नयाँ खाले कोरोना संक्रमण तीव्र बनेपछि बेलायतमा आजदेखि पुनः लकडाउन

काठमाडौं, पुस २१ ।आज (मंगलबार)देखि बेलायतमा पुनः लकडाउन सुरु भएको छ। नयाँ खाले कोरोनाभाइरसको संक्रमण तीव्र बनेपछि त्यहाँ पुनः लकडाउन गरिएको हो।

यो लकडाउन फेब्रुअरी १५ सम्म जारी रहने त्यहाँको सरकारले जनाएको छ। पछिल्लो २४ घण्टामा मात्रै बेलायतमा ५८ हजार भन्दा धेरैमा कोरोना संक्रमण पुष्टि भएको छ।

सोमबार टेलिभिजन सम्बोधनमार्फत बेलायती प्रधानमन्त्री बोरिस जोन्सनले राष्ट्रव्यापी लकडाउनको घोषणा गरेका हुन्। कोरोना संक्रमणले स्वास्थ्य प्रणाली समस्यामा पर्ने अवस्था आएपछि पुनः लकडाउन गरिएको जोन्सनले बताएका छन्।

aawash steels

सबैभन्दा पहिला बेलायतमै देखिएको नयाँ प्रकारको कोरोना भाइरस अहिले विश्वका धेरै मुलुकमा फैलिइसकेको छ। टेलिभिजन संवोधनको क्रममा प्रधानमन्त्री जोन्सनले भने, ‘मैले आज तपाईंहरूलाई सम्बोधन गरिरहँदा हाम्रा अस्पतालहरूमा महामारी सुरू भएदेखिकै सबैभन्दा बढी दबाब छ। ‘देशका धेरै भागमा विभिन्न कडा मापदण्ड अपनाइएका छन्, यो नयाँ खाले भाइरसलाई नियन्त्रणमा ल्याउन हामी सबैले अझै धेरै मेहनत गर्नुपर्ने प्रष्टै छ।’

लकडाउनका बेला स्वास्थ्य उपचार र अन्य अत्यावश्यक काम नपरी घरबाहिर निस्कन रोक लगाइएको छ। अत्यावश्यक सामान किन्न पनि दिनमा एक पटकमात्र बाहिर निस्कन पाइने अधिकारीहरुले जनाएका छन् प्राथमिक र माध्यमिक तहका सबै विद्यालय र क्याम्पसहरू बन्द गरिएका छन्। एकअर्काको घरमा पाहुना लाग्न जान पनि रोक लगाइएको छ। टेक अवे सुविधाका लागिमात्र रेष्टुरेन्ट र बारहरु खोल्न अनुमति दिइएको छ।

बेलायतमा अहिलेसम्म कोरोना संक्रमणको कारण ७५ हजारभन्दा धेरैको मृत्यु भइसकेको छ। त्यहाँ संक्रमितको संख्या २७ लाख १३ हजार नाघेको वल्र्डओमिटरले जनाएको छ।

प्रतिक्रिया :

भर्खरै प्रकाशित

एक करोड ५७ लाख डोज खोप भित्रियो, ५५ लाख ९०…

काठमाडौं, ५ असोज । कोभिड–१९ विरुद्धको खोप लगाउन शुरु भएको आठ महिनामा ५५ लाख ९० हजार बढी (नेपालको कूल जनसंख्याको १८.६) प्रतिशत व्यक्तिले पूर्ण खोप लगाएका…

रासायनिक मललाई पाँच अर्ब अपुग

काठमाडौं, ६ असोज । रासायनिक मल किन्न अझै करिब पाँच अर्ब रूपैयाँ अपुग हुने भएको छ । कृषि तथा पशुपंक्षी मन्त्रालयले २० अर्ब रूपैयाँ बजेट छुट्ट्याउन…

घोप्टेभिरमा पहिरो : नारायणगढ–मुग्लिन सडक बन्द, खुलाउने प्रयास हुँदै

चितवन, ६ असोज । नारायणगढ–मुग्लिन सडकअन्तर्गत चितवनको इच्छाकामना गाउँपालिका–४ घोप्टेभिरमा मंगलबार मध्यराति पहिरो खस्दा यातायात अवरुद्ध भएको छ । पहिरोले बाटो दुईतर्फी नै बन्द भएको चितवन…

बजेट खर्चको मोडालिटी बदल्दै सरकार

काठमाडौं, ६ असोज । खर्च प्रणालीमा समस्या देखिएपछि सरकारले बजेट खर्चको मोडालिटी नै बदल्ने भएको छ । समयमै बजेट खर्च गर्न भन्दै नयाँ संविधानपछि बजेट घोषणाको…

कुलमानको नियुक्तिलाई निरन्तरता

काठमाडौं, ६ असोज । सर्वोच्च अदालतले नेपाल विद्युत् प्राधिकरणका कार्यकारी निर्देशक कुलमान घिसिङविरुद्ध परेको रिट निवेदनमा अन्तरिम आदेश दिन अस्वीकार गरेको छ । प्रधानन्यायाधीश चोलेन्द्रशमशेर जबराको…