राष्ट्रपतिद्वारा दाङमा ज्यान मारेको अभियोगमा जन्मकैद सजाय भोगिरहेका चारजनालाई आम माफी

मुलुकी फौजदारी कार्यविधी संहिता २०७४ को दफा १५९ अनुसार १५ जनाले बुधबार सजाय माफी पाएका छन्।

७ फागुन, काठमाडौँ । राष्ट्रपति विद्यादेवी भण्डारीले राष्ट्रिय प्रजातन्त्र दिवसका अवसरमा दाङमा ९ वर्षअघि भएको एक ज्यान मार्ने घटनामा सर्वोच्च अदालतबाट जन्मकैद सजाय पाएका चार जनालाई आम माफी दिएकी छन्।

मुलुकी फौजदारी कार्यविधी संहिता २०७४ को दफा १५९ अनुसार उनीहरुलाई आम माफी दिने निर्णय भएको गृह मन्त्रालयले जनाएको छ।

गृह मन्त्रालयको प्रस्तावमा राष्ट्रपतिले उनीहरुलाई आममाफी दिएकी हुन्। त्यसअघि उनीहरुले राष्ट्रपतिलाई आममाफीका लागि निवेदन दिएका थिए। तीमध्ये एक जना २०७५ फागुनमा पक्राउ परेर जेल सजाय भुक्तान गरिरहेका थिए।

२०६६ चैत २५ गते भएको घटनामा धनबहादुर हमालको जाहेरीले ९ जना पक्राउ परेका थिए। तीमध्ये कालुराम चौधरी नामका दुईजना, मधुर परियार र सुनिल चौधरीलाई सर्वोच्च अदालतले २०७४ फागुन २७ गते जन्मकैद सजाय सदर गरेको थियो।

उक्त घटनामा सजाय पाएर दाङको तुलसीपुर जेलमा रहेका चारजना शुक्रबार छुटेका छन्। काठमाडौंको केन्द्रीय कारागारमा रहेका अर्का एकजना पनि छुटेका छन्। कालुराम चौधरी नामका दुवै जनालाई जन्मकैद सजाय सुनाइएको थियो।

तीमध्ये एक जना केन्द्रीय कारागारमा थिए। उनी दुई वर्षअघि मात्र पक्राउ परेका हुन्। मधुर २०६७ मंसिर, कालुराम २०७० कात्तिक,सुनिल २०६९ भदौयता जेलमा थिए। त्यही घटनामा तीन वर्ष कैद भएका युवराज केसी २०७६ साउनमा पक्राउ परेका हुन्।

मुलुकी फौजदारी कार्यविधी संहिता २०७४ को दफा १५९ अनुसार १५ जनाले बुधबार सजाय माफी पाएका छन्।

यीमध्ये ७ जना जेल बाहिर थिए। भष्ट्रचार, यातना, जबर्जस्ती करणी, क्रुर तथा अमानवीय तरिकाले नियन्त्रणमा लिइ ज्यान मारेको, जाति हत्या, विस्फोटक पदार्थ, अपहरण, शरीर बन्धक वा बेपत्ता, मानव बेचबिखन तथा ओसारपसार, सम्पत्ति शुद्धिकरण र तीन वर्षभन्दा बढी कैद सजाय हुने लागु औषधको ओसारपसार वा कारोबारका दोषीलाई भने यसरी आम माफी दिन नमिल्ने कानुनी व्यवस्था छ।

फौजदारी कसुर निर्धारण तथा कार्यान्वयन ऐन २०७४ अनुसार शुक्रबार ५ सय ८० जना कैदीलाई राष्ट्रपतीले सजाय माफी दिएकी छिन्। कम्तिमा ५० प्रतिशत कैद सजाय भुक्तान गरेका कैदीहरु सजाय माफीका लागि योग्य हुने उक्त ऐनमा व्यवस्था छ।

कारागार विभागका अनुसार कर्तव्य ज्यानका २ सय ६१, सवारी ज्यानका १ सय २०, बहु विवाहका ८४ सहितका कैदीले बाँकी सजाय माफी पाएर छुटेका हुन्।

कर्तव्य ज्यान मुद्दामा बाँकी सजाय माफी पाउने कैदीमा एक सय ७९ जना जन्मकैद सजाय पाएका कैदी छन्। उनीहरुमध्ये ३२ जना घटना हुँदाका बेला बालबालिका भएका आधारमा छुटेका हुन्।

प्रतिक्रिया :

भर्खरै प्रकाशित

सिटीजन्स बैंक लुटपाट घटना: यसरी बन्यो बैंक लुट्ने योजना

कार्तिक १, विराटनगर।  व्यवसायी श्याम मुखियाले करिब ५ वर्ष अगाडि १० लाख रुपैयाँ ऋण लिएर विराटनगर–६ मा गार्मेन्टको कारोबार सुरु गरे । तर, व्यवसाय राम्ररी नचलेपछि…

राष्ट्रिय क्रिकेट टोलीको मुख्य प्रशिक्षकका लागि आवेदन खुला

काठमाडौँ — नेपाल क्रिकेट संघ(क्यान)ले नेपाली राष्ट्रिय क्रिकेट टोलीको मुख्य प्रशिक्षकका लागि आवेदन खुला गरेको छ । सोमबार क्यानले नेपाली राष्ट्रिय टोलीको मुख्य प्रशिक्षकका लागि आवेदन…

पाल्पामा आयुर्वेद सेवा लिने बढ्दै

रामपुर (पाल्पा), असोज ३१ गते । पाल्पामा आयुर्वेद औषधि सेवा लिने बिरामी बढ्दैछन् । ग्याष्ट्रिक, पेट दुख्ने, खान नरुच्ने जस्ता समस्या भएका बिरामीहरु आयुर्वेद औषधालयमा…

टी–२० विश्वकपको सातौँ संस्करण आजदेखि सुरु हुदै

काठमाडौँ, अशोज ३१ । सातौँ आईसीसी टी–२० विश्वकप आज देखि सुरु हुँदैछ । क्वालिफायर राउन्ड अन्तरगत आज दुई खेल हुनेछन् । समूह बी अन्तरगत ओमान…

चाडबाडले आउजाउ बढ्यो, गाउँमा संक्रमण फैलिने जोखिम

काठमाडौं, २७ असोज । चाडपर्वसँगै कोरोना भाइरस सङ्क्रमणको जोखिम पनि गाउँघरमा हुने भएको छ । चाडपर्व मनाउनमा गाउँघर र बजारमा मानिसको बढ्दो भीडसँगै कोरोना सङ्क्रमणको जोखिम…