चिनियाँ प्रतिनिधिमण्डलले देउवालाई दियो चीन भ्रमणको निम्तो

काठमाडौं, पुस १४ ।नेपाल भ्रमणमा रहेको चिनियाँ कम्युनिस्ट पार्टीको प्रतिनिधिमण्डलले नेपाली कांग्रेसका सभापति शेरबहादुर देउवालाई चीन भ्रमणको निम्तो दिएको छ।

मंगलबार बिहान सभापति देउवा निवास बुढानिलकण्ठ पुगेर चिनियाँ कम्युनिस्ट पार्टीको अन्तर्राष्ट्रिय विभागका उपमन्त्री गुओ येचौसहित चार जनाको टोलीले देउवासँग भेटवार्ता गरेको हो।

उक्त भेटवार्तामा सहभागी सभापति देउवाका परराष्ट्र सल्लाहकार डा. दिनेश भट्टराई चिनियाँ कम्युनिस्ट पार्टीको टोलीले देउवालाई चीन भ्रमणको निम्तो दिएको बताए।

aawash steels

‘टोलीले सभापति देउवालाई चीन भ्रमणको निम्तो दिएको छ। उहाँहरुले चिनियाँ कम्युनिस्ट पार्टी स्थापनाको सय वर्षको पुगेको अवसरमा एउटा कार्यक्रम गर्न लागेको र उक्त कार्यक्रममा सहभागी हुन सभापति देउवालाई राष्ट्रपति सी चिनफिङले निमन्त्रणा पठाउनुभएको बताउनुभयो,’ डा भट्टराईले नेपालखबरसँग भने।

प्रतिनिधिमण्डल

सो अवसरमा सभापति देउवाले चिनियाँ पार्टी स्थापना भएको सय वर्ष पुगेको उपलक्ष्यमा र नयाँ वर्ष २०२१ को अवसरमा चीनका राष्ट्रपति सी चिनफिङलाई शुभकामना दिएको उनले बताए।

सल्लाहकार भट्टराईले चिनियाँ प्रतिनिधिमण्डलसँग दुई देशबीचको सम्बन्धका बारेका कुरा भएको बताए। भेटमा सभापति देउवाले चिनियाँ कम्युनिस्ट पार्टी कांग्रेसको राम्रो साथी रहेको बताएका थिए।

‘बीपीले नेपाल र चीनको सम्बन्ध आधारशीला तयार गर्न जुन योगदान गर्नुभयो त्यसको हामी प्रशंसा गर्छौं,’ चिनियाँ टोलीले देउवासँग भनेको भनाइ उद्धृत गर्दै सल्लाहकार भट्टराईले भने, ‘हामी सोही सम्बन्धमा कायम छौं भन्ने जवाफ सभापति देउवाले दिनुभयो।’

उक्त भेटवार्तामा सहभागी सभापति देउवाका परराष्ट्र सल्लाहकार डा. दिनेश भट्टराई चिनियाँ कम्युनिस्ट पार्टीको टोलीले देउवालाई चीन भ्रमणको निम्तो दिएको बताए।

प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले प्रतिनिधि सभा विघटन गरेपछि चिनियाँ कम्युनिष्ट पार्टीको प्रतिनिधिमण्डल आइतबार चारदिने नेपाल भ्रमणमा आएको हो।

चिनियाँ टोलीले आइतबार नै राष्ट्रपति, प्रधानमन्त्रीसँग भेटवार्ता गरेको थियो भने सोमबार नेकपाका अध्यक्ष पुष्पकमल दाहाल प्रचण्ड, अर्का अध्यक्ष माधवकुमार नेपाल, वरिष्ठ नेता झलनाथ खनालसँग भेट गरेको थियो।

यस्तै चिनियाँ प्रतिनिधिमण्डलले सोमबार साँझ जनता समाजवादी पार्टीका संघीय परिषद् अध्यक्ष डा. बाबुराम भट्टराईसँग पनि भेट गरेको थियो।

प्रतिक्रिया :

भर्खरै प्रकाशित

पहिरो अवलोकन गर्न पुगेका बुटवलका मेयर माथि मुक्का प्रहार

बुटवल, असोज ४ । बुटवल उपमहानगरपालिकाका प्रमुख शिवराज सुवेदीमाथि हातपात भएको छ। बुटवल ३ ज्योतिनगरमा गएको पहिरोको अवलोकनका लागि पुगेका सुवेदी माथि स्थानीय एक युवाले…

बाटोमै चिप्लिएर लडेकी महिलाको मृत्यु

मोरङ, ४ असोज । मोरङको मिक्लाजुङ गाउँपालिका–१ मा बाटो हिँड्ने क्रममा चिप्लिएर आइतबार राति एक महिलाको मृत्यु भएको छ । स्थानीय जीतकुमार राईकी श्रीमती ५६ वर्षीया…

फ्रान्सले रद्द गर्‍यो बेलायतसँगको रक्षा वार्ता

काठमाडौं, ४ असोज । अमेरिका, अष्ट्रेलिया र बेलायतबीच एशिया प्रशान्त सुरक्षा सहमतिपछि क्रुद्ध बनेको फ्रान्सले बेलायतसँग वार्तामा बस्न समेत अस्वीकार गरेको छ । बेलायत र फ्रान्सका…

रोजगारी गुमेपछि फर्किए ६ लाख नेपाली युवा

काठमाडौं, ४ असोज । स्वदेशमा रोजगारी सिर्जना हुन सकेको छैन । सरकारले युवालाई विदेश पलायन हुनबाट रोक्ने नीति तथा कार्यक्रम ल्याउने घोषणा गरेको छ । तर…

रहस्यमय बन्दै संखुवासभा सामुहिक हत्याकाण्ड, थप ६ जना पक्राउ

संखुवासभा, ४ असोज । भदौ २८ गते संखुवासभाको मादी नगरपालिका–१ को खोलागाउँमा भएको सामुहिक हत्याकाण्ड झन रहस्यमय बन्दै गएको छ । प्रहरीले थप ६ जनामाथि अनुसन्धान अगाडि…