मोटरसाइकलमै झम्टेर बाघले मान्छे मारेपछि बर्दिया निकुञ्ज क्षेत्रमा रातिको समयमा साइकल र मोटरसाइकल चलाउन रोक

बर्दिया, पुस १९ । गुडिरहेको मोटरसाइकलमै झम्टेर बाघले मान्छे मारेपछि बर्दिया राष्ट्रिय निकुञ्ज क्षेत्रमा रातिको समयमा साइकल र मोटरसाइकल चलाउन रोक लगाइएको छ।

पूर्वपश्चिम राजमार्गमा पर्ने बर्दिया राष्ट्रिय निकुञ्ज क्षेत्रको अम्रेनी–चिसापानी खण्डको सडकमा शुक्रबार राति ९ बजे पाटेबाघले आक्रमण गर्दा कैलालीको लम्कीचुहा नगरपालिका–४ कौवापुरकी ५२ वर्षीया नन्दकला थापाको मृत्यु भएको थियो। यो घटनापछि निकुञ्ज प्रशासनले रातिको समयमा निकुञ्ज क्षेत्रमा आवतजावतमा रोक लगाएको हो।

नन्दकला छोरा सन्तोषले चलाएको सूपप्र १००८ प ६८०१ नम्बरको मोटरसाइकलमा सबार थिइन्। राति ९ बजे घुम्ना पुल नजिक गुडिरहेको मोटरसाइकलमै झम्टेर बाघले उनलाई मारेको निकुञ्जका प्रमुख संरक्षण अधिकृत विष्णु श्रेष्ठले जानकारी दिए।

aawash steels

बाघले आमालाई लगेपछि मोटरसाइकलबाट लडेका सन्तोषले मोबाइलबाट प्रहरीलाई फोन गरेपछि सेना र प्रहरी घटनास्थलमा पुगेका थिए। नन्दकलाको शव शनिबार दिउँसो घटनास्थभन्दा दुई किलोमिटर टाढा घना जंगलभित्र क्षतविच्छद अवस्थामा फेला परेको श्रेष्ठले जानकारी दिए।

दिउँसै पनि निकुञ्ज क्षेत्रमा एक्लै पैदल वा मोटरसाइकलमा हिँड्दा जोखिम हुने भएकाले मोटरसाइकलहरूले अरु सवारी साधनको पछि लागेर मात्रै निकुञ्ज पार गर्दै आएका छन्। सन्तोष शुक्रबार राति निकुञ्जको सडकमा एक्लै परेकाले घटना भएको श्रेष्ठले बताए

शुक्रबारको घटनापछि अम्रेनी–चिसापानी खण्डमा सेनाले गस्ती बढाएको छ । शनिबार राति ८ बजेदेखि बिहान ६ बजेसम्म निकुञ्ज क्षेत्रको सडक खण्डमा मोटरसाइकल, स्कुटर, साइकल र पैदल यात्रुलाई आवतजावतमा रोक लगाइएका प्रमुख संरक्षण अधिकृत श्रेष्ठको भनाई छ।

प्रतिक्रिया :

भर्खरै प्रकाशित

बाटोमै चिप्लिएर लडेकी महिलाको मृत्यु

मोरङ, ४ असोज । मोरङको मिक्लाजुङ गाउँपालिका–१ मा बाटो हिँड्ने क्रममा चिप्लिएर आइतबार राति एक महिलाको मृत्यु भएको छ । स्थानीय जीतकुमार राईकी श्रीमती ५६ वर्षीया…

फ्रान्सले रद्द गर्‍यो बेलायतसँगको रक्षा वार्ता

काठमाडौं, ४ असोज । अमेरिका, अष्ट्रेलिया र बेलायतबीच एशिया प्रशान्त सुरक्षा सहमतिपछि क्रुद्ध बनेको फ्रान्सले बेलायतसँग वार्तामा बस्न समेत अस्वीकार गरेको छ । बेलायत र फ्रान्सका…

रोजगारी गुमेपछि फर्किए ६ लाख नेपाली युवा

काठमाडौं, ४ असोज । स्वदेशमा रोजगारी सिर्जना हुन सकेको छैन । सरकारले युवालाई विदेश पलायन हुनबाट रोक्ने नीति तथा कार्यक्रम ल्याउने घोषणा गरेको छ । तर…

रहस्यमय बन्दै संखुवासभा सामुहिक हत्याकाण्ड, थप ६ जना पक्राउ

संखुवासभा, ४ असोज । भदौ २८ गते संखुवासभाको मादी नगरपालिका–१ को खोलागाउँमा भएको सामुहिक हत्याकाण्ड झन रहस्यमय बन्दै गएको छ । प्रहरीले थप ६ जनामाथि अनुसन्धान अगाडि…

आजदेखि ११ दिन देशैभर भेरोसेल खोप दिइँदै, कुन जिल्लामा कुन…

काठमाडौं, ४ असोज । सरकारले आज (सोमबार) देखि ११ दिनसम्म देशैभर भेरोसेल खोप वितरण गर्दैछ । चीनबाट खरिद गरी ल्याएको ४० लाख डोज कोभिड–१९ विरुद्धको भेरोसेल…