नेकपा बदर हुने फैसला गरेपछि प्रचण्ड–नेपाल पक्ष गम्भीर असहमतिमा

काठमाडौं,फाल्गुन २४ । सर्वोच्च अदालतले सत्तारूढ नेपाल कम्युनिस्ट पार्टी (नेकपा) बदर (निर्वाचन आयोगमा दर्ता अमान्य) हुने फैसला गरेपछि यस पार्टीको प्रचण्ड–नेपाल पक्षले गम्भीर असहमति जनाएको छ।

सरोकार नै नभएको विषयमा ‘राजनीतिक प्रवृत्तिको’ फैसला भएको ठहर गरेको प्रचण्ड–नेपाल पक्षले यस विषयमा छलफल गर्न आज स्थायी कमिटीको बैठक राख्ने भएको छ।

पार्टी प्रवक्ता नारायणकाजी श्रेष्ठका अनुसार आज बिहान ११ बजे नेकपाको केन्द्रीय कार्यालय (पेरिसडाँडा) मा स्थायी कमिटीको बैठक बस्नेछ।

aawash steels

सर्वोच्च अदालतको फैसलाबारे आइतबार साँझ प्रतिक्रिया दिँदै अध्यक्ष प्रचण्डले भनेका छन्, ‘सर्वोच्चको फैसला बढी राजनीतिक प्रवृत्तिको भएको पाइयो। सोमबार स्थायी कमिटी बैठक बसेर हामी आवश्यक निर्णय गर्छौं।’

सर्वोच्च अदालतले ‘जबर्जस्ती जोड्न खोजेको र त्यसबाट राम्रो नहुने’ चेतावनी पनि उनले दिएका छन्।

super kinetic courier

यस्तै प्रवक्ता श्रेष्ठले फैसला ‘सोच्नै नसकिने’, ‘आश्चर्यचकित र स्तब्ध’ बनाउने खालको भएको प्रतिक्रिया दिएका छन्।

‘फैसलाले रिट निवेदकको मागदाबीभन्दा बाहिर गएर सरोकारै नभएको असम्बन्धित विषयमा प्रवेश गरी निर्णय दिएको छ,’ प्रवक्ता श्रेष्ठले भनेका छन्, ‘सर्वोच्च अदालतको एउटा इजलासले हाम्रो पार्टी नेपाल कम्युनिस्ट पार्टी (नेकपा) को बारेमा गरेको फैसला, त्यसको समग्र पक्ष र हाम्रो नीतिका सम्बन्धमा ११ बजे पार्टी कार्यालय पेरिसडाँडामा बस्ने स्थायी कमिटीको बैठकबाट निर्णय लिइनेछ।’

प्रतिक्रिया :
NK suppliers

भर्खरै प्रकाशित

नेपालमा पछिल्लो २४ घण्टामा थप ३३७ जनामा कोरोना भाइरसको संक्रमण…

काठमाडौं, चैत्र २८ ।नेपालमा पछिल्लो २४ घण्टामा थप ३३७ जनामा कोरोना भाइरसको संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार ३ हजार ५३२ पीसीआर…

प्रधानमन्त्रीद्वारा कोभिड–१९ बाट बच्न गम्भीर बन्न पुनः आग्रह

काठमाडौं, चैत २८ । प्रधानमन्त्री केपी शर्मा ओलीले कोभिड–१९ बाट बच्न गम्भीर बन्न पुनः आग्रह गरेका छन् । उनले जीवन पहिलो प्राथमिकता रहेको भन्दै स्वास्थ्य मन्त्रालयको…

हराएकी छोरी र आमाको २० वर्षपछि सासू र बुहारीको रुपमा…

चीनको एउटा रोचक घटनाको विश्वभर चर्चा भइरहेको छ। पूर्वी क्षेत्र सुझाउको एउटा विवाह समारोहमा बुहारीको रुपमा भित्र्याउन लागिएकी युवती आफ्नै सन्तान भएको थाहा भएपछि बेहुलाको…

जाजरकोटमा आगलागी हुँदा पाँच घर जलेर पूर्ण रुपमा नष्ट

जाजरकोट, चैत्र २८ ।जाजरकोटको नलगाड नगरपालिका–८ मंसिरीमा आगलागी हुँदा पाँच घर जलेर पूर्ण रुपमा नष्ट भएका छन्। स्थानीय नौधारी जङ्गलमा लगाएको आगो गाउँ पस्दा पाँच…

भक्तपुरमा ९ दिन ८ रात लाग्ने प्रसिद्ध बिस्का जात्रा आजबाट…

काठमाडौं , चैत्र २८ ।हरेक वर्ष भक्तपुरमा लाग्ने सांस्कृतिक एवं ऐतिहासिक महत्त्वको प्रसिद्ध बिस्का (बिस्केट) जात्रा आज (शनिबार) सुरु भएको छ। यो जात्रा ९ दिन…