कोटेश्वरस्थित सौभाग्यशाली बचत तथा ऋण सहकारी संस्था आफ्नै कर्मचारीबाट लुटिएको खुलासा

काठमाडौं,फाल्गुन १७ । काठमाडौंको कोटेश्वरस्थित सौभाग्यशाली बचत तथा ऋण सहकारी संस्था आफ्नै कर्मचारीबाट लुटिएको खुलेको छ।

सहकारी लुटपाटमा संलग्न रहेको अभियोगमा प्रहरीले उक्त सहकारीकी लेखापाल सावित्री सुवेदी र उनका श्रीमान् कपिल खड्कालाई पक्राउ गरेको हो।

उनले श्रीमानसँग मिलेर सहकारीको १७ लाख ८५ हजार ५ सय ६५ रुपैयाँ लुटेको काठमाडौं प्रहरी परिसरका प्रमुख एसएसपी अशोक सिंहले बताए।

aawash steels

गत माघ २५ गते साँझ ५ बजेपछि र २६ गते बिहान ७ बजेभित्र उक्त सहकारी लुटिएको भए पनि कर्मचारीले भने २६ गते बिहान कार्यालय पुगेपछि मात्रै थाहा पाएका थिए। कार्यालय खुल्लै रहेको देखेपछि कर्मचारीहरुले लुटिएको जानकारी पाएको र त्यसपछि मात्रै प्रहरीलाई खबर गरेका थिए।

रकम राख्ने कोठा र दराजको चाबी सहकारीका अध्यक्षसँग मात्रै थियो। तर पनि सहकारी तोडफोड नगरी चाबी खोलेरै चोरिएको पाइएपछि प्रहरीले सुरुदेखि नै त्यहीँका कर्मचारीमाथि बढी आशंका गरेको थियो।

super kinetic courier

२५ गते बैंक बन्द भइसकेपछि एक ऋणीले १० लाख रुपैयाँ बुझाएका थिए। उनी सावित्रीकै श्रीमान् थिए। बाँकी रकम बजारबाट संकलन भएको थियो।

सावित्रीका दम्पतीले भक्तपुरको ठिमीमा घर बनाउँदा सहकारीबाट ऋण लिएका थिए। घर बनिनसक्दै उक्त ऋण तिर्न सो दिन कपिल सहकारीमा पुगेका थिए।

कपिलले ऋण बुझाएपछि सावित्रीले उक्त रकम निकालेको र उनले पहिले नै नक्कली चाबी तयार गरेको पाइएको छ। सहकारीका अध्यक्षलाई गत कात्तिकमा कोरोना संक्रमण भएको थियो। त्यही बेला सावित्रीले नक्कली चाबी तयार गरेको पाइएको छ।

नक्कली चाबी तयार गरेको सहकारीका सञ्चालक र अन्य कर्मचारीलाई भने थाहा थिएन।

सहकारीबाट रकम लगिसकेपछि उनीहरुले विभिन्न व्यक्तिलाई राख्न दिएका थिए। उनीहरुले पैसा राख्न दिएका व्यक्तिलाई पैसा राख्न दिएको कुरा नभन्न भनेका थिए। ‘घरायसी समस्या भएकाले यो कुरा कतै नभन्दिनु होला भनेको रहेछन्’, एसएसपी सिंहले भने, ‘लामै योजना गरेर लुटेको देखिन्छ।’

सुरुमा अस्वीकार गरे पनि अहिले उनीहरुले गल्ती स्वीकार गरेको प्रहरीले जनाएको छ।

प्रतिक्रिया :
NK suppliers

भर्खरै प्रकाशित

नेपालमा पछिल्लो २४ घण्टामा थप ३३७ जनामा कोरोना भाइरसको संक्रमण…

काठमाडौं, चैत्र २८ ।नेपालमा पछिल्लो २४ घण्टामा थप ३३७ जनामा कोरोना भाइरसको संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार ३ हजार ५३२ पीसीआर…

प्रधानमन्त्रीद्वारा कोभिड–१९ बाट बच्न गम्भीर बन्न पुनः आग्रह

काठमाडौं, चैत २८ । प्रधानमन्त्री केपी शर्मा ओलीले कोभिड–१९ बाट बच्न गम्भीर बन्न पुनः आग्रह गरेका छन् । उनले जीवन पहिलो प्राथमिकता रहेको भन्दै स्वास्थ्य मन्त्रालयको…

हराएकी छोरी र आमाको २० वर्षपछि सासू र बुहारीको रुपमा…

चीनको एउटा रोचक घटनाको विश्वभर चर्चा भइरहेको छ। पूर्वी क्षेत्र सुझाउको एउटा विवाह समारोहमा बुहारीको रुपमा भित्र्याउन लागिएकी युवती आफ्नै सन्तान भएको थाहा भएपछि बेहुलाको…

जाजरकोटमा आगलागी हुँदा पाँच घर जलेर पूर्ण रुपमा नष्ट

जाजरकोट, चैत्र २८ ।जाजरकोटको नलगाड नगरपालिका–८ मंसिरीमा आगलागी हुँदा पाँच घर जलेर पूर्ण रुपमा नष्ट भएका छन्। स्थानीय नौधारी जङ्गलमा लगाएको आगो गाउँ पस्दा पाँच…

भक्तपुरमा ९ दिन ८ रात लाग्ने प्रसिद्ध बिस्का जात्रा आजबाट…

काठमाडौं , चैत्र २८ ।हरेक वर्ष भक्तपुरमा लाग्ने सांस्कृतिक एवं ऐतिहासिक महत्त्वको प्रसिद्ध बिस्का (बिस्केट) जात्रा आज (शनिबार) सुरु भएको छ। यो जात्रा ९ दिन…