जनयुद्ध दिवसका दिन आज बुटवलमा ओली समूहको आमसभा

फागुन १ ,काठमाडौँ | प्रधानमन्त्री केपी शर्मा ओली पक्षको नेकपाले आज (शनिबार) बुटवलमा आमसभा आयोजना गर्दै छ।

प्रधानमन्त्रीका प्रेस सल्लाहकार सूर्य थापाका अनुसार नेकपा लुम्बिनी प्रदेश कमिटीको आयोजनामा हुने सभामा अध्यक्ष ओलीलगायत शीर्ष नेताले सम्बोधन गर्नेछन्।

बुटवलस्थित सिद्धेश्वर मैदानमा हुने सभा बिहान ११ बजे सुरु गर्ने तयारी छ। सभामा २ लाखभन्दा बढी कार्यकर्ता/नागरिक सहभागी गराउने नेकपा ओली समूहले दाबी गरेको छ।

प्रतिनिधि सभा विघटनलाई असंवैधानिक कदम ठहर गर्दै देशव्यापी आन्दोलन भइरहेका बेला ओली समूहले भने सभाको नारा ‘अराजकताको अन्त्य, राजनीतिक स्थिरता, संविधानको रक्षा : राष्ट्रिय स्वाधीनता, ताजा जनादेश विकासको निरन्तरता’ राखेको छ।

प्रतिनिधि सभा विघटन (गत पुस ५ गते) गरेर चुनावको मिति (वैशाख १७ र २७)  घोषणा गरेपछि ओली पक्षले बुटवलमा दोस्रोपटक सभा गर्न लागेको हो।

माओवादीले जनयुद्ध सुरु गरेकै दिनको अवसर पारेर ओली समूहले आमसभा राख्नुलाई पूर्वमाओवादी लडाकु अर्थात् पूर्वजनमुक्ति सेनालाई आफ्ना पक्षमा तान्ने रणनीतिका रूपमा हेरिएको छ।

सभाअघि बिहान बुटवलमा पूर्वजनमुक्ति सेनाको भेला गरिने र स्थायी समिति सदस्य लेखराज भट्ट र मुख्यमन्त्री शंकर पोखरेलले सम्बोधन गर्ने कार्यक्रम छ।

प्रतिक्रिया :

भर्खरै प्रकाशित

सिटीजन्स बैंक लुटपाट घटना: यसरी बन्यो बैंक लुट्ने योजना

कार्तिक १, विराटनगर।  व्यवसायी श्याम मुखियाले करिब ५ वर्ष अगाडि १० लाख रुपैयाँ ऋण लिएर विराटनगर–६ मा गार्मेन्टको कारोबार सुरु गरे । तर, व्यवसाय राम्ररी नचलेपछि…

राष्ट्रिय क्रिकेट टोलीको मुख्य प्रशिक्षकका लागि आवेदन खुला

काठमाडौँ — नेपाल क्रिकेट संघ(क्यान)ले नेपाली राष्ट्रिय क्रिकेट टोलीको मुख्य प्रशिक्षकका लागि आवेदन खुला गरेको छ । सोमबार क्यानले नेपाली राष्ट्रिय टोलीको मुख्य प्रशिक्षकका लागि आवेदन…

पाल्पामा आयुर्वेद सेवा लिने बढ्दै

रामपुर (पाल्पा), असोज ३१ गते । पाल्पामा आयुर्वेद औषधि सेवा लिने बिरामी बढ्दैछन् । ग्याष्ट्रिक, पेट दुख्ने, खान नरुच्ने जस्ता समस्या भएका बिरामीहरु आयुर्वेद औषधालयमा…

टी–२० विश्वकपको सातौँ संस्करण आजदेखि सुरु हुदै

काठमाडौँ, अशोज ३१ । सातौँ आईसीसी टी–२० विश्वकप आज देखि सुरु हुँदैछ । क्वालिफायर राउन्ड अन्तरगत आज दुई खेल हुनेछन् । समूह बी अन्तरगत ओमान…

चाडबाडले आउजाउ बढ्यो, गाउँमा संक्रमण फैलिने जोखिम

काठमाडौं, २७ असोज । चाडपर्वसँगै कोरोना भाइरस सङ्क्रमणको जोखिम पनि गाउँघरमा हुने भएको छ । चाडपर्व मनाउनमा गाउँघर र बजारमा मानिसको बढ्दो भीडसँगै कोरोना सङ्क्रमणको जोखिम…