ट्रम्पमाथि प्रतिबन्ध लगाउने सोसल मिडियाको सूचिमा युट्युब पनि थपियो

अमेरिकी राष्ट्रपति डोनाल्ड ट्रम्पमाथि प्रतिबन्ध लगाउने सोसल मिडियाको सूचिमा युट्युब पनि थपिएको छ ।

गुगल स्वामित्वको युट्युबले डोनाल्ड ट्रम्पको युट्युब च्यानललाई ७ दिनका लागि निलम्बन गरेको छ । जसका कारण अब ट्रम्पको युट्युब च्यानलमा नयाँ भिडियो अपलोड गर्न तथा लाइभ स्ट्रिम गर्न पाइने छैन । तत्कालका लागि ७ दिनको निलम्बन घोषणा गरिएको भएपनि समयावधि लम्बिन सक्ने र ट्रम्पको युट्युब च्यानलमाथि स्थायी रुपमै प्रतिबन्ध लाग्नसक्ने बताइएको छ ।

हिंसा भड्काउनका लागि ट्रम्पको युट्युब च्यानलले सहयोग गरेको र यसले युट्युबको नीति उल्लंघन गरेको ठहर गुगलको छ ।

ट्रम्पले मंगलबार मात्र आफ्नो युट्युब च्यानलमा विभिन्न भिडियोहरु अपलोड गरेका छन् र त्यसमध्ये केही भिडियोहरु आपत्तिजनक रहेको युट्युबले जनाएको छ ।

प्रतिबन्ध लगाइएका ट्रम्पका भिडियोहरुमा कस्ता कस्ता सामाग्रीहरु थिए भन्ने चाहीँ गुगलले खुलाएको छैन ।

युट्युबमा संगठित रुपमा विज्ञापन बहिस्कार गर्ने अधिकारवादी समूहहरुले चेतावनी दिएको केही घण्टामै गुगलले ट्रम्पको युट्युब च्यानल निलम्बन गर्ने निर्णय गरेको हो ।

गतवर्ष फेसबुक विरुद्ध यस्तै खालको अभियान सञ्चालन गरेका कतिपय अभियन्ताहरुले चाहीँ ट्रम्पको च्यानल सधैका लागि बन्द गरिदिन आग्रह गरेका छन् ।

गुगलले आफ्नो विज्ञप्तीमा भनेको छ, ‘हिंसाको सम्भावित खतराको परिप्रेक्ष्यमा गहन समीक्षा पश्चात् डोनाल्ड ट्रम्पको च्यानलमा अपलोड भएका नयाँ सामाग्रीहरु हटाइएको छ ।’

यसअघि फेसबुक र इन्स्टाग्रामले डोनाल्ड ट्रम्पका अकाउन्ट निलम्बन गरिसकेका छन् भने ट्वीटरले एक कदम अगाडि बढ्दै उनको अकाउन्ट स्थायी रुपमा प्रतिबन्ध गरिदिएको छ ।

त्यस्तै अमेजनको ट्विचले पनि ट्रम्पको अकाउन्ट निस्क्रिय पारिदिएको छ र स्नापच्याटले पनि अकाउन्ट लक गरिदिएको छ । त्यसका साथै शपिफाइ, पिन्टेरेस्ट, टिकटक र रेडिटले समेत ट्रम्पका अकाउन्टमाथि कडाइ गरेका छन् । बीबीसी

प्रतिक्रिया :

भर्खरै प्रकाशित

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…

पछिल्लो २४ घण्टामा २१३ मा कोरोना संक्रमण, ३१५ जना निको,…

काठमाडौं, ११ मंसिर । नेपालमा पछिल्लो २४ घण्टामा २१३ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभर ६,६३२ नमुना परीक्षण…

प्रदेशहरूले विकास खर्च गर्न सकेनन्

काठमाडौं, ७ मंसिर । संघीय सरकारको विकास खर्च ५ प्रतिशतको हाराहारीमा रहेका बेला प्रदेश सरकारहरूको पूँजीगत खर्च पनि पहिलो त्रैमासमा कमजोर देखिएको छ । सिंहदरबारको अधिकार…

एमसीसी संशोधनपछि मात्र पास हुन्छ : गिरिराजमणि

सिरहा, ७ मंसिर । नेकपा (माओवादी केन्द्र) का स्थायी समिति सदस्य गिरिराजमणि पोखरेलले अमेरिकी सहयोग अन्तर्गतको मिलेनियम च्यालेन्ज कर्पोरेशन (एमसीसी) संशोधनपछि मात्र पास गर्ने बताएका छन्…