प्रचण्ड–नेपाल पक्षका नेकपा स्थायी समिति सदस्यहरुले नेकपाको पूर्ववत् एकता कायम राख्नुपर्ने सुझाव

काठमाडौं,फाल्गुन २४ । प्रचण्ड–नेपाल पक्षका नेकपा स्थायी समिति सदस्यहरुले नेकपाको पूर्ववत् एकता कायम राख्नुपर्ने सुझाव दिएका छन्।

सोमबार प्रचण्ड–नेपाल तर्फका स्थायी कमिटी सदस्यहरुको अनौपचारिक बैठकमा आफ्नो धारणा राख्दै नेताहरुले सो धारणा राखेका हुन्।

सो बैठकमा स्थायी समिति सदस्य रघुजी पन्तले लोकतन्त्र र स्वाधीनताको रक्षाका लागि एमाले र माओवादी केन्द्रबीचको एकता जोगाउनुपर्ने बताएका थिए।

पन्तले फेरि पनि एकता जोगाउनको लागि केपी शर्मा ओली र पुष्पकमल दाहाल प्रचण्डबीच छलफल गर्नुपर्ने सुझाव दिएका थिए।

‘यो एकता मुलुकको हीत, लोकतन्त्रको रक्षाका लागि भएको हो,’ बैठकमा आफूले राखेको धारणाबारे पन्तले जानकारी दिए, ‘संविधानको रक्षा, देशभक्तिका लागि एकता महत्वपूर्ण थियो, यसलाई टिकाउन सकिन्छ, भंग हुन नदिने हो भने अदालतले फैसला गरेपनि पार्टीहरु आपसमा जुट्न त सक्छन् त्यसो हुँदा अध्यक्ष प्रचण्ड र केपी ओलीले फेरि एकपटक कुरा गरेर एकताको आधारहरुलाई अगाडि बढाउन सकिन्छ भने त्यो काम गरौं।’
पन्तले जस्तै धारणा अरु नेताहरुले पनि राखेका थिए।

‘त्यो नभए दुईवटा पार्टीबीच मोर्चा बनाएर कार्यगत एकता गरेर जाने कुरामा पनि पहल गर्नुपर्छ,’ पन्तले बैठकमा भनेका थिए, ‘सकभर एकता भंग हुन दिनु हुँदैन।’

बोल्ने नेताहरुले सर्वोच्चको फैसला असामान्य र राजनीतिक उद्देश्यले प्रेरित भएर आएको धारणा राखेका थिए।

‘अदालतको फैसलाको सम्मान गरेपनि फैसला असामान्य, राजनीतिक प्रकृतिको आयो,’ बैठकमा नेताहरुले भनेका थिए।

ऋषि कट्टलले नेतृत्व गरेको नेकपालाई मान्यता दिँदै केपी ओली–प्रचण्ड नेतृत्वको नेकपाको एकीकरण नै कायम नहुने सर्वोच्च अदालतको आइतबारको आदेशपछि प्रचण्ड–नेपाल पक्षले स्थायी समिति बैठक राखेका थिए।

बैठकले सर्वोच्चको फैसलाविरुद्ध पुनरावलोकनमा जानुपर्ने निष्कर्ष निकालेको छ।

प्रतिक्रिया :

भर्खरै प्रकाशित

२० देशमा भेटियो कोरोनाको नयाँ भेरियन्ट ‘ओमिक्रोन’, नेपालमा पनि थालियो…

काठमाडौं, १५ मंसिर । कोरोना भाइरसको नयाँ भेरियन्ट विश्वका विभिन्न २० देशमा देखिएको रिपोर्ट बाहिर आएको छ । दक्षिण अफ्रिकामा सबैभन्दा पहिला रिपोर्ट भएको यो भेरियन्टका…

सर्वोच्चमा आजदेखि गोलाप्रथा

काठमाडौं, १५ मंसिर । सर्वोच्च अदालतमा आज (बुधबार) देखि गोलाप्रथा प्रणाली कार्यान्वयन हुँदैछ । प्रधानन्यायाधीशको विशेषाधिकार अन्त्य गर्दै न्यायाधीशले नै गोला तानेर इजलास र पेसी तोक्ने अभ्यास…

प्रहरी नियमावली संशोधन : एकै पटक साढे १७ हजार प्रहरीको…

काठमाडौं, १५ मंसिर । प्रहरी नियमावली संशोधन गरेर सिर्जना गरिएका वरिष्ठ सइ, वरिष्ठ हवल्दार र सहायक हवल्दार पदमा एकैपटक १७ हजार पाँच सय १७ प्रहरी बढुवा…

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…