ट्रम्पद्वारा ८ चिनियाँ एपमाथि प्रतिबन्ध

काठमाडौं । आगामी २१ जनवरीदेखि पदमुक्त हुने अमेरिकी राष्ट्रपति डोनाल्ड ट्रम्पले आफ्नो कार्यकालको अन्तिम समयमा ८ वटा चिनिया एपमाथि बन्देज लगाउने कार्यकारी आदेश जारी गरेका छन् ।

मंगलबार ट्रम्पले एक कार्यकारी आदेश जारी गर्दै ८ वटा चिनियाँ एपसँगको कारोबारमा बन्देज लगाएका हुन् । यो सँगै अब अमेरिकामा अलिबाबा कम्पनीको अलि पे, टेनसेन्ट कम्पनीको क्यूक्यू वालेटसँगै विच्याटपे बाट हुने कारोबारमा बन्देज लाग्नेछ ।

aawash steels

त्यस्तै क्याम स्क्यानर, सेयरइट, भिमेट र डब्लुपिएस अफिस एपमाथि पनि बन्देज लगाइएको छ । ट्रम्पको उक्त कार्यकारी आदेश ४५ दिनपछि कार्यान्वयनमा आउने बताइएको छ जतिबेला उनले राष्ट्रपतिको पद छाडिसकेका हुनेछन् ।

चिनियाँ एपहरुविरुद्ध ट्रम्पले यसअघि जारी गरेका प्रतिबन्धात्मक आदेशहरु कार्यान्वयन हुन नसकिरहेको अवस्थामा पछिल्लो आदेश समेत कार्यान्वयन हुनेमा आशंका व्यक्त गरिएको छ । यसअघि विच्याटमाथि ट्रम्प प्रशासनले लगाउन थालेको प्रतिबन्धलाई अदालतले रोक लगाएको थियो भने अदालतले आदेशपछि टिकटकमाथिको प्रतिबन्ध पनि लागू हुन सकेको छैन ।

ट्रम्पले मंगलबार जारी ग्रेको कार्यकारी आदेशमा भनिएको छ, ‘अमेरिकी नागरिकका व्यक्तिगत जानकारीहरु प्राप्त गर्ने वा चोर्नका लागि चीन र उसको सत्ताधारी कम्युनिष्ट पार्टीको निरन्तरको गतिविधिले के प्रष्ट पारेको छ भने उसको मुख्य ध्येय भनेकै चीनको आर्थिक तथा राष्ट्रिय सुरक्षा एजेण्डाको प्रवर्द्धनका लागि ठूलो परिमाणमा डाटा संग्रह गर्नु नै हो ।’
विश्लेषकहरुले भने ट्रम्पको यो कदम चीनलाई चिढ्याएर जवाफी कार्य गर्न लगाउँदै अमेरिका र चीनबीचको सम्बन्धलाई झनै बिगार्ने र आगामी राष्ट्रपति जो बाइडेनका हात बाँध्नका लागि चालिएको कदम भएको टिप्पणी गरेका छन् ।

चिनियाँ एपहरुमाथि प्रतिबन्ध लगाउनका लागि ट्रम्पले जारी गरेको यो र यस्तै अन्य कार्यकारी आदेशहरुमाथि बाइडेन प्रशासनले निश्चित रुपमा समीक्षा गर्नेछ । तर यदि ट्रम्पका कार्यकारी आदेशहरु भविष्यमा कार्यान्वयन भए भने त्यसले चीनमा रहेका अमेरिकी कम्पनीहरुलाई नै असर पर्ने विश्लेषकको भनाइ छ ।

बाइडनलाई सत्ता सुम्पनुअघि ट्रम्पले चिनियाँ कम्पनीहरुमाथि दबाब सिर्जना गर्नेगरी भटाभट निर्णय गरिरहेका छन् ।

अघिल्लो महिना अमेरिकाले सरकारी चिनियाँ चिप निर्माता कम्पनी एसएमआईसी तथा अन्य कम्पनीहरुमाथि बन्देज लगाएको थियो । हालैमात्र उसले एक नयाँ कानून जारी गरेको छ जस अनुसार अब अमेरिकी लेखापरीक्षण मापदण्ड पूरा नगर्ने चिनियाँ कम्पनीहरुलाई अमेरिकी स्टक एक्सचेन्जको सूचिबाट हटाइनेछ ।

–सिएनएनबाट

प्रतिक्रिया :

भर्खरै प्रकाशित

एक करोड ५७ लाख डोज खोप भित्रियो, ५५ लाख ९०…

काठमाडौं, ५ असोज । कोभिड–१९ विरुद्धको खोप लगाउन शुरु भएको आठ महिनामा ५५ लाख ९० हजार बढी (नेपालको कूल जनसंख्याको १८.६) प्रतिशत व्यक्तिले पूर्ण खोप लगाएका…

रासायनिक मललाई पाँच अर्ब अपुग

काठमाडौं, ६ असोज । रासायनिक मल किन्न अझै करिब पाँच अर्ब रूपैयाँ अपुग हुने भएको छ । कृषि तथा पशुपंक्षी मन्त्रालयले २० अर्ब रूपैयाँ बजेट छुट्ट्याउन…

घोप्टेभिरमा पहिरो : नारायणगढ–मुग्लिन सडक बन्द, खुलाउने प्रयास हुँदै

चितवन, ६ असोज । नारायणगढ–मुग्लिन सडकअन्तर्गत चितवनको इच्छाकामना गाउँपालिका–४ घोप्टेभिरमा मंगलबार मध्यराति पहिरो खस्दा यातायात अवरुद्ध भएको छ । पहिरोले बाटो दुईतर्फी नै बन्द भएको चितवन…

बजेट खर्चको मोडालिटी बदल्दै सरकार

काठमाडौं, ६ असोज । खर्च प्रणालीमा समस्या देखिएपछि सरकारले बजेट खर्चको मोडालिटी नै बदल्ने भएको छ । समयमै बजेट खर्च गर्न भन्दै नयाँ संविधानपछि बजेट घोषणाको…

कुलमानको नियुक्तिलाई निरन्तरता

काठमाडौं, ६ असोज । सर्वोच्च अदालतले नेपाल विद्युत् प्राधिकरणका कार्यकारी निर्देशक कुलमान घिसिङविरुद्ध परेको रिट निवेदनमा अन्तरिम आदेश दिन अस्वीकार गरेको छ । प्रधानन्यायाधीश चोलेन्द्रशमशेर जबराको…