माथिल्लो तामाकोशीले पहिलो युनिटबाट चैतमा उत्पादन थाल्ने

दोलखा, पुस १४ ।माथिल्लो तामाकोशी जलविद्युत आयोजनाले पहिलो युनिटबाट ७६ मेगावाट विद्युत यहि चैत महिना भित्र उत्पादन सुरु गर्ने जनाएको छ ।

दोलखाको विगु गाउँपालिका वडा नम्बर १ लामावगरमा स्वदेशी लगानीमा निर्माण भइरहेको आयोजनाले यस अघि सार्वजनिक गरेको तालिका अनुसार यहि पुस महिनामा पहिलो युनिटबाट विद्युत उत्पादन गर्नुपर्ने थियो ।

आयोजना पुनः संशोधित तालिका सार्वजनिक गर्दै २०७७ फागुनमा सुरुङमा पानी भर्ने, चैतमा पहिलो युनिटबाट विद्युत उत्पादन गर्ने र २०७८ असार भित्र बाँकी ५ वटा युनिटहरुबाट पनि विद्युत उत्पादन गर्ने जनाएको छ ।
आयोजनाको भैसे अडिट प्लग कार्य, माथिल्लो पेनस्टक अडिट प्लग कार्य, सर्ज सुरुङ अडिट प्लग कार्य, माथिल्लो पेनस्टक स्याफ्टको बेण्ड राख्ने कार्य, तल्लो र माथिल्लो पेनस्टक स्याफ्टहरु बीचको तेर्सो पेनस्टक कार्य र तल्लो तेर्सो पेनस्टक कार्यको निर्माण फागुन १६ गते सम्म सम्पन्न गर्ने जनाएको छ ।

aawash steels

उक्त ६ वटा मुख्य कार्यहरुको निर्माण सम्पन्न भएपछि हेडवक्र्स, मुख्य सुरुङ र पेनस्टकमा पानी भरी ती सिभिल संरचना र हाइड्रोमेकानिकल उपकरणहरुको प्राविधिक परिक्षण गर्ने आयोजना प्रमुख विज्ञान श्रेष्ठले जानकारी दिनुभयो । १५ दिन सम्म गरिने परिक्षण सफलतापुर्वक सम्पन्न भएपछि विद्युतगृहमा जडान गरिएका ६ वटा युनिटहरुको परिक्षण गरिनेछ ।

आयोजनाको बाँध, इन्टेक, मुख्य सुरुङ, सर्ज स्याफ्ट, पेनस्टक स्याफ्टहरु, भूमिगत विद्युत गृहको सिभिल र हाइड्रोमेकानिकल कार्यहरु निर्माण सम्पन्न भइसकेको छ । त्यसैगरि विद्युत गृहमा टर्वाइन, जेनेरेटर, ट्रान्सफर्मर लगाएतका सबै उपकरणहरुको जडान कार्य र गोंगरदेखी रामेछापको देवीटारसम्मको ४७ किलोमिर लामो प्रसारण लाईन निर्माण सकिएको छ । देवीटारमा निर्माणाधीन २२०/१३२ के.भी. क्षमताको सवस्टेशनमा उपकरणहरु जडान कार्य अन्तिम चरणमा पुगेको माथिल्लो तामाकोशी जलविद्युत आयोजनाले जनाएको छ ।

आयोजनाको लट नम्बर २ (हाइड्रोमेकानिकल कार्य) को जिम्मा लिएको ठेकेदार भारतीय कम्पनी टेक्सम्याको रेल एण्ड इन्जिनियरीङ लिमिटेडले पेनस्टक पाईप, गेटहरुलगायतका हाइड्रोमेकानिकल उपकरणको उत्पादन, ढुवानी र जडान कार्यमा ढिलाई गर्दा आयोजना निर्माणमा ढिलाई भएको आयोजनाका प्रवक्ता डाक्टर गणेश न्यौपानेले जानकारी दिनुभयो । आयोजनाले पेनस्टक पाइपमा एक्स्पान्सन ज्वाईन्ट पाईको सट्टा अर्को पाईप राखी विद्युत उत्पादन गर्ने प्रवक्ता न्यौपानेको भनाई छ ।

४ सय ५६ मेगावाट क्षमताको माथिल्लो तामाकोशी जलविद्युत आयोजना २०६७ भदौबाट निर्माण सुरुभएको थियो । आयोजना निर्माणमा ढिलाई हुँदा कुल ३५ अर्व अनुमान गरिएको लागत बढेर ४९ अर्ब २९ करोड पुगेको छ । उक्त लागत निर्माण अवधिको व्याज बाहेक हो ।

प्रतिक्रिया :

भर्खरै प्रकाशित

बाटोमै चिप्लिएर लडेकी महिलाको मृत्यु

मोरङ, ४ असोज । मोरङको मिक्लाजुङ गाउँपालिका–१ मा बाटो हिँड्ने क्रममा चिप्लिएर आइतबार राति एक महिलाको मृत्यु भएको छ । स्थानीय जीतकुमार राईकी श्रीमती ५६ वर्षीया…

फ्रान्सले रद्द गर्‍यो बेलायतसँगको रक्षा वार्ता

काठमाडौं, ४ असोज । अमेरिका, अष्ट्रेलिया र बेलायतबीच एशिया प्रशान्त सुरक्षा सहमतिपछि क्रुद्ध बनेको फ्रान्सले बेलायतसँग वार्तामा बस्न समेत अस्वीकार गरेको छ । बेलायत र फ्रान्सका…

रोजगारी गुमेपछि फर्किए ६ लाख नेपाली युवा

काठमाडौं, ४ असोज । स्वदेशमा रोजगारी सिर्जना हुन सकेको छैन । सरकारले युवालाई विदेश पलायन हुनबाट रोक्ने नीति तथा कार्यक्रम ल्याउने घोषणा गरेको छ । तर…

रहस्यमय बन्दै संखुवासभा सामुहिक हत्याकाण्ड, थप ६ जना पक्राउ

संखुवासभा, ४ असोज । भदौ २८ गते संखुवासभाको मादी नगरपालिका–१ को खोलागाउँमा भएको सामुहिक हत्याकाण्ड झन रहस्यमय बन्दै गएको छ । प्रहरीले थप ६ जनामाथि अनुसन्धान अगाडि…

आजदेखि ११ दिन देशैभर भेरोसेल खोप दिइँदै, कुन जिल्लामा कुन…

काठमाडौं, ४ असोज । सरकारले आज (सोमबार) देखि ११ दिनसम्म देशैभर भेरोसेल खोप वितरण गर्दैछ । चीनबाट खरिद गरी ल्याएको ४० लाख डोज कोभिड–१९ विरुद्धको भेरोसेल…