दलितले छोएको दही खाएका कारण सामाजिक बहिष्कार गरिएकाा एक व्यक्तिलाई न्याय दिन राष्ट्रिय मानव अधिकार आयोगले सम्बन्धित पक्षसँग आग्रह

खोटाङ,फाल्गुन १६ । खोटाङमा दलितले छोएको दही खाएका कारण सामाजिक बहिष्कार गरिएका टंकप्रसाद आचार्यलाई न्याय दिन र सुरक्षाको ग्यारेन्टी गर्न राष्ट्रिय मानव अधिकार आयोगले सम्बन्धित पक्षसँग आग्रह गरेको छ।

छुवाछूतमुक्त समाज निर्माणका लागि प्रदेश नं १ को अभियानअन्तर्गत जिल्ला समन्वय समितिले २०७६ जेठ १८ गते आयोजना गरेको सहभोज कार्यक्रममा गएर दलित युवतीको हातबाट दही खाएको भन्दै दिक्तेल रूपाकोट मझुवागढी नगरपालिका–१ का ७७ वर्षीय आचार्यलाई त्यस बेलादेखि अघोषित रूपमा सामाजिक बहिष्कार गरिएको हो।

सामाजिक बहिष्करणका कारण मानसिक पीडामा परेका आचार्यलाई त्यसबाट मुक्ति दिन र आवश्यक सुरक्षा मिलाउन आयोगको प्रदेश शाखा कार्यालय (खोटाङ) ले जिल्ला प्रशासन कार्यालय र नगरपालिकालाई पत्राचार गरेको हो।

घटनाबारे सूक्ष्म अनुसन्धान गरी दोषीलाई कानुनी कारबाही गर्न प्रशासन र नगरपालिकालाई अनुरोध गरिएको आयोगको प्रदेश शाखा कार्यालयका प्रमुख उपसचिव श्यामबाबु काफ्लेले जानकारी दिए।

आयोगका सचिव वेद भट्टराई तथा अधिकृत संलग्न उच्चस्तरीय टोलीले घरैमा पुगेर अनुगमन गरेलगत्तै आयोगको प्रदेश शाखा कार्यालयले शनिबार विज्ञप्ति जारी गरी पीडित आचार्य परिवारले न्याय पाउनुपर्ने धारणा सार्वजनिक गरेको हो।

जातीय भेदभावविरुद्धको सहभोजमा सहभागी भई दलितले छोएको दही खाएको आरोपमा आचार्यलाई आफन्त तथा छिमेकीबाट निरन्तर सामाजिक बहिष्करण भइरहेको तथ्य प्रारम्भिक अनुगमनबाट देखिएको आयोगले उल्लेख गरेको छ।

घटनाको केही समयपछि बाबुको श्राद्धका लागि बोलाइएका आफ्नो पुरोहित नआएपछि आचार्यले अर्कै पुरोहित बोलाएर श्राद्ध गरेका थिए।

घरमा कुशेऔंशीका दिन पनि पुरोहितले कुश नल्याएको आचार्यको गुनासो छ।

समाजमै अघोषित बहिष्कार गरिएको भन्दै आचार्य न्यायको याचनासहित २०७६ भदौ ३ गते प्रदेश नं १ का मुख्यमन्त्री शेरधन राईलाई गुहार्न पुगेका थिए। मुख्यमन्त्री राईले तत्काल प्रमुख जिल्ला अधिकारीलाई फोन गरेर सहज वातावरण बनाउन निर्देशन दिए पनि दोषीलाई कारबाही भएको छैन।

प्रतिक्रिया :

भर्खरै प्रकाशित

टी–२० विश्वकपको सातौँ संस्करण आजदेखि सुरु हुदै

काठमाडौँ, अशोज ३१ । सातौँ आईसीसी टी–२० विश्वकप आज देखि सुरु हुँदैछ । क्वालिफायर राउन्ड अन्तरगत आज दुई खेल हुनेछन् । समूह बी अन्तरगत ओमान…

चाडबाडले आउजाउ बढ्यो, गाउँमा संक्रमण फैलिने जोखिम

काठमाडौं, २७ असोज । चाडपर्वसँगै कोरोना भाइरस सङ्क्रमणको जोखिम पनि गाउँघरमा हुने भएको छ । चाडपर्व मनाउनमा गाउँघर र बजारमा मानिसको बढ्दो भीडसँगै कोरोना सङ्क्रमणको जोखिम…

कोरोना भाइरसको उत्पत्तिबारे अनुसन्धान गर्न डब्लूएचओद्वारा कार्यदल गठन

काठमाडौं, २८ असोज । विश्व स्वास्थ्य संगठन(डब्लूएचओ)ले कोभिड–१९ को उत्पत्ति पत्ता लगाउन कार्यदल गठन गरेको छ । साइन्टिफिक एड्भाइजरी ग्रुप अफ द ओरिजिन्स अफ नोभल पाथोजेन्स…

फाइनल नेपालका लागि मेरो अन्तिम खेल हुनेछ : अल्मुताइरी

काठमाडौं, २८ असोज । नेपाली फुटबल टोलीका मुख्य प्रशिक्षक अब्दुल्लाह अल्मुताइरीले साफ च्याम्पियनसीपको फाइनलपछि नेपाल नफर्किने बताएका छन् । आफूले यस अघि नै राजीनामा दिइसकेको बताउँदै…

उत्तर कोरियाका बालबालिका र ज्येष्ठ नागरिकहरू ‘भोकमरीको जोखिममा’

काठमाडौं, २८ असोज । संयुक्त राष्ट्रसंघका एक विज्ञले उत्तर कोरियाका कमजोर बालबालिका र ज्येष्ठ नागरिकहरू भोकमरीको जोखिममा रहेका बताएका छन् । उत्तर कोरियाको लागि मानव अधिकार…