प्रदेश नम्बर २ सरकारले २० हजार छात्रालाई साइकल वितरण गर्ने

काठमाडौं,फाल्गुन २४ । प्रदेश नम्बर २ सरकारले ‘मुख्यमन्त्री बेटी पढाऊ, बेटी बचाऊ’  कार्यक्रमअन्तर्गत पुनः २० हजार छात्रालाई साइकल वितरण गर्ने भएको छ।

सामुदायिक विद्यालयमा कक्षा ८ मा अध्ययरत छोरीहरूलाई साइकल प्रदान गर्न लागिएको कार्यक्रमकी संयोजक प्रियंका यादवले जानकारी दिइन्।

उनका अनुसार आर्थिक वर्ष २०७७/०७८ मा प्रदेश सरकारले २० हजार छात्रालाई साइकल वितरण गर्ने योजना बनाएको छ। सोहीअनुसार आज अन्तर्राष्ट्रिय महिला दिवसका अवसरमा साइकल वितरण कार्यक्रम सुरु गर्न लागिएको हो।

प्रदेश सरकारले सोमबार (आज) बिहान ११ बजे मधेस भवनको खेलकुद मैदानमा धनुषाका सामुदायिक विद्यालयमा कक्षा ८ मा अध्ययनरत्त १ हजार ५ सय छात्रालाई साइकल वितरण गर्न लागेको मुख्यमन्त्री लालबाबु राउतका प्रेस संयोजक आतिश मिश्रले जानकारी दिए।

उनका अनुसार धनुषाका २७ विद्यालयका छात्रालाई आज साइकल दिइनेछ।

यसअघि आर्थिक वर्ष २०७५/०७६ मा पनि प्रदेश सरकारले प्रदेशमा कक्षा ८ मा अध्ययनरत २० हजार छात्रालाई साइकल दिएको थियो।

छोरीलाई बढी नै विभेद हुने तथा दाइजोजस्ता कुप्रथाले ग्रस्त तराई–मधेसमा महिलाको अवस्था सुधार्न तथा उनीहरूप्रतिको हेय दृष्टि परिवर्तका लागि प्रदेश सरकारले विभिन्न अभियान सञ्चालन गरिरहेको छ।

छोरीको सुरक्षा, शिक्षामा विशेष ध्यान दिँदै प्रदेश सरकारले उनीहरूको आत्मबल बढाउन ‘मुख्यमन्त्री बेटी पढाऊ, बेटी बचाऊ अभियान सञ्चालन गरेको हो।

जसअन्तर्गत छोरी शिक्षा बिमा, साइकल वितरण, छोरीलाई आत्मरक्षा तालिमलगायत कार्यक्रम प्रदेश सरकारले गरिरहेको छ।

प्रतिक्रिया :

भर्खरै प्रकाशित

२० देशमा भेटियो कोरोनाको नयाँ भेरियन्ट ‘ओमिक्रोन’, नेपालमा पनि थालियो…

काठमाडौं, १५ मंसिर । कोरोना भाइरसको नयाँ भेरियन्ट विश्वका विभिन्न २० देशमा देखिएको रिपोर्ट बाहिर आएको छ । दक्षिण अफ्रिकामा सबैभन्दा पहिला रिपोर्ट भएको यो भेरियन्टका…

सर्वोच्चमा आजदेखि गोलाप्रथा

काठमाडौं, १५ मंसिर । सर्वोच्च अदालतमा आज (बुधबार) देखि गोलाप्रथा प्रणाली कार्यान्वयन हुँदैछ । प्रधानन्यायाधीशको विशेषाधिकार अन्त्य गर्दै न्यायाधीशले नै गोला तानेर इजलास र पेसी तोक्ने अभ्यास…

प्रहरी नियमावली संशोधन : एकै पटक साढे १७ हजार प्रहरीको…

काठमाडौं, १५ मंसिर । प्रहरी नियमावली संशोधन गरेर सिर्जना गरिएका वरिष्ठ सइ, वरिष्ठ हवल्दार र सहायक हवल्दार पदमा एकैपटक १७ हजार पाँच सय १७ प्रहरी बढुवा…

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…