खानेपानी मन्त्री थापाले सरकारद्वारा प्रतिवन्धित विप्लव नेतृत्वको नेेेेकपा नेतासँग भेटवार्ता

काठमाडौं, माघ २० ।खानेपानी मन्त्री मणि थापाले सरकारद्वारा प्रतिवन्धित नेत्रविक्रम चन्द विप्लव नेतृत्वको नेपाल कम्युनिस्ट पार्टीका नेता हेमन्तप्रकाश वली ‘सुदर्शन’सँग भेटवार्ता गरेका छन्।

मन्त्री थापाले मंगलबार बिहान नख्खु कारागर पुगेर नेता वलीसँग भेटवार्ता गरेको उनका स्वकीय सचिव राजेन्द्र गौतमले जानकारी दिए।

मन्त्री थापा खानेपानीको अनुगमनका लागि नख्खु पुगेको र सोही  अवसरमा उनीहरुबीच भेटवार्ता भएको गौतमले जानकारी दिए। मन्त्री थापालाई नेता वलीले जेलमा स्वागत गरेका थिए।

‘आज बिहान नख्खु जेलमा खानेपानीको अवस्था बुझ्न जाने क्रममा विप्लव नेता हेमन्तप्रकाश वलीसँग मन्त्रीज्यूको भेट भएको हो,’ गौतमले भने। वलीसँग मन्त्री थापाले केहीबेर संवाद गरेको गौतमले बताए।

‘उहाँहरुबीच केहीबेर कुराकानी भयो, खासमा कारागारमा खानेपानीको अवस्थाकै विषयमा कुराकानी भएको हो,’ गौतमले थपे।

गौतमले मन्त्री थापाले वलीलगायत अन्य कैदीबन्दीसँग समेत भेट गरेको बताए। ‘मन्त्री थापाले वलीसहित कैदी जीवन विताइरहेका अन्य केही व्यक्तिहरुसँग समेत भेटवार्ता गर्नुभएको छ’, गौतमले भने।

 

पछिल्लो समय सरकार र विप्लव समूहबीच वार्ताको चर्चा चलिरहेका बेला मन्त्रीले जेलमै पुगेर विप्लवका नेतालाई भेट्नुलाई अर्थपूर्ण रुपमा हेरिएको छ। सरकार र समूहबीच वार्ता गराउनको लागि खानेपानी मन्त्री थापाले सक्रियता देखाइरहेका छन्।

मन्त्री थापा र नेता वली दुवै पूर्वमाओवादी हुन्। माओवादी विभाजनपछि नेता वली विप्लव समूहमा लागेका हुन्। थापापछिल्लो समय प्रचण्डको साथ छाडेर ओली समूहमा गएर मन्त्री बनेका छन्।

नख्खुमा एनसेलको मुख्यालय अगाडि भएको विस्फोटमा संलग्न रहेको आरोपमा २०७५ चैतको पहिलो हप्ता वली काभ्रेबाट पक्राउ परेका हुन्।

जिल्ला अदालत, ललितपुरले उनलाई १० वैशाखमा पुर्पक्षका लागि थुनामा पठाउन आदेश दिएको थियो । र, उनलाई नख्खु कारागार चलान गरिएको थियो।

प्रतिक्रिया :

भर्खरै प्रकाशित

सिटीजन्स बैंक लुटपाट घटना: यसरी बन्यो बैंक लुट्ने योजना

कार्तिक १, विराटनगर।  व्यवसायी श्याम मुखियाले करिब ५ वर्ष अगाडि १० लाख रुपैयाँ ऋण लिएर विराटनगर–६ मा गार्मेन्टको कारोबार सुरु गरे । तर, व्यवसाय राम्ररी नचलेपछि…

राष्ट्रिय क्रिकेट टोलीको मुख्य प्रशिक्षकका लागि आवेदन खुला

काठमाडौँ — नेपाल क्रिकेट संघ(क्यान)ले नेपाली राष्ट्रिय क्रिकेट टोलीको मुख्य प्रशिक्षकका लागि आवेदन खुला गरेको छ । सोमबार क्यानले नेपाली राष्ट्रिय टोलीको मुख्य प्रशिक्षकका लागि आवेदन…

पाल्पामा आयुर्वेद सेवा लिने बढ्दै

रामपुर (पाल्पा), असोज ३१ गते । पाल्पामा आयुर्वेद औषधि सेवा लिने बिरामी बढ्दैछन् । ग्याष्ट्रिक, पेट दुख्ने, खान नरुच्ने जस्ता समस्या भएका बिरामीहरु आयुर्वेद औषधालयमा…

टी–२० विश्वकपको सातौँ संस्करण आजदेखि सुरु हुदै

काठमाडौँ, अशोज ३१ । सातौँ आईसीसी टी–२० विश्वकप आज देखि सुरु हुँदैछ । क्वालिफायर राउन्ड अन्तरगत आज दुई खेल हुनेछन् । समूह बी अन्तरगत ओमान…

चाडबाडले आउजाउ बढ्यो, गाउँमा संक्रमण फैलिने जोखिम

काठमाडौं, २७ असोज । चाडपर्वसँगै कोरोना भाइरस सङ्क्रमणको जोखिम पनि गाउँघरमा हुने भएको छ । चाडपर्व मनाउनमा गाउँघर र बजारमा मानिसको बढ्दो भीडसँगै कोरोना सङ्क्रमणको जोखिम…