ठोरी-वीरगंज सडक खण्ड पुनः निर्माणकार्यमा लाग्ने, निकुञ्जले दियो अनुमति

१० फागुन, माडी । चितवन राष्ट्रिय निकुञ्जको अवरोधले रोकिएको हुलाकी राजमार्गको काम अघि बढ्ने भएको छ।

निकुञ्जकै कारण हुलाकी
राजमार्गको काम रोकिएको समाचार आइतबार प्रकाशित भएपछि राष्ट्रिय निकुञ्ज तथा वन्यजन्तु संरक्षण विभागले आफ्नो तर्फबाट सडक निर्माणमा अवरोध नगर्ने प्रतिबद्धता जनाएको हो। विभाग र सडक विभागबीच भएको बैठकमा निकुञ्ज आसपासको ७ किलोमिटर बाहेकमा काम गर्न दिन निकुञ्ज तयार भएको छ।

सडकले आयोजनालाई ७ किमि बाहेकमा काम अघि बढाउन निर्देशन दिइएको सडकका महानिर्देशक अर्जुनजंग थापाले बताए। उनका अनुसार बाँकी ७ किलोमिटरमा भने थप अध्ययनपछि मात्रै गरिनेछ। सब बेस, बेस बिछ्याइसकेको उक्त सडक निर्माणका लागि करिब ८ अर्ब लाग्ने अनुमान गरिएको छ। उक्त रकम नेपाल सरकारकै स्रोतबाट निर्माण गरिने थापाले बताए।

आयोजनाका अनुसार निकुञ्जले राजमार्गको ठोरी-वीरगन्ज सडकको करिब २० किलोमिटरमा अवरोध गरेको थियो। ‘उहाँहरुसँग हाम्रो वार्ता भयो। विश्वसम्पदा सुचीमा रहेकाले थप अध्ययन गरेर मात्रै अघि बढाउन आग्रह गर्नुभयो,’ थापाले भने, ‘७ किमिमा चाहिँ युनेस्को लगायतसँग सहमति लिएर काम गर्ने भन्ने निर्णय भएको छ। त्यसका लागि निकुजञ्जले सहजीकरण गर्नेछ।’

ठोरी-वीरगंज खण्ड यो खण्ड ६० किलोमिटर छ। जसमा पछिल्लो ३० किमि निर्माण जिम्मा कालिका-बानियाँ जेभीले पाएको छ। सोही खण्डमा निकुञ्जले अवरोध गरेको थियो। जसमा कल्भर्ट लगायतका संरचना निर्माण गरेर बेस,सब-बेस राख्ने काम भइसकेको छ। कालोपत्रे सुरु गर्नका लागि अलकत्रा छर्ने तयारी भइरहेको थियो। निकुञ्जले तत्काल रोक्न निर्देशन दिएपछि काम रोकिएर बसेको थियो।

प्रतिक्रिया :

भर्खरै प्रकाशित

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…

पछिल्लो २४ घण्टामा २१३ मा कोरोना संक्रमण, ३१५ जना निको,…

काठमाडौं, ११ मंसिर । नेपालमा पछिल्लो २४ घण्टामा २१३ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभर ६,६३२ नमुना परीक्षण…

प्रदेशहरूले विकास खर्च गर्न सकेनन्

काठमाडौं, ७ मंसिर । संघीय सरकारको विकास खर्च ५ प्रतिशतको हाराहारीमा रहेका बेला प्रदेश सरकारहरूको पूँजीगत खर्च पनि पहिलो त्रैमासमा कमजोर देखिएको छ । सिंहदरबारको अधिकार…

एमसीसी संशोधनपछि मात्र पास हुन्छ : गिरिराजमणि

सिरहा, ७ मंसिर । नेकपा (माओवादी केन्द्र) का स्थायी समिति सदस्य गिरिराजमणि पोखरेलले अमेरिकी सहयोग अन्तर्गतको मिलेनियम च्यालेन्ज कर्पोरेशन (एमसीसी) संशोधनपछि मात्र पास गर्ने बताएका छन्…