण गर्ने हो भने १५ दिन भित्रमा अर्को नाम लिएर आउन आयोगले भनेको छ ।

पेरिसडाँडाको निर्णयपछि पछिल्लो समय सँगै देखिएका प्रचण्ड–नेपाल पक्षका सांसद तथा नेताहरु पनि नेकपा एमाले र माओवादी केन्द्रमा फर्किएका छन् । मंगलबार माओवादी केन्द्रको स्थायी समिति बैठक बसिसकेको छ । माओवादी केन्द्रले केन्द्रीय कमिटीको बैठक बोलाउने निर्णय गर्दै कांग्रेस र जनता समाजवादी पार्टीसँग सत्ता साझेदारीका लागि समेत अग्रसरता देखाएको छ ।

प्रतिक्रिया :

भर्खरै प्रकाशित

२० देशमा भेटियो कोरोनाको नयाँ भेरियन्ट ‘ओमिक्रोन’, नेपालमा पनि थालियो…

काठमाडौं, १५ मंसिर । कोरोना भाइरसको नयाँ भेरियन्ट विश्वका विभिन्न २० देशमा देखिएको रिपोर्ट बाहिर आएको छ । दक्षिण अफ्रिकामा सबैभन्दा पहिला रिपोर्ट भएको यो भेरियन्टका…

सर्वोच्चमा आजदेखि गोलाप्रथा

काठमाडौं, १५ मंसिर । सर्वोच्च अदालतमा आज (बुधबार) देखि गोलाप्रथा प्रणाली कार्यान्वयन हुँदैछ । प्रधानन्यायाधीशको विशेषाधिकार अन्त्य गर्दै न्यायाधीशले नै गोला तानेर इजलास र पेसी तोक्ने अभ्यास…

प्रहरी नियमावली संशोधन : एकै पटक साढे १७ हजार प्रहरीको…

काठमाडौं, १५ मंसिर । प्रहरी नियमावली संशोधन गरेर सिर्जना गरिएका वरिष्ठ सइ, वरिष्ठ हवल्दार र सहायक हवल्दार पदमा एकैपटक १७ हजार पाँच सय १७ प्रहरी बढुवा…

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…